JUECES 1:16 - Dios Rimashca Shimicunami

¹⁶ Moisespaj suegro ceneopaj huahua huahuacunaca palmera yuracuna tiyan pueblomantami, Judapi tiyaj shitashca pambaman Judapaj ailluhuan huichi rircacuna. Chai pambaca, Arad shuti pueblo c'uchullapi caj Neguev shuti pambapimi carca. Paicunaca chaipi causajcunahuanmi causarcacuna.

JUECES 1:16 Iomraidhean Croise

1 CRÓNICAS 2:15

Pichcapaj q'uipa churica Ozemmi. Sujtapaj q'uipa churica Davidmi carca.

1 CRÓNICAS 2:55

Jabes pueblopi causaj quillcajcunapaj familiacunaca tirateocuna, simeateocuna, sucateocunapishmi carca. Chaicunaca Recabpaj huahuacunapaj ñaupa yaya Hamatmanta mirarishca ceneocunami carca.

2 CRÓNICAS 28:16

Chai punllacunallatajmi jatun mandaj Acazca, Asiria llajtata jatun mandajcunapajmanca: “Ayudahuai” nichun nishpa maijancunata cacharca.

ÉXODO 18:1

Madián llajta cura Moisespaj suegro Jetroca, Taita Dios Moiseshuan imallata rurashcata, israelcunatapish imallata rurashcata, Egiptomanta israelcunata Mandaj Dios ima shina llujshichimushcatami uyarca.

ÉXODO 18:12

Moisespaj suegro Jetroca Diosman cushpa tucuita rupachinata, shujtaj sacrificiocunatapishmi Taita Diosman curca. Aaronpish, israelcunata cunaj yuyajcunapish Moisespaj suegrohuan Taita Diospaj ñaupajpi micunamanmi rircacuna.

ÉXODO 18:27

Chai q'uipaca Moiseshuan paipaj suegrohuan minchacama ninacushpaca, Jetroca paipaj llajtaman rircallami.

ÉXODO 18:7

Moisés paipaj suegrota tupanaman llujshishpaca, paipaj ñaupajpi cumurishpa muchashpami, caishuj chaishuj allillachu cangui ninacushpaca, carpa huasiman yaicurcacuna.

ÉXODO 3:1

Moisesca Madián llajtapaj cura caj paipaj suegro Jetropaj ovejacunata michishpami chai llajtapi causarca. Moisesca shitashca pambata ovejacunata michinaman rishpaca, Horeb shuti Taita Diospaj urcucamami chayarca.

ÉXODO 4:18

Chai q'uipaca Moisesca paipaj suegro Jetropajman tigrashpami: –Cunanca ñuca huauquicuna causacushcata mana causacushcata ricungapajmi Egiptoman tigragrini– nijpimi, Jetroca Moisestaca: –Alli ripangui– nirca.

JEREMÍAS 35:2

“Recabpaj huahuacunapaj huasiman rishpa paicunahuan rimagri. Chaimantaca ñuca huasiman yaicuchishpa, jahua ucucunaman maijan ucumanpish huichiyachishpa vinota ubyachun cui” nircami.

NÚMEROS 21:1

Cananeocunata jatun mandajca Neguev llajtapi caj Arad pueblopimi causarca. Paica Atarim puebloman rina ñanta israelcuna shamucun nijta uyashpami, israelcunahuan macanacunaman llujshishpa israelcunahuan macanacushpa maijancunataca prezu japirca.

Mateo 3:1

Chai punllacunallatajmi, Bautizaj Juanca Judeapi caj shitashca pambapi huillashpa ricurishpaca,

DEUTERONOMIO 34:3

Neguev shitashca pambatapish, Jericó pueblo muyundij pugru pambacunatapish, palmera yuracuna tiyan pueblotapish Zoar pueblocamami ricuchirca.

DEUTERONOMIO 34:4

Mandaj Diosca Moisestaca: “Abrahamman, Isaacman, Jacobmanca: Cai llajtatami cambaj huahua huahuacunamanca cusha” nircani. Chai llajtaman yaicuchun mana saquishpapish cambaj quiquin ñahuihuan ricuchunmi saquini nircami.

JOSUÉ 12:14

Hormata jatun mandajta, Aradta jatun mandajta,

JOSUÉ 18:21

Benjamín aillupaj huahua huahuacunapaj familiacunapaj pueblocunaca caicunami: Jericó, Bet-hogla, Casis pugru pamba,

JUECES 1:15

Chaimi paica: –Ñucami cantaca shuj mañanata mañasha nini. Neguev pambapica allpacunataca ñami curcangui. Cunanca pugyu yacuyuj allpacunatapish cuhuayari– nijpimi, Calebca jahuamanpish ucumanpish pugyu yacuyuj allpacunata curca.

JUECES 3:13

Chaimi Moab llajtata jatun mandajca Amón llajtahuan, Amalec llajtahuan tandanacushpa shamushpaca, israelcunata huañuchishpa Palmera yuracuna tiyan pueblota quichurcacuna.

JUECES 4:11

Moisespaj suegro Hobab runapaj churi Heberca ceneocunapuramantami carca. Paica paicunapuramanta ch'icanyashpami, Cedes pueblo c'uchullapi caj Zaanaim pambapi tiyaj jatun yura c'uchullapi carpa huasita shayachishpa causacurca.

JUECES 4:17

Sísara runaca chaquillahuan miticushpa rishpaca, ceneopuramanta caj Heberpaj huarmi Jaelpaj carpa huasipimi miticugrirca. Hazor pueblota jatun mandaj Jabinhuan ceneopuramanta caj Heber runapaj huasi ucupurahuanca mana p'iñanacushcacunachu carca. Chaimantami chaipi miticugrirca.

1 SAMUEL 15:6

Saulca ceneocunataca: –Cancunaca tucui israelcuna Egiptomanta huichiyamucujpica, paicunataca llaquircanguichijmi. Chaimanta amalecitacunahuan tandalla cancunata ama huañuchingapaj paicunamanta ch'icanyashpa llujshishpa richij– nijpimi ceneocunaca, amalecitacunamanta ch'icanyashpa rircacuna.

1 SAMUEL 27:10

Aquisca Davidtaca: “Cunanca ¿maijan pueblomantataj quichushpa apamunguichij?” nijpi Davidca: “Huaquinpica Judapi caj Neguevmantami quichumunchij” nijmi carca. “Huaquinpica Jerameelpi caj Neguevmantami quichumunchij” nijmi carca. “Huaquinpica ceneopi caj Neguevmantami quichumunchij” nijmi carca.

1 SAMUEL 30:29

Racalpi causajcunamanpish, Jerameelpi caj pueblocunapi causajcunamanpish, ceneopi caj pueblocunapi causajcunamanpish,