JUECES 1:23 - Dios Rimashca Shimicunami

²³ Josepaj ailluca Bet-elpica purij shinalla ricujcunatami churarca. Chai puebloca ñaupamanca, Luz shutimi carca.

JUECES 1:23 Iomraidhean Croise

GÉNESIS 28:19

Ñaupamanca chai puebloca, Luz shuti cashca cajpipish, Jacobca chaitaca, Bet-el shutitami shutichirca.

GÉNESIS 35:6

Jacobca tucui paihuan cajcunandijmi, Canaán llajtallapitaj caj Bet-elman chayarca. Chai pambaca ñaupamanca Luz nishcami carca.

GÉNESIS 48:3

Josetaca: –Pailla Tucuita Rurai Tucuj Taita Diosmi, Canaanpi caj Luz pueblopi ñucaman ricurishpa alli cashca cachun nishpaca,

JOSUÉ 16:1

Josepaj huahua huahuacunapaj sorteajpica, cai llajtacunami paicunapajca urmarca: Inti llujshin ladoman caj Jordán yacumanta callarishpaca, Jericó pueblo jahua urcucunaman caj yacu pugyucuna tiyancama. Chaimantaca shitashca pambata huichi rishpa achca urcucuna tiyanpi caj Bet-elcamami carca.

JOSUÉ 16:2

Bet-elmanta llujshishpaca, Luz pueblota rishpami, arquitacunapaj llajtata pasashpa Atarotman chayan.

JOSUÉ 18:13

Chaimanta ura ladotaca Luz nishca Bet-eltami rin. Chaimantaca Bet-horonmanta ura ladoman caj Atarot-adar ura ladotami.

JOSUÉ 2:1

Nunpaj churi Josueca, Sitim pambamantami ishqui runacunata Jericota purij shinalla ricushpa tigramuchun cachangapaj cashna nirca: “Jericó ima shinalla cashcata purij shinalla ricushpa tigramugrichij” nijpimi chai runacuna rishpa Jericoman chayashpaca, huainayashcahuan causaj Rahab shuti huarmipaj huasiman chayarcacuna. Chaipimi chai tutaca pacarircacuna.

JOSUÉ 7:2

Chai q'uipami Josueca Jericomanta Hai puebloman maijan runacunata cacharca. Chai puebloca, Bet-el pueblomanta inti llujshin ladoman caj Bet-avén pueblo c'uchullapimi carca. Paicunataca cashna nishpami cacharca: “Hai puebloman huichiyashpa chai pueblo ima shinalla cashcata ricumugrichij” nijpi, paicuna Hai puebloman huichiyashpaca ima shinalla cashcatami ricurcacuna.

JUECES 1:22

Josepaj aillupish Bet-elpi causajcunahuan macanacungapajmi huichiyarcacuna. Mandaj Diosca paicunahuanmi carca.

JUECES 18:2

Chaimi Danpaj ailluca paicunapuramanta pichca runacunata cacharca. Llajtata alli ricushpa rijsishpa tigramugrichunmi Zora, Estaol shuti pueblocunamanta c'ari c'ari runacunata cacharca. Paicunataca richij llajtata alli rijsishpa tigramugrichij nishpa cachajpimi, chai runacuna Efraín urcuman rishpa, Micaía runapaj huasiman chayashpa chai tutaca chaipi pacarircacuna.