JUECES 1:6 - Dios Rimashca Shimicunami

⁶ Adoni-bezectaca, miticushpa callpacujta catishpa japishpami maquicunamantapish, chaquicunamantapish mama dedocunata p'itircacuna.

JUECES 1:6 Iomraidhean Croise

ESTER 8:12

Jatun mandaj Asuero mandacun tucui llajtacunapimi, shuj punllallapi chashna rurana canguichij. Cai huatami chunga ishqui quilla caj Adar shuti quilla chunga quimsa punllapica, chashna rurana canguichij” nishpami mandarca.

SALMOS 107:40

Llaquichij mandajcunataca mana ricunachinchu. Paicunataca chingarishca, ñanpish illaj puricujlla cachunmi churan.

SALMOS 149:8

Paicunapaj jatun mandajcunata grillo nishcacunahuan huatangapaj chashna caichigari. Paicunapaj alli nishcacunata fierro cadenacunahuan huatangapaj chashna caichigari.

SALMOS 59:11

Paicunataca ama huañuchichu. Ashtahuanpish quiquinpaj poderhuan urata janajta cachashpa cumurichi. Chaimi ñucahuan cajcunaca quiquinta yuyaringacuna. Mandaj Dios quiquinca ñucanchij escudomi cangui.

ÉXODO 14:26

Mandaj Diosca Moisestaca: –Egipciocunatapish, carrocunatapish, caballopi tiyarishcacunatapish, yacu tapachun cucha jahuata cambaj maquita chutai– nircami.

ÉXODO 21:24

Ñahuita llujshichijtaca paitapish ñahuita llujshichichun. Quiruta llujshichijtaca paitapish quiruta llujshichichun. Maquita p'aquijtaca paitapish maquita p'aquichun. Chaquita p'aquijtaca paitapish chaquita p'aquichun.

ÉXODO 29:20

Chai carnerotapish huañuchishpa, yahuarta japishpaca Aarontapish, paipaj churicunatapish paicunapaj alli lado rinrin ucu lado puntapi churangui. Paicunapaj alli lado maqui mama dedopipish, alli lado chaqui mama dedopipish churangui. Saquirishca yahuartaca altar jahuapipish, altar muyundijpipish tsirapangui.

JEREMÍAS 34:17

Cancuna chashna rurashcamantami, Mandaj Diosca cashna nin: “Cancunaca ñucata mana cazushpami, cancunapaj familiacunataca servichicushcamanta mana cacharishpa cachanguichij. Chaimantami ñucapish espadahuan huañuchijcunatapish, jatun yaricaitapish, ungüitapish cancunata llaquichichun cachagrini. Chai jatun llaquihuanmi cancunataca, tucui cai pacha llajtacunapaj chaupipi jatunta pingachigrini. Ñuca, Mandaj Diostajmi chashna nini.

JEREMÍAS 50:15

Tucui muyundijpi shayarishpa, macanacunata callarinapaj caparirichij. Ñamari Babilonia pueblo muyundij jatun pirca t'unirin, callari rumicunamantapachamari urman. Chai pueblopi causajcunaca ñamari paicunataj llujshishpa japi tucuncuna. Mandaj Dios paicunata llaquichina punllamari, paicunataca llaquichichijlla. Paicuna shujtajcunata rurashca shinallataj ruraichijlla.

JOSUÉ 15:16

Chaipi cashpami Calebca: “Quiriat-seferpi causajcunahuan maijanpish macanacushpa mishajmanca Acsa shuti ñuca ushushitami paipaj huarmi cachun cusha” nirca.

JUECES 1:5

Adoni-bezectapish Bezec pueblopi japishpami paihuanpish macanacushpa cananeocunatapish, ferezeocunatapish misharcacuna.

JUECES 1:7

Adoni-bezecca cashnami nirca: “Ñaupaca ñucamari canchis chunga jatun mandajcunata paicunapaj maquicunamantapish, chaquicunamantapish mama dedocunata p'itichircani. Paicunaca ñuca micucushpa urmachishcallatami meza ucumanta japishpa micujcuna carca. Ñuca imashinami paicunata llaquichircani, chai shinallatajmari ñucatapish Diosca llaquichin” nircami. Chai q'uipaca paitaca Jerusalenman apajpimi chaipi huañurca.