Juan 9:7 - Dios Rimashca Shimicunami

⁷ cashna nirca: –Ri, Siloé tanque yacupi maillarigri– nircami. Siloé shimica: “Cachashca” nisha ninmi. Pai maillarigrishpaca, ricucujmi tigrarca.

Mushuj Testamento Diospaj Shimi

⁷ Chai qʼuipaca: —Ri, Siloé yacu tandarishcapi maillarigri— nircami. Chai yacupi maillarigrishpaca, ricuj ñahuiyuj tigramurcallami (Siloé shimica: “Cachashca” nisha ninmi).

Juan 9:7 Iomraidhean Croise

NEHEMÍAS 3:15

Yacu pugyuman llujshina pungutaca Colhozepaj churi Salummi allichirca. Paica Mizpa llajtata mandajmi carca. Punguta churana patacunata allichishpa punguta churashpaca cerraduracunata, cerrojocunatapishmi churarca. Pircatapish jatun mandajpaj jardín c'uchullapi caj Siloé tanque c'uchumantaca, Davidpaj puebloman uriyamuna gradacunacamami pircarca.

SALMOS 146:8

Mandaj Diosca mana ricujcunapaj ñahuita pascajmi. Mandaj Diosca urmashcacunata jatarichijmi. Mandaj Diosca cashcata rurajcunata c'uyajmi.

ÉXODO 4:11

Mandaj Diosca: –¿Pitaj runamanca shimita curcari? ¿Mana rimajtapish, mana uyajtapish, ñahui ricujtapish, mana ricujtapish pitaj rurarcari? Chaicunataca ¿Manachu Mandaj Dios ñuca rurarcani?

ISAÍAS 32:3

Paita ricujcunapaj ñahuicunaca, mana amsayangachu. Paita uyajcunapaj rinrincunaca allimi uyaracungacuna.

ISAÍAS 35:5

Ñahui mana ricujcunapaj ñahuicunatapish pascashcami canga. Mana uyajcunapaj rinrincunatapish pascashcami canga.

ISAÍAS 42:7

Mana ricujcunapaj ñahuita pascachunmi churasha. Carcelmanta prezucunata llujshichichunmi churasha. Prezuna huasicunapi causacujcunata, amsapi causacujcunata llujshichichunmi churasha.

ISAÍAS 43:8

Rinrinyuj cashpapish mana uyaj, ñahuiyuj cashpapish mana ricuj ñuca agllashcacunata pushamuichij.

ISAÍAS 8:6

“Cai runacunaca, casijllata ricuj Siloé yacucunata yanganchishpami Rezinhuanpish, Remaliapaj churihuanpish cushicurcacuna.

Mateo 11:5

Ñahui mana ricujcuna ricushcata, cojocuna purishcata, leprahuan cajcuna alliyashcata, rinrin mana uyajcuna uyashcata, huañushcacunata causachishcata, huajchacunamanpish alli huillaita huillashcata Juanmanca huillagrichij.

Lucas 13:4

Siloepica, jatun torre urmashpami chunga pusajcunata llapishpa huañuchirca. ¿Jerusalenpi causajcunata yalli millai runacuna cashcamantachu chashna tucushca yuyanguichijchu?

Lucas 2:32

Paica mana israelcunata luz shina achijyachinapajmi. Quiquinpaj pueblo Israeltapish paimanta shujtajcuna alli ninapajmi” nircami.

Juan 10:36

Ashtahuanpish cancunaca: Ñuca Yaya pai munashcata rurachun ch'icanchishpa cai pachaman cachashca cajtaca ¿maitataj Taita Diosta c'amijmi ninguichigari? Ñucaca pai cachashca cashpamari “Taita Diospaj Churimi cani” nircami.

Juan 11:37

Chaipi cajcunamanta maijancunaca: –Paica, ñahui mana ricujtapish alliyachircamari. Pai caipi cashpaca Lázaro ama huañuchunpish imallatapish ruranmanmi carca– nircacunami.

Juan 9:11

Chaimi paica: –Jesús shuti runamari allpata ch'ucahuan chapushpa, ñuca ñahuipi llihuishpaca: “Ri, Siloé tanque yacupi maillarigri” nijpi, rishpa maillarishpaca, ñapish ricurcanillami– nircami.

Juan 9:39

Chaipimi Jesusca: –Ñucaca cai pachamanca cai pachapi causajcuna imalla rurashcata ricuchingapajmi shamurcani. Mana ricucujcunataca ricujta rurangapaj, ricucujcunataca mana ricujta rurangapajmi shamurcani– nircami.

Hechos 26:18

Can huillashpa ñahuita pascajpimi, paicunaca amsamanta luzman cutirishpa Satanaspajta ruracushcata saquishpa Taita Diospajta rurangacuna. Ñucata crishpami juchacunamantapish quishpichishcacuna canga. Chashna cashpami Taita Diospajlla cajcunahuan herenciata japingacuna” nircami.

Romanos 8:3

Ñucanchijca juchayuj aichapi cajpi mandashca imata mana rurai tucujpimi, Diosca paipaj Churitaca, juchayujcuna shina aichayujta rurashpa cacharca. Ñucanchij juchata anchuchingapajmi, paipaj aichallapitaj juchataca chingachirca.

Gálatas 4:4

Ashtahuanpish cachana punlla pajtajpica, Diosca paipaj churitami cacharca. Paica Mandashca ucupimi, shuj huarmimanta huacharirca.