JUECES 1:4 - Dios Rimashca Shimicunami

⁴ Judá aillu macanacunaman chashna huichiyajpica, Mandaj Diosca cananeocunata, ferezeocunataca paicunapaj maquipimi churarca. Chaimi paicunataca Bezec pueblopi, 10.000 runacunata huañuchircacuna.

JUECES 1:4 Iomraidhean Croise

1 REYES 22:15

Micaías jatun mandajpajman shamujpi jatun mandajca: –Micaías, Galaadpi caj Ramotpi causajcunahuan ¿macanacungapajca huichiyashunchu mana cashpaca saquishunllachu?– nijpimi Micaiasca: –Macanacungapaj huichiyailla mishanguichijmi. Mandaj Diosmi paicunataca can jatun mandajpaj maquipi churanga– nircami.

1 REYES 22:6

Chaimi israelcunata jatun mandajca, 400 shina profetacunata tandachishpa: –¿Galaadpi caj Ramotpi causajcunahuanca macanacugrishachu, mana cashpaca saquishallachu?– nijpi paicunaca: –Macanacugrilla, Mandaj Diosmi cambaj maquipi churanga– nircacuna.

SALMOS 44:2

Llajtacunataca quiquinpaj maquihuanmi carcushpa cachashcangui. Gentecunataca llaquichishpami llujshichishpa cachashcangui. Chashna rurashpaca ñucanchij yayacunatami tarpuj shina cai llajtapi churashcangui.

SALMOS 78:55

Llajtacunataca israelcunapaj ñaupajmantami llujshichishpa cacharca. Allpacunataca paicunapaj cachunmi cordelhuan p'itishpa curca. Paicuna causacushca huasicunapica Israel aillucunatami causachun churarca.

DEUTERONOMIO 7:2

Mandaj Dios cancunapaj Taita Dios chai llajtacunata cancunapaj maquipi churajpi, ña mishashpaca paicunataca tucuita chingachinguichij. Paicunahuanca ima ruranata ama ari ninacunguichijchu. Paicunataca ama llaquinguichijpishchu.

DEUTERONOMIO 9:3

Chashna cajpipish Mandaj Dios cancunapaj Taita Dios rupachij nina shina cancunata ñaupashpa ricushcata cunanca alli entendichij. Chaicunataca paimi chingachishpa cancunapaj ñaupajpi cumurichinga. Chaimi cancunaca Mandaj Dios nishca shinallataj paicunataca utca anchuchishpa chingachinguichij.

JUECES 1:3

Judá ailluca paicunapaj huauqui Simeón aillutaca: “Ñucanchij japina cashca allpata quichungapajca ishqui tucushpa, cananeocunahuan macanacugrishun. Chai q'uipaca cancuna japina cashca allpata quichungapajpish, ishqui tucushpallataj macanacugrishunllami” nijpimi Simeonpaj ailluca Judapaj ailluhuan rirca.

JUECES 1:5

Adoni-bezectapish Bezec pueblopi japishpami paihuanpish macanacushpa cananeocunatapish, ferezeocunatapish misharcacuna.

JUECES 11:32

Amonitacunahuan Jefté macanacugrijpica, Mandaj Diosca amonitacunataca Jeftepaj maquipimi churarca.

JUECES 3:5

Chashnami israelcunaca cananeocunahuan, heteocunahuan, amorreocunahuan, ferezeocunahuan, heveocunahuan, jebuseocunahuan chagru causarcacuna.

1 SAMUEL 11:8

Bezec puebloman shamushcacunata yupajpica 300.000 runacunami carca. Judá aillumantaca, 30.000 runacunami carca.

1 SAMUEL 14:10

Ñucanchijta paicunapajman huichiyachun nijpica, paicunapajman huichiyashunllami. Paicuna chashna nishcaca Mandaj Dios paicunata ñucanchij maquipi churashca cashcata ricuchijmi canga– nircami.

1 SAMUEL 14:6

Jonatanca, paipaj macanacunata apajtaca: –Cuidacuj circunsicionta mana rurashcacunapajman ch'imbashpa jacu. Mandaj Diosca ñucanchijpaj imallatapish rurangapishchari, paipajca ima mana sinchichu. Achcahuan cashpapish ashallahuan cashpapish, paica mishachinllami– nirca.