JUECES 1:9 - Dios Rimashca Shimicunami

⁹ Chai q'uipaca, Judapaj ailluca urcucunapi, Neguev pambacunapi, pambajlla llajtacunapi causaj cananeocunahuan macanamanmi uriyarcacuna.

JUECES 1:9 Iomraidhean Croise

GÉNESIS 12:9

Abramca chaimanta rishpaca, asha asha caipi chaipi causashpami Neguevman chayarca.

JOSUÉ 10:36

Chai q'uipaca Josueca, tucui israelcunandij Eglón pueblomanta Hebrón puebloman huichiyashpami, chaipi causajcunahuan macanacunalla shayarirca.

JOSUÉ 11:21

Josueca Hebrón urcucunapi causaj anaceocunata, Debir urcucunapi causajcunata, Anab urcucunapi causajcunata, Judacuna cunan causacun urcucunapi tucui causajcunata, israelcuna cunan causacun urcucunapi tucui causajcunatapish chai punllacunallatajmi paicunapaj pueblocunandij tucuita chingachirca.

JOSUÉ 12:8

Chai allpacunaca Arabá pambacuna, urcucuna, pugru pambacuna, Neguev llajta, chai muyundij shitashca pambacuna, quinri allpacunapishmi carca. Chai llajtacunapica heteocuna, amorreocuna, cananeocuna, ferezeocuna, heveocuna, jebuseocunami causaj carca.

JUECES 1:10

Judapaj ailluca, Hebronpi causaj cananeocunahuanpishmi macanacunaman rirca. Chai pueblopi causajcunata mandaj Sesai, Ahimán, Talmai runacunatapishmi huañuchircacuna. Chai puebloca ñaupaca, Quiriat-arba shutimi carca.

JUECES 1:8

Judapaj ailluca, Jerusalenpi causajcunapajman rishpa mishashpaca tucuita japishpa, tucuicunata espadahuan huañuchishpami, chai pueblotapish tucuita rupachircacuna.