JUECES 1:21 - Dios Rimashca Shimicunami

²¹ Benjaminpaj ailluca, Jerusalenpi causaj jebuseocunataca mana llujshichishpa cacharcacunachu. Jebuseocunaca Benjaminpaj ailluhuanmi Jerusalenpi cunancama causacuncuna.

JUECES 1:21 Iomraidhean Croise

1 REYES 9:21

Chaicunaca israelcuna mana tucuita huañuchishcacunapaj huahua huahuacunami carca. Paicunatami Salomonca tributota cuchishpa sinchita trabajachirca. Chaitaca cunan punllacamami chashna rurachicun.

1 CRÓNICAS 1:14

Canaanpaj huahua huahuacunaca: Jebuseo, amorreo, gergeseo,

1 CRÓNICAS 11:4

Chai q'uipaca Davidca tucui israelcunandijmi Jebús nishca Jerusalenman rirca. Chaipica jebuseocunami causacurcacuna.

1 CRÓNICAS 8:28

Paicunaca paicunapaj ñaupa yayacunamanta mirarishca quiquin familiacunata mandajcunami carca. Jerusalenpimi causarcacuna.

2 CRÓNICAS 8:8

Chaicunaca israelcuna mana tucuita huañuchishcacunapaj huahua huahuacunami carca. Paicunatami Salomonca, impuestota pagachishpa charirca. Chaitaca cunan punllacamami chashna rurachicun.

SALMOS 106:34

Mandaj Dios tucuita chingachinguichij nishca gentecunatapish mana tucuita chingachircacunachu.

JOSUÉ 15:63

Judapaj huahua huahuacunaca, chai tucui pueblocunata japishpapish, Jerusalenpi causaj jebuseocunataca mana llujshichishpa cachai tucurcacunachu. Chaimantami jebuseocunaca cunancama, Judapaj huahua huahuacunahuan Jerusalenpi causancuna.

JUECES 1:22

Josepaj aillupish Bet-elpi causajcunahuan macanacungapajmi huichiyarcacuna. Mandaj Diosca paicunahuanmi carca.

JUECES 1:27

Manasespaj aillupish Bet-seán, Taanac, Dor, Ibleam, Meguido pueblocunapi causajcunata, chai muyundij llajtacunapi causajcunatapish mana llujshichishpa cacharcacunachu. Chaimantami chaipi causaj cananeocunaca chaillapitaj causashpa catircacuna.

JUECES 1:8

Judapaj ailluca, Jerusalenpi causajcunapajman rishpa mishashpaca tucuita japishpa, tucuicunata espadahuan huañuchishpami, chai pueblotapish tucuita rupachircacuna.