JUECES 10:6 - Dios Rimashca Shimicunami

⁶ Israelcunaca baal shuti, Astarot shuti dioscunata, Siria llajtapaj dioscunata, Sidón llajtapaj dioscunata, Moab llajtapaj dioscunata, amonitacunapaj dioscunata, filisteocunapaj dioscunata adorashpami, Mandaj Diospaj ñaupajpica cutinllataj millaita rurarcacuna. Mandaj Diosmanta anchurishpami, Mandaj Diospajtaca ña mana ashtahuan rurarcacuna.

JUECES 10:6 Iomraidhean Croise

1 REYES 11:33

Salomonca sidoniocunapaj Astoret huarmi diosta, moabitacunapaj Quemos diosta, amonitacunapaj Moloc diosta adorashpami ñuca chaitataj pajtachichun nishcata mana pajtachishpa, pajtachinguitaj nishcatapish mana pajtachirca. Paipaj yaya David maiman mana anchurishpa, purishca shinaca mana ñuca ñanpi purishpami ñucamanta anchurirca.

1 REYES 11:5

Chaimi Salomonca, Sidón llajtapi causajcunapaj Astoret dios nishca huarmi diosta, amonitacunapaj Milcom shuti millanana manapish diosta catirca.

1 REYES 11:7

Chashna cashpami Salomonca Jerusalén ch'imbapurapi caj urcupi millanana manapish dios caj Moabitacunapaj Quemos nishca diospaj shuj altarta rurarca. Millanana manapish dios caj amonitacunapaj Moloc nishca diospajpish shuj altartami rurarca.

1 REYES 16:31

Acabpaj yuyaipica Nabatpaj churi Jeroboam rurashca shinallataj millaita rurashcapish ima mana cashca shinami carca. Sidón llajtata jatun mandaj Et-baalpaj ushushi Jezabeltapish paipaj huarmi cachunmi japirca. Baal nishca diosta adorashpa paipajta rurajmi tucurca.

2 REYES 17:16

Ashtahuanpish paicunaca Mandaj paicunapaj Dios tucui mandashcacunata saquishpami, bronce ishqui bizi diosta, Asera huarmi diosman rijchajtapish rurarcacuna. Jahua pachapi tucui imalla tiyajcunatapish adorashpa, Baalpajtapish rurashpami,

2 REYES 23:13

Jatun mandaj Josiasca Jerusalén ch'imbapurapi caj chingarinapaj urcu alli ladopi caj altarcunatapishmi yangata rurarca. Chai altarcunataca israelcunata jatun mandaj Salomonmi sidoniocunapaj Astoret millanana rurashcalla diosta, moabitacunapaj Quemos millanana rurashcalla diosta, amonitacunapaj Milcom millanana rurashcalla diosta yuyarichun rurachishca carca.

2 CRÓNICAS 28:23

Paica llaquipi cashpaca, Damasco pueblopi causajcunapaj dioscunamanmi animalcunata cushpa huañuchirca. Chai diosllatajmi paita llaquipi churarca. Paica: “Chai dioscunaca chai llajtata jatun mandajcunataca ayudarcami. Ñucapish animalta cushpa huañuchisha, ñucatapish ayudahuangami” yuyashpami chashna rurarca. Ashtahuanpish chai dioscunata cungurishcamantami paillatajpish, tucui israelcunapish jatun llaqui tucurcacuna.

SALMOS 106:36

Chaicunapaj rurashcalla dioscunapajtami rurarcacuna. Chaimi jatun llaqui tucurcacuna.

ISAÍAS 23:4

¡Sidón pingai tucuiyari! Mama cuchapaj muyundij sinchi pircalla: “Huachana nanaihuanca manataj cashcanichu. Huachajpish manataj cashcanichu. Churicunatapish mana huiñachishcanichu. Ushushicunatapish mana huiñachishcanichu” ningami.

JEREMÍAS 2:13

Ñuca agllashcacunaca, ishqui jatun millaitami rurancuna: Puntaca causaita cuj yacu llujshicuj pugyu caj ñucatamari saquincuna. Chaimantaca yacu chaquijlla jutcucunatamari yacupaj rurancuna.

JEREMÍAS 2:20

Cancunaca ñaupamantapachami ñuca churashca yugotaca p'aquircanguichij, cinta angucunatapish p'itircanguichij. Chashna rurashpami: Cantaca ña manataj servishachu nircanguichij. Chashna rurashca jahuapish tucui maipi tiyaj lomacunapi, tucui p'angasapa yura ucucunapimi huainayaj huarmi shina siririshpa huainayarcanguichij.

JEREMÍAS 32:23

Cai llajtata japishpaca, caipi p'ucushcata micushpa cushicurcacunami. Shina cashpapish can rimashcataca mana uyarcacunachu, can mandashcatapish imata mana pajtachishpa causancunachu. Imallata rurachun can mandashcataca, imata mana rurarcacunachu. Chaimantamari cai tucui llaquicunata paicunapaj jahuapi cacharishcangui.

