JUECES 10:13 - Dios Rimashca Shimicunami

¹³ Chai jahuamari ñucamanta caruyashpa shujtajcunapaj dioscunapajta rurashcanguichij. Ñucapish cancunataca ña mana ashtahuan quishpichishachu.

JUECES 10:13 Iomraidhean Croise

1 CRÓNICAS 28:9

Salomón, ñuca huahualla. Cambaj yayapaj Diosmantaca pajta anchuringuiman. Tucui shunguhuan tucui munaihuan paipajta rurangui. Pai Mandaj Diosca tucuicunapaj shunguta callarishpami ricun. Imata ruranata yuyacushcatapish tucuitami yachan. Can paita mashcashpaca japinguimi. Can paimanta anchurijpica paipish cantaca shitashcatami saquinga.

2 CRÓNICAS 12:5

Chaimi profeta Semaiasca, Roboampajman rirca. Jatun mandaj Sisac macanacunaman shamushcamantami, Judá llajtapi causajcunata tucui mandajcunapish, Jerusalenpi Roboamhuan tandanacushcacuna carca. Tucui paicunatapish, Roboamtapishmi Semaiasca cashna nirca: –Mandaj Diosca cashnami nin: Cancunami ñucamanta anchurircanguichij. Chaimantami cunanca ñucapish cancunataca, Sisacpaj maquipi churagrini ninmi– nircami.

2 CRÓNICAS 21:10

Shina cajpipish, edomitacunaca, Judá llajtata jatun mandajpaj maquimanta cacharichishpami cunancama chashna causacuncuna. Chai huatallapitajmi Libna pueblopi causajcunapish, pai mandacunmanta cacharirircacuna. Paipaj ñaupa yayacunata Mandaj Diosta cungarishcamantami, chashna tucurca.

JEREMÍAS 2:13

Ñuca agllashcacunaca, ishqui jatun millaitami rurancuna: Puntaca causaita cuj yacu llujshicuj pugyu caj ñucatamari saquincuna. Chaimantaca yacu chaquijlla jutcucunatamari yacupaj rurancuna.

JEREMÍAS 2:19

Cancunapaj juchallatajmi llaquichinga. Ñucata mana cazushca juchallatajmari cancunataca llaquipi churanga. Chaipimi cancunaca ñuca cancunata Mandaj Diosmanta anchurinapish, ñucata mana cazunapish, yallitaj mana alli cashcata, llaqui tucuna cashcata yachanguichij. Tucuita Mandaj Jatun Diostajmi chashna nini.

JONÁS 2:8

Rurashcalla dioscunata yanga mañajcunaca, cambaj c'uyaitami cungarincuna.

DEUTERONOMIO 32:15

Ashtahuanpish Jesurún huirayashpaca, huashamanmi jaitarca. Yallitajmi gordoyarcangui, huirami taparca. Ashtahuanpish paita ruraj Taita Diosmantami anchurirca. Paita quishpichij jatun Rumitapish yanganchircami.

JUECES 10:14

Cunanca cancunapaj llaquicunamanta llujshichichunca, cancuna agllashca dioscunallatataj caparishpa mañagrichijlla” nircami.

JUECES 2:12

Chashnami paicunapaj ñaupa yayacunata Egiptomanta llujshichimuj Mandaj Diostaca saquircacuna. Paicunaca paicunapaj muyundij llajtacunapi causajcunapaj dioscunapajmanmi rircacuna. Chaicunata adorashpami Mandaj Diostaca yallitaj p'iñachircacuna.

JUECES 2:19

Mandaj Dios churashca juez huañujpica, millaita ruranaman tigrarcallacunami. Manapish dios cajcunata catishpa, chaicunapajta rurashpa paicunapaj ñaupajpi cungurishpami, paicunapaj yayacunatapish yalli millaita rurarcacuna. Chai dioscunapajta ruranamanta, chai mana alli ñanmantaca manataj anchusha nircacunachu.