JUECES 1:19 - Dios Rimashca Shimicunami

¹⁹ Judapaj ailluca, Mandaj Dios paicunahuan cajpimi, urcucunapi causajcunataca llujshichishpa cacharcacuna. Ashtahuanpish pambacunapi causajcunaca, fierro carrocunata charijcuna cajpimi paicunataca mana llujshichishpa cachai tucurcacuna.

JUECES 1:19 Iomraidhean Croise

GÉNESIS 39:2

Mandaj Diosca Josehuanmi carca. Chaimi paica tucui imapipish alli llujshirca. Paica paipaj amo Potifarpaj huasipimi causarca.

GÉNESIS 39:21

Prezupi cajpipish Mandaj Diosca Josehuan cashpa paita llaquijpimi, carcelpi cajcunata ricujcunata mandajpica allita ruraj ricurirca.

2 SAMUEL 5:10

Tucuita Mandaj Diosca Davidhuanmi carca. Davidca tucuipimi ñaupajman rirca. Tucuicuna jatunyachishcami carca.

2 REYES 18:7

Chashna cajpi Mandaj Dios Ezequiashuan cajpimi, Ezequías maiman rijpipish tucuipi alli llujshirca. Chashna cashpami Ezequiasca Asiria llajtata jatun mandajta c'ariyashpa ña mana ashtahuan paicunapajta rurarca.

SALMOS 46:11

Tucuita Mandaj Diosca ñucanchijhuanmi. Paica ñucanchij paca tucuna Jacobpaj Taita Diosmi. Selah

SALMOS 46:7

Tucuita Mandaj Diosca ñucanchijhuanmi, ñucanchij paca tucunaca Jacobpaj Taita Diosmi. Selah

SALMOS 46:9

Paica tucui cai pacha macanacuicunata tucuchijmi. Paica arcocunatapish p'aquijmi. Lanzacunatapish ñutujmi. Macanacuna carrocunatapish rupachijmi.

SALMOS 60:12

Taita Dioshuanca mancharinacunatami rurashun. Ñucanchijta p'iñajcunataca paimari sarunga.

ECLESIASTÉS 9:11

Inti achijyachicun cai pachapica caitapishmi ricuni: Mishanacuipica mana alli callpajcunallachu mishancuna. Macanacuipipish mana c'ari c'aricunallachu mishancuna. Micunatapish mana yachajcunallachu allita micuncuna. Charijyanatapish mana alli yuyaiyujcunallachu charijyancuna. Chasquinatapish mana sumajta rimajllata alli chasquincunachu. Ashtahuanpish ima punlla ima tucuna cashpaca, chashna tucunllami.

ISAÍAS 41:10

Ñuca canhuan cashcamanta ama manchaichu, ama shaicurichu. Ñucami canman fuerzata cuj Taita Dios cani. Cantaca ayudacushallami. Ñuca alli maquipi cashcata rurajhuanmi cantaca charirasha.

ISAÍAS 7:14

Chaimanta Jatun Diosllatajmi, cancunamanca shuj ricuchinata ricuchigrin: C'arita manaraj rijsij shuj huarmimi chichunga. Paica shuj c'ari huahuatami huachanga. Chai huahuataca Emanuel shutitami shutichinga.

ISAÍAS 8:10

Imalla ruranacunata yuyarinacucuichijllatagari. Chaicunatapish chingachishcami canga. Alli parlanacucuichijllatagari, chaipish yangallami canga. Diosca ñucanchijhuanmari.

Mateo 1:23

“C'arihuan manaraj chayarinacushca shuj huarmimi chichunga. Paica shuj c'ari huahuatami huachanga. Paitaca Emanuel shutitami shutichinga” (Chai shutica: “Taita Diosca ñucanchijhuanmi” nisha ninmi).

Romanos 8:31

Shina cajpica ¿imatataj caimantaca nishun? Dios ñucanchijhuan cajpica ¿pitaj ñucanchijtaca imata ni tucungari?

Filipenses 4:13

Ñucata sinchiyachij Cristohuanca, tucui imatapish rurai tucunimi.

JOSUÉ 1:5

Moiseshuan cashca shinallatajmi canhuanpish casha. Cantaca manataj saquishachu, canmantaca manataj anchurishachu. Chaimanta tucui cambaj causaipi canhuanca pi mana ch'imbapura shayari tucungachu.

JOSUÉ 1:9

Riqui, ñucaca cantaca c'ari c'ari cai, ama manchaichu nishpami mandani. Ama manchanguichu, shaicurishpa ama saquiringuichu. Ñuca canta Mandaj Diosca can maita rijpipish canhuanmi casha” nircami.

JOSUÉ 14:12

Chai punllacunapi Mandaj Dios ñucaman cusha nishca shinallataj chai urcupi caj llajtacunataca ñucaman cuilla. Canllataj allimi yachangui. Chai llajtacunapica, Anac shuti runapaj huahua huahuacunami causan. Paicuna causacun pueblocunapish, muyundijta alli pircacunayuj jatun pueblocunami. Mandaj Dios ñucahuan cashcamantaca, chai runacunataca llujshichishpa cachashallami” nircami.

JOSUÉ 6:27

Mandaj Diosca Josuehuanmi carca. Chaimantami Josué tucui rurashcacunaca tucui llajtapi huashan huashan yacharirca.

JOSUÉ 7:12

Paicunapish chingachinapajlla cajcuna tucushcamantami, paicunata p'iñajcunahuanca mana ch'imbapura shayari tucuncuna. Cancunapaj chaupimanta chai chingarinapaj tucushcata mana anchuchijpica, ña mana ashtahuan cancunahuan cashachu.

JUECES 1:2

Chaimi Mandaj Diosca: “Judá ailluraj macanacugrichun. Chai allpataca paicunapaj maquipimi churani” nirca.

JUECES 4:13

Chaimantami Sísara runaca tucui paipaj carrocunata tandachirca. Paica 900 fierro carrocunandij, tucui paipaj soldadocunandijmi tandachirca. Chashna tandachishpami Haroset-goimmantaca Cisón jatun yacucama rirca.

JUECES 4:3

Jabín shuti mandajca, 900 fierro carrocunatami charirca. Paica israelcunataca, ishqui chunga huatacunatami jatunta llaquichishpa causarca. Chaimi israelcunaca Mandaj Diostaca caparishpa mañarcacuna.

1 SAMUEL 18:12

Saulca Mandaj Dios paimanta anchushcata ricushpa, Davidhuan cashcata ricushpami Davidtaca mancharca.

1 SAMUEL 18:14

Davidca imata ruranapipish, pushanapipish alli yachai sapami carca. Mandaj Diosca paihuanmi carca.

1 SAMUEL 18:5

Davidca Saúl maiman cachajpipish, rijllami carca. Imata ruranapipish allimi llujshij carca. Chaimi Saulca paipaj soldadocunata mandaj cachun churarca. Paica tucui soldadocunapish, Saulpajta rurajcunapish alli nishcami carca.