EZEQUIEL 27:16

Edom llajtapi causajcunapish cambaj c'atuna plazacunapica canpi imalla charishcacunataca perlas rumicunahuan, amsa puca linsocunahuan, bordashca churanacunahuan, tucuimanta yalli alli lino linsocunahuan, coralcunahuan, rubíes rumicunahuanmi randinaman shamurcacuna.

DEUTERONOMIO 13:6

Cancunataca quiquin huauquillataj, quiquin churillataj, ushushillataj, quiquin huarmillataj, mana cashpaca cancunahuan alli apanacujcunallataj cancunataca pacalla cashna ningachari: “Jacuchij shujtajcunapaj dioscunapajta rurashunchij” ningachari. Chai dioscunataca cancunapish, cancunapaj yayacunapish mana rijsircanguichijchu.

DEUTERONOMIO 13:8

Paicuna nishcataca ama uyanguichijchu, ama cazunguichijchu. Paicunataca ama llaquinguichijchu. Paicunataca ñataj mana huañuchisha nishpa pacacunguichijman.

DEUTERONOMIO 31:16

Chaipimi Mandaj Diosca Moisestaca: “Riqui, canca ñami cambaj yayacunahuan samarigringui. Cai israelcunaca paicuna causagricun llajtaman rishpa chai llajtapi tiyaj shujtaj dioscunata catishpami chai dioscunahuan huainayangacuna. Chaipica ñucata mana valichishpami ñucamanta anchurishpa, ñuca paicunahuan ari ninacushcatapish p'aquingacuna.

DEUTERONOMIO 31:17

Chai punllacunapica nina sindirij shina paicunahuan ñuca yallitaj p'iñarishpami, paicunata shitashpa manataj tigrashpa ricusha. Paicunapaj jahuaman achca llaquicuna, mana allicuna shamushpami paicunataca tucuchinga. Chai punllapimi paicunaca: 'Ñucanchij Dios ña mana ñucanchijhuan cajpimari, cai tucui llaquicunaca ñucanchij jahuaman shamushca' ningacuna.

DEUTERONOMIO 32:15

Ashtahuanpish Jesurún huirayashpaca, huashamanmi jaitarca. Yallitajmi gordoyarcangui, huirami taparca. Ashtahuanpish paita ruraj Taita Diosmantami anchurirca. Paita quishpichij jatun Rumitapish yanganchircami.

JOSUÉ 13:31

Basán llajtapi caj chaupi Galaad llajtandij, Astarot pueblondij, Edrei pueblondijmi jatun mandaj Og mandaj carca. Chai llajtacunataca Manasespaj churi Maquirpaj huahua huahuapuramanmi mashna familia cashcata ricushpa causana pajtata curca.

JUECES 10:5

Chai q'uipami Jairca huañurca. Paitaca Camón pueblopimi pambarcacuna.

JUECES 11:24

Cambaj Quemos dios canman imata cushcaca ¿manachu ña cambaj? Chashnallataj Mandaj Dios ñucanchij ñaupajpi quichushpa ñucanchijman cushcaca ña ñucanchijpajmi.

JUECES 13:1

Israelcunaca Mandaj Diospaj ñaupajpica cuntinllatajmi millaita rurarcacuna. Paicunataca Mandaj Diosca chuscu chunga huatacama llaquichichunmi filisteocunapaj maquipi churarca.

JUECES 16:23

Filisteocunata mandajcunaca paicunapaj Dagón diosman sacrificiota cungapaj, cushicungapaj tandanacushpami: “Ñucanchijta p'iñaj Sansontaca, ñucanchij diosmari ñucanchij maquipi churarca” nircacuna.

JUECES 3:7

Israelcunaca Mandaj Diospaj ñaupajpica millaita rurashpami, paicunata Mandaj Diostaca cungarircacuna. Baal dioscunatapish, Asera huarmi diosman rijchajta rurashca dioscunapajtapish rurashpami causarcacuna.

JUECES 4:1

Aod huañushca q'uipaca israelcunaca, cutinllatajmi Mandaj Diospaj ñaupajpi millaita rurai callarircacuna.

JUECES 6:1

Israelcunaca cutinllatajmi Mandaj Diospaj ñaupajpica millaita rurarcacuna. Chaimi Mandaj Diosca, madianitacuna canchis huatacunata llaquichichun paicunapaj maquipi churarca.

JUECES 8:33

Gedeón huañushca q'uipaca, israelcunaca cutinllatajmi Baal nishca dioscunahuan huainayarcacuna. Paicunapaj dios cachunca, Baal-berit diostami agllarcacuna.

1 SAMUEL 5:2

Filisteocunaca Diospaj arcata apashpaca paicunapaj Dagón diospaj huasi ucuman yaicuchishpami, Dagonpaj c'uchupi churarcacuna.