JUECES 1:27 - Dios Rimashca Shimicunami

²⁷ Manasespaj aillupish Bet-seán, Taanac, Dor, Ibleam, Meguido pueblocunapi causajcunata, chai muyundij llajtacunapi causajcunatapish mana llujshichishpa cacharcacunachu. Chaimantami chaipi causaj cananeocunaca chaillapitaj causashpa catircacuna.

JUECES 1:27 Iomraidhean Croise

1 REYES 9:21

Chaicunaca israelcuna mana tucuita huañuchishcacunapaj huahua huahuacunami carca. Paicunatami Salomonca tributota cuchishpa sinchita trabajachirca. Chaitaca cunan punllacamami chashna rurachicun.

2 REYES 23:29

Chai punllacunallatajmi Egipto llajtata jatun mandaj Necao faraonca Asiria llajtata jatun mandajhuan tupangapaj Éufrates jatun yacu c'uchuman huichiyarca. Chaimi jatun mandaj Josiaspish paihuan macanacungapaj llujshirca. Chaipimi Egipto llajtata jatun mandajca, paita ricushcahuan Meguido pueblopi huañuchirca.

2 REYES 9:27

Judá llajtata jatun mandaj Ocoziasca chaita ricushpami, huertapi caj huasiman rina ñanta miticushpa callparca. Chaimi Jehuca: –¡Paitapish catishpa rishpa, carrollapitaj chugrichichij!– nirca. Shina nijpica Ibleam c'uchupi caj Gurman rina huichipimi chugrichirca. Ocoziasca Meguidocama miticushpa callpashpa rishpami chaipi huañurca.

ÉXODO 23:32

Chai llajtapi causajcunahuan tandalla imata rurangapajca ama ari ninacunguichij. Paicunapaj dioscunapaj, imata rurangapajpish ama ari ninacunguichij.

JEREMÍAS 48:10

Mandaj Dios mingashcata mana cushicuihuan ruraj runaca, llaqui tucushca cachun. Paipaj espadahuan mana huañuchigrijpish, llaqui tucushca cachun.

DEUTERONOMIO 7:2

Mandaj Dios cancunapaj Taita Dios chai llajtacunata cancunapaj maquipi churajpi, ña mishashpaca paicunataca tucuita chingachinguichij. Paicunahuanca ima ruranata ama ari ninacunguichijchu. Paicunataca ama llaquinguichijpishchu.

JOSUÉ 21:25

Manasespaj chaupi aillupaj llajtapipish Taanac pueblotapish muyundij michina allpacunandij, Gat-rimón pueblotapish muyundij michina allpacunandijmi. Chai ishqui pueblocunata curcacuna.

JUECES 1:1

Israelcunaca paicunata pushaj Josué huañushca q'uipami, Mandaj Diostaca: “Cananeocunahuanca ¿maijan aillutaj punta macanacugrina canchij?” nishpa tapurcacuna.

JUECES 1:21

Benjaminpaj ailluca, Jerusalenpi causaj jebuseocunataca mana llujshichishpa cacharcacunachu. Jebuseocunaca Benjaminpaj ailluhuanmi Jerusalenpi cunancama causacuncuna.

JUECES 1:26

Chai runaca heteocunapaj llajtaman rishpami, shujtaj pueblota shayachirca. Chai pueblotaca Luz shutitami shutichirca, cunancama chai shutillatajmi.

JUECES 1:28

Israelcunaca ashtahuan c'ari c'ari tucushpa ña tucuita paicuna mandashpami cananeocunataca yallitaj paicunapajta trabajachishpa causarcacuna. Ashtahuanpish paicunataca mana llujshichishpa cacharcacunachu.

JUECES 5:19

Jatun mandajcuna shamushpami macanacurcacuna. Canaanta jatun mandajcuna shamushpami macanacurcacuna. Meguido yacu c'uchullapi caj Taanacpimi macanacurcacuna. Chai macanacuipica, ima cullquita mana japishpami tigrarcacuna.

1 SAMUEL 15:9

Saulpish, paipaj soldadocunapish Agagtaca mana huañuchircacunachu. Ovejacunatapish, huagracunatapish, ashtahuan allicunataca mana huañuchircachu. Huirayashca animalcunatapish, carnerocunatapish tucui alli allitaca mana chingachishun nircachu. Ashtahuanpish imapish mana vali, yangacunallatami tucui chingachircacuna.

1 SAMUEL 31:10

Saulpaj macanacunataca, Astarot diospaj huasipimi churarcacuna. Saulpaj aichataca, Bet-san pueblo muyundijta pircashcapimi huarcurcacuna.