JUECES 1:34 - Dios Rimashca Shimicunami

³⁴ Amorreocunaca, Danpaj aillutaca pambajlla llajtacunaman uriyachun mana saquishpami, urcucunaman catircacuna.

JUECES 1:34 Iomraidhean Croise

JOSUÉ 19:47

Dan aillupaj allpacunaca mana pajta cajpimi, paicunaca Lesem puebloman huichi rishpa chaipi causajcunahuan macanacushpa mishashpaca, espadacunahuan tucuita huañuchishpa, chai llajtata paicuna japishpa chaipi causarcacuna. Dan ailluca paicunapaj ñaupa yaya Dan cashcamantami, Lesem pueblotaca Dan shutita shutichircacuna.

JUECES 1:33

Neftalipaj aillupish Bet-semespi causajcunata, Bet-anatpi causajcunatapish mana llujshichishpa cacharcacunachu. Paicunapish chai llajtapi causaj cashca cananeocunallahuantajmi causarcacuna. Bet-semespi causaj, Bet-anatpi causaj cashca cananeocunaca Neftalí aillupajta yallitaj trabajashpallami causarcacuna.

JUECES 1:35

Chashnami amorreocunaca Heres urcupi, Ajalón, Saalbim pueblocunapi causashpa catircallacuna. Josepaj ailluca ña c'ari c'ari tucushpami, amorreocunataca paicunapajta yallitaj trabajachishpa causarcacuna.

JUECES 18:1

Chai punllacunapica Israelpica, jatun mandajca mana tiyarcachu. Chai punllacunallatajmi Danpaj ailluca paicuna causanapaj allpata mashcacurcacuna. Paicunaca chai punllacama Israel aillupurapica paicuna quiquinpajtatajca allpataca manaraj charircacunachu.