Juan 9:34 - Dios Rimashca Shimicunami

³⁴ Chashna nijpica: –Canca juchapimi huacharishcangui. ¿Ñucanchijtachu yachachisha ningui?– nishpaca, caipica ña mana ashtahuan tandanacui tucunguichu nishpami llujshichishpa cacharcacuna.

Mushuj Testamento Diospaj Shimi

³⁴ Chashna nijpica: —Canca huacharipachamantami juchasapa cashcangui. ¿Chai jahuachu, ñucanchijtaca yachachisha ninguiari?— nishpami, llujshichishpa cacharcacuna.

Juan 9:34 Iomraidhean Croise

GÉNESIS 19:9

Chaimi paicunaca: –¡Chaimanta anchui! nishpaca cashna nircacuna: ¿Chai maimanta shamuj ñucanchijpurapi causacujllachu ñucanchijta mandasha nin imamí? Paitacarin caishujcunata yallimari llaquichishun– nishcahuanmi, Lottaca aisashpa shitashpa, punguta p'aquingapaj c'uchuyarcacuna.

2 CRÓNICAS 25:16

Profeta chashna nijpica, jatun mandajca: –¿Cantaca jatun mandajta cunaj cachunchu churarcacuna imatagari? Canca imata mana ninachu cangui. ¿Ima nishpataj canllataj huañuita mashcangui?– nircami. Chashna nijpica, profetaca caillatami nirca: –Ñuca cunashcata mana cazushpa, cashna millaita rurashcamantaca Diosca cantaca chingachishatajmi nircami. Chaitaca yachanimi– nircami.

JOB 14:4

¿Juchata rurashcataca pi pichari tucuipajchu? Pitaj chaitaca pichari tucungari.

JOB 25:4

¿Runaca Taita Diospaj ñaupajpica, ima shinataj juchachina illajca cai tucungari? Huarmimanta huacharishca runaca ¿ima shinataj mapa illajca cangari?

SALMOS 51:5

Ñucaca mamapaj huijsapi tiyarishca pachamantami millai cashcani. Ñuca mamaca juchayujtami chichushca.

ÉXODO 2:14

Chaimi chai runaca: –¿Pitaj cantaca ñucanchijta mandaj cachun, juez cachunca churarcari? ¿Ñucatapish chai egipcio runata huañuchishca shinachu huañuchisha yuyangui?– nijpimi Moisesca: “Chai runata ñuca huañuchishcataca ñamari yachaj chayashcacuna” nishpa achcata mancharirca.

PROVERBIOS 22:10

Mana cazushpa asij runataca, llujshichishpa cachailla. Pai rijpica p'iñanacushpa rimanacuipish tucuringami. Pingaipi churajpish illangami.

PROVERBIOS 26:12

Paipaj quiquin yuyaipi ¿yachaisapamari cani nirij runataca imallatapish rurajta ricushcanguichu? Chaipaj randica, rumi shungu runarajmi imallatapish ruranman.

PROVERBIOS 29:1

Jarcacushca jahua mana cazuj runaca, ñapish chingaringallami. Paipajca ima jambi mana tiyangachu.

ISAÍAS 65:5

Paicunaca: Ñucapajmanca ama c'uchuyamuichu. Can maipi cashcapi saquiri. Ñucaca canta yalli jucha illajmari cani nijcunami. Chashna nijcunaca, nina rupashpa tucui punlla cushnij shinami, ñucataca p'iñachincuna.

ISAÍAS 66:5

Mandaj Dios rimashcata manchajcuna paipaj rimashcata uyaichigari. Paica cashnami nin: “Ñuca shutita mañajcunataca ñucata mana rijsinichu nij cancunapaj huauquicunaca: Mandaj Diosca pai jatun cashcata ricuchichun, chaipi cancuna cushicushcata ñucanchij ricungapaj ningacunami. Ashtahuanpish paicunaca chashna nicushpapish pingachishcami cangacuna.

Lucas 11:45

Chaipica Mandashcacuna ima nisha nishcata yachachijcunapuramanta shujca: –Yachachij, can chashna nishpaca, ñucanchijtapishmari jatun llaquirinata rimangui– nirca.

