JUECES 1:7 - Dios Rimashca Shimicunami

⁷ Adoni-bezecca cashnami nirca: “Ñaupaca ñucamari canchis chunga jatun mandajcunata paicunapaj maquicunamantapish, chaquicunamantapish mama dedocunata p'itichircani. Paicunaca ñuca micucushpa urmachishcallatami meza ucumanta japishpa micujcuna carca. Ñuca imashinami paicunata llaquichircani, chai shinallatajmari ñucatapish Diosca llaquichin” nircami. Chai q'uipaca paitaca Jerusalenman apajpimi chaipi huañurca.

JUECES 1:7 Iomraidhean Croise

1 REYES 21:19

Paitaca cashna ningui: Mandaj Diosca cashnami nin: ¿Nabotta huañuchishpami paipaj allpataca can japircangui? Can chaita rurashcamantaca, paipaj yahuarta allcucuna lambishca cai pamballapitajmi cambaj yahuartapish allcucunallataj lambinga ninmi Mandaj Diosca ningui” nircami.

ÉXODO 29:20

Chai carnerotapish huañuchishpa, yahuarta japishpaca Aarontapish, paipaj churicunatapish paicunapaj alli lado rinrin ucu lado puntapi churangui. Paicunapaj alli lado maqui mama dedopipish, alli lado chaqui mama dedopipish churangui. Saquirishca yahuartaca altar jahuapipish, altar muyundijpipish tsirapangui.

ISAÍAS 33:1

¡Aij, pitapish quichuj runalla, cantaca nunca pi manaraj quichunchu! Aij, huashalla llaquichij runalla cantaca pi manaraj huashalla llaquichinchu. Shujtajcunata quichunata can ña tucui tucuchijpica, cantapish tucui quichushcami cangui. Huashalla llaquichishpa tucuchijpica canpish huashalla llaquichishcami cangui.

SOFONÍAS 3:19

Chai punllacunapica cancunata llaquichijcunamanca, ñucami paicuna japina cashcata cusha. Patojocunatapish quishpichishami, chingarishca puricujcunatapish tandachishami. Cancunataca alli nishca cachunpish, tucui cai pachapi rijsishca cachunpishmi caipica churasha.

Romanos 2:15

Chaimi Mandashca rurangui nishcaca, paicunapaj shungupi quillcashca cashcata ricuchincuna. Paicunapaj yuyaillatajmi yuyachishpa ima shina cashcata ricuchishpa juchachin, mana cashpaca allimi nin.

Santiago 2:13

Imamantapish maijanta mana llaquishpa llaquichijtaca, paitapish mana llaquishpallataj llaquichishcami canga. Llaquij canaca, llaquichishca canatami mishan.

Apocalipsis 13:10

“Maijanpish prezu apashca cana cajca, prezu apashcami canga. Maijanpish espadahuan huañuna cajca, espadahuan huañuchishcami canga”. Chaimantami jucha illajcunaca, mana p'iñarij alli shungu, crij caticunalla.

Apocalipsis 16:6

Chai llaquita apajcunaca jucha illajcunatapish, cambaj profetacunatapish yahuarta jichashpami huañuchircacuna. Chaimantami canpish paicuna chasquina cashca shinallataj yahuarta ubyachishcangui” nircami.

JUECES 1:6

Adoni-bezectaca, miticushpa callpacujta catishpa japishpami maquicunamantapish, chaquicunamantapish mama dedocunata p'itircacuna.

JUECES 9:24

Jerobaalpaj canchis chunga churicunata huañuchishca yahuarca Abimelecpaj jahuapi urmachunmi chashna jatarirca. Siquempi causajcunapish huañuchishpa ayudashcamantami chashna llaquita chasquirca.

JUECES 9:57

Siquempi causajcuna tucui mana allita rurashcamantaca, Diosca paicunatapish chai shinallatajmi llaquichirca. Jerobaalpaj churi Jotam paicunata llaqui tucushca canman nishcaca pajtarcami.

1 SAMUEL 15:33

Samuelca Agagtaca: –Ima shinami canpish cambaj espadahuan mamacunataca huahuacuna illajta saquircangui. Chai shinallatajmi cambaj mamapish huarmicunapurapica huahua illajlla saquiringa– nishcahuanmi, Samuelca Gilgalpi Mandaj Diospaj ñaupajpi Agagtaca, mirga mirgapi p'itirca.