JUECES 10:10 - Dios Rimashca Shimicunami

¹⁰ Chaimi israelcunaca Mandaj Diostaca: “Ñucanchijmi, can ñucanchij Diosta saquishpa, baal dioscunapajllata rurashpa can Diosta p'iñachishpa juchallishcanchij” nishpami caparishpa mañarcacuna.

JUECES 10:10 Iomraidhean Croise

SALMOS 107:13

Llaquipi cashpami Mandaj Diostaca c'uyaillata mañarcacuna. Chaimi chai llaquicunamanta llujshichirca.

SALMOS 107:19

Llaquihuan cashpami, Mandaj Diostaca c'uyaillata mañarcacuna. Chaimi chai llaquicunamanta llujshichirca.

SALMOS 107:28

Llaquipi cashpami, Mandaj Diostaca c'uyaillajta mañancuna. Chaimi chai llaquicunamanta llujshichirca.

JEREMÍAS 2:27

Paicunaca yanta caspillatami: Canmi ñucanchij yaya cangui nincuna. Shinallataj rumillatami: Canmi ñucanchijta huachaj mama cangui nincuna. Ashtahuanpish ñucamanca ñahuita ricuchinapaj randica, huashatami ricuchincuna. Jatun llaqui japijllapimi ñucataca: Quishpichinaman jataripayari nincuna.

JUECES 10:9

Amonitacunaca Judá ailluhuan, Benjamín ailluhuan, Efraín ailluhuan macanacungapajpishmi Jordán yacuta ch'imbarcacuna. Israelcunaca yallitaj llaquitami apacurcacuna.

JUECES 3:9

Chaipi llaquita apacushpami, israelcunaca Mandaj Diosta caparishpa mañarcacuna. Chaimi Mandaj Diosca paicunata llujshichichunca shuj pushajta churashpa chai llaquimanta llujshichirca. Chai runaca Calebpaj q'uipa huauqui Cenazpaj churi Otonielmi carca.

JUECES 4:3

Jabín shuti mandajca, 900 fierro carrocunatami charirca. Paica israelcunataca, ishqui chunga huatacunatami jatunta llaquichishpa causarca. Chaimi israelcunaca Mandaj Diostaca caparishpa mañarcacuna.

JUECES 6:6

Madianitacuna chashna llaquichijpimi, israelcunaca ima charinacunapish illaj saquirircacuna. Israelcunaca Mandaj Diostami caparishpa mañarcacuna.

1 SAMUEL 12:10

Chaimi paicunaca Mandaj Diostaca: “Baal dioscunapajta, Astarot dioscunapajta rurashpamari Mandaj Diosta saquishpa juchallishcanchij. Mandaj Dioslla cunanca ñucanchijta p'iñajcunapaj maquimanta quishpichihuai. Quiquinpajtami rurashun ninchij” nishpa caparishpa mañarcacuna.

1 SAMUEL 7:6

israelcunaca Mizpapi tandanacushpa yacuta huishishpa Mandaj Diospaj ñaupajpi tallircacuna. Chai punllaca ayunashpami: “Mandaj Diostaca canta p'iñachishpamari juchallishcanchij” nishpa Samuelca israelcuna mana allita rurashcataca Mizpa pueblopi allichirca.