Lucas 14:11

Maijanpish jatun tucujtaca, pingachishcami canga. Mana jatun tucujtaca, jatunyachishcami canga” nircami.

Lucas 18:17

Taita Dios paita mandachun shuj huahua shina maijanpish mana chasquijca, Taita Dios mandacujpica mana yaicungachu. Chashnatajmi canga– nircami.

Lucas 6:22

Runa Aichayujta caticushcamanta runacuna p'iñajpi, mana ricunachishpa paicunapuramanta anchuchijpi, cancunapaj shutitaca millaita rurajta shina yangata rurashpa c'amijpipish cushichishcami canguichij.

Juan 6:37

Ñuca Yaya agllashcacunallami ñucapajmanca shamunga. Ñucapajman shamujtaca mana tigrachishpa cachashachu.

Juan 8:41

Cancunaca, cancunapaj yaya ruraj cashca shinallatajmi ruracunguichij– nijpimi, paicunaca: –¡Ñucanchijca mana huainapaj huahuacunachu canchij! ¡Ñucanchijca shujlla Yaya Diostami charinchij!– nircacuna.

Juan 9:2

Paipaj yachacujcunaca: –Yachachij, cai runa chashna huacharichunca ¿paillatajchu, mana cashpaca paipaj yaya mamachu juchallishca canga?– nircacunami.

Juan 9:22

“Judiocunaca ñaupamanmi Jesusca Mesiasmi nishpa maijanpish huillajpica, sinagogamanta llujshichishpa shitashcami canga” nishpa yuyarinacushca carca. Chaita manchashcamantami chai yaya mamaca chashna nircacuna.

Juan 9:35

Chai runataca sinagogamanta llujshichishpa cachashca cashcata Jesús yachashpami paihuan cutin tupashpaca: –Canca ¿Taita Diospaj Churitaca cringuichu?– nijpi,

Juan 9:40

Shina nijpi paihuan caj fariseocunaca: –Shinashpaca ¿ñucanchijpish mana ricujcunachari canchigari?– nircacunami.

1 Corintios 5:13

Canllaman cajcunataca Diosmi imatapish ninga. Cancunapurapi caj millaita rurajtaca, llujshichichij.

Gálatas 2:15

Ñucanchijca (huacharimantami judiocuna canchij. Mana judiocunapuramanta juchayujcunaca mana canchijchu).

Efesios 2:3

Ñaupa punllacunaca tucui ñucanchijpish aicha munaicunapi purishpami, aichapaj munaita rurashpa, yuyashcata rurashpa, millaita rurajcunapurapi causarcanchij. Shujtajcuna shinallatajmi ñucanchijpish huachari pachamanta, Dios p'iñarishpa llaquichina huahuacuna carcanchij.

1 Pedro 5:5

Shinallataj q'uipa huiñaicunapish ancianocunata cazuichij. Tucuicuna caishujmanta chaishujmanta cazunacuichij. Mana jatun tucushca cana yuyaita churarichij. “Jatun tucushcacunataca, Diosca mana ricunachinchu. Mana jatun tucushcacunamanca paipaj mana c'uyaipajta c'uyaj canatami cun”.

3 Juan 1:10

Ñuca chaiman rishpaca, ñucanchijta mana alli nishpa rimashcatami paitaca cayashpa tapusha. Paica mana chaillatachu ruran, shujtaj huauquicuna chaiman chayajpipish mana chasquinchu. Maijancuna paicunapaj huasipi chasquisha nijpipish ama chasquichijchu nishpami jarcan. Chasquijcunataca tandanacushca crijcunamanta llujshichishpami cachan.

3 Juan 1:9

Ñucaca tandanacushca crijcunamanmi quillcarcani. Ashtahuanpish Diotrefesca, paicunapurapi pai mandaj canata munashcamantami, ñucanchij quillcashpa mandashcataca mana chasquin.

Apocalipsis 13:17

Chaimanta animalta ricuchij sellota cashpa, paipaj shutita cashpa, animalpaj shutipaj numerota cashpapish mana charijca, pi mana c'atui tucurcachu. Imata mana randi tucurcachu.