Juan 9:39 - Dios Rimashca Shimicunami

³⁹ Chaipimi Jesusca: –Ñucaca cai pachamanca cai pachapi causajcuna imalla rurashcata ricuchingapajmi shamurcani. Mana ricucujcunataca ricujta rurangapaj, ricucujcunataca mana ricujta rurangapajmi shamurcani– nircami.

Mushuj Testamento Diospaj Shimi

³⁹ Chaipimi Jesusca: —Ñucaca, cai pachapi causajcuna ima shina cashcata ricuchingapajmi shamurcani. Mana ricujcunaca ricuchun, ricujcunaca ama ricuchunmi shamurcani— nircami.

Juan 9:39 Iomraidhean Croise

ISAÍAS 29:10

Mandaj Diosllatajmi cancunapaj jahuapica dorminaita cuj espirituta tallirca. Chaimi cancunapaj profetacunapaj ñahuicunatapish huichcarca. Chaimi Dios huillachishcata cancunaman huillajcunatapish linsohuan umata pilluchirca.

ISAÍAS 44:18

Chaicunaca imata ruracushcata mana yachanchu. Mana entendincunachu. Ama ricungapaj ñahuicuna huichcashca cashpa, ama entendingapaj shungu huichcashca cashpami, chaicunata ruran.

ISAÍAS 6:9

Chaimi paica: “Ri, chai gentecunataca cashna nigri: Alli uyashpapish mana entendinguichijchu, alli ricushpapish ima cashcata mana yachanguichijchu nigri.

EZEQUIEL 12:2

“Huañujlla aichayuj runalla, canca mana cazuj ch'ahuancunapaj chaupipimari causacungui. Paicunaca mana cazuj ch'ahuancuna cashcamantami, ñahuita charishpapish mana ricuncuna, rinrinta charishpapish mana uyancuna.

Mateo 11:5

Ñahui mana ricujcuna ricushcata, cojocuna purishcata, leprahuan cajcuna alliyashcata, rinrin mana uyajcuna uyashcata, huañushcacunata causachishcata, huajchacunamanpish alli huillaita huillashcata Juanmanca huillagrichij.

Mateo 15:14

Chaicunataca saquichijlla. Paicunaca mana ricujcuna. Mana ricujcunallatataj pushajcunami. Mana ricujllataj caishuj mana ricujta pushajca, ishquindijtajmi jutcupi urmangacuna– nircami.

Mateo 6:23

Cambaj ñahui mana alli cajpica, cambaj tucui cuerpomi amsahuan junda canga. Canpi tiyaj luz amsapi cajpimi chashna. Chashna cashcamantaca imalla amsacunapishchari tiyan.

Lucas 1:79

Huañuna manchaihuan amsapi causacujcunapica achijyachichunmi luzta churanga. Ñucanchijtaca sumaj causaipimi punllanta pushanga” nircami.

Lucas 13:30

Chaipica, cunan puntapi cajcunaca, huashayachishcami cangacuna. Cunan huashaman cajcunaca puntapi churashcami cangacuna– nircami.

Lucas 2:34

Simeonca Dios allicunata cuchun nishca q'uipami Jesuspaj mama Mariataca: –Cai huahuataca, cai Israelpica achcacuna urmanapaj achcacuna jatarinapajmi churashca. Paica achcacuna Diosta p'iñana cashcata ricuchijmi canga.

Lucas 4:18

“Jatun Diospaj Espirituca, ñuca jahuapimi. Ñucataca huajchacunaman alli huillaita huillachun, shungupi llaquirishpa huañucujcunata alliyachichun, prezupi cajcunata cacharichichun, mana ricujcunata ricujta rurachun, llaquichishca causacujcunata cacharichichunmi cacharca.

Lucas 7:21

Paicuna chaillapitaj cajpimi, ima ungüihuan caj achcacunata, llaquichij ungüihuan cajcunata, millai espiritucuna japishcacunata, mana ricujcunatapish achcacunata alliyachirca.

Juan 12:31

Cunanca cai pachapi causajcunaman, paicuna imalla rurashcata ricuchina punllami, cunanca cai pachapaj mandajta llujchichishpa shitana punllami.

Juan 12:46

Ñucaca achijyachij luz cashpami, achijyachingapaj cai pachamanca shamurcani. Pipish ñucata crijca, ña mana amsapi cangachu.

Juan 3:17

Taita Diosca paipaj Churitaca, cai pachapi causajcunata jatun llaquiman cachachunca mana cacharcachu. Ashtahuanpish cai pachapi causajcunaca, paillamanta quishpirichunmi cacharca.

Juan 3:19

Luzca cai pachamanmi shamurca. Cai pachapi causajcunaca paicunapaj rurashcacuna millai cashcamantami luztaca p'iñashpa amsata munarcacuna. Chashnami jatun llaquiman rina cashcata ricuchircacuna.

Juan 8:12

Jesús cutin yachachi callarishpaca: –Ñucaca cai pachapi causajcunapaj luzmi cani. Maijanpish ñucata catijca, mana amsapi puringachu. Ashtahuanpish causaita cuj luztami charinga– nijpimi,

Juan 8:15

Cancunaca cai pachapi causajcuna ruraj cashca shinallatajmi ñahuita ricushpalla juchachinguichij. Ñucaca pita mana chashnaca juchachinichu.

Juan 9:25

Chashna nijpica: –Paica juchayujchu, manachu juchayuj mana yachanichu. Ñucaca mana ricuj cashca cashpapish cunanca ricuj cashcallatami yachani– nircami.

Hechos 26:18

Can huillashpa ñahuita pascajpimi, paicunaca amsamanta luzman cutirishpa Satanaspajta ruracushcata saquishpa Taita Diospajta rurangacuna. Ñucata crishpami juchacunamantapish quishpichishcacuna canga. Chashna cashpami Taita Diospajlla cajcunahuan herenciata japingacuna” nircami.

2 Corintios 2:16

Chingarinaman ricujcunataca chai ashnaica huañuiman chayachijmi, ashtahuanpish quishpichishcacunataca causaiman chayachijmi. Chashna cajpica ¿pitaj chai shinaca rurai tucungari?

Efesios 5:14

Chaimanta: “Dormicuj rijchari, huañushcacunapaj chaupimanta jatari. Cristomi cantaca achijyachinga” ninmi.

2 Tesalonicenses 2:10

Quishpichishca canapaj mana llullajpaj c'uyaita mana chasquishcamantami chingarinaman rinapaj cajcuna tucun. Chaicunatami chashna tucui laya millaihuan umanga.

1 Pedro 2:9

Ashtahuanpish cancunaca Dios agllashcacunapura, jatun mandajpajta ruraj curacuna, jucha illaj llajta, Diospajlla cachun randishca pueblomi canguichij. Cancunataca amsamanta paipaj sumaj achijman cayashpa, mancharina allicunata huillachun agllashcacunami canguichij.

1 Juan 2:11

Maijanpish paipaj huauquita p'iñajca, amsapirajmi, amsallapitajmi puricun. Chai amsa paipaj ñahuita mana ricujta rurajpimi, maiman ricushcatapish mana yachan.