JUECES 1:10 - Dios Rimashca Shimicunami

¹⁰ Judapaj ailluca, Hebronpi causaj cananeocunahuanpishmi macanacunaman rirca. Chai pueblopi causajcunata mandaj Sesai, Ahimán, Talmai runacunatapishmi huañuchircacuna. Chai puebloca ñaupaca, Quiriat-arba shutimi carca.

JUECES 1:10 Iomraidhean Croise

GÉNESIS 23:2

Saraca Canaán llajtapi caj Hebrón nishca Quiriat-arba pueblopimi huañurca. Chaimi Abrahamca Sara huañujpi llaquijlla tucushpa huacangapaj shamurca.

GÉNESIS 37:14

Yaya Israelca Josetaca: –Cunanca cambaj huauquicunapish, ovejacunapish ima shinalla cashcata ñuca yachangapaj ricushpa tigramugri– nishpami paitaca Hebrón pambamanta cachajpi Joseca Siquemman chayarca.

ECLESIASTÉS 9:11

Inti achijyachicun cai pachapica caitapishmi ricuni: Mishanacuipica mana alli callpajcunallachu mishancuna. Macanacuipipish mana c'ari c'aricunallachu mishancuna. Micunatapish mana yachajcunallachu allita micuncuna. Charijyanatapish mana alli yuyaiyujcunallachu charijyancuna. Chasquinatapish mana sumajta rimajllata alli chasquincunachu. Ashtahuanpish ima punlla ima tucuna cashpaca, chashna tucunllami.

JEREMÍAS 9:23

Mandaj Diosca cashnami nin: “Yachajpish ama pai yachashcallahuan cushicuchun. C'ari c'ari runapish, ama c'ari c'ari cashcallamanta cushicuchun. Charij runapish, ama pai charishcacunallamanta cushicuchun.

NÚMEROS 13:22

Neguevman huichiyashpaca, Hebroncamami chayarcacuna. Chaipica Ahimán, Sesai, Talmai shuti runacunami causarca. Paicunaca Anacpaj churicunami carca. Hebrón puebloca Egipto llajtapi caj Zoán pueblota callarichinapaj canchis huata ñaupaman callarichishcami carca.

NÚMEROS 13:33

Chaipica yallitaj jatun runacunatapishmari ricurcanchij. Paicunaca Anac shuti yallitaj jatun runapaj churicunami. Paicunapaj c'uchupi cashpaca, ñucanchijca langosta c'urucuna shinallami carcanchij. Paicunapaj ricuipipish ñucanchijca, chashnami caj yuyachircanchij– nircacunami.

JOSUÉ 10:36

Chai q'uipaca Josueca, tucui israelcunandij Eglón pueblomanta Hebrón puebloman huichiyashpami, chaipi causajcunahuan macanacunalla shayarirca.

JOSUÉ 14:15

Hebronpica ñaupaca Anacpaj huahua huahuacunapura yaya Arba shuti jatun runami causarca. Chaimantami ñaupamanca chai puebloca Quiriat-arba shuti carca. Chaicunata mishajpimi, chai llajtapica mana macanacui tiyarca.

JUECES 1:20

Calebmanca Moisés nishca shinallataj Hebrón pueblotami curcacuna. Paica Anacpaj quimsa churicunatami chai llajtamanta llujshichishpa cacharca.

JUECES 1:9

Chai q'uipaca, Judapaj ailluca urcucunapi, Neguev pambacunapi, pambajlla llajtacunapi causaj cananeocunahuan macanamanmi uriyarcacuna.