Juan 9:31 - Dios Rimashca Shimicunami

³¹ Taita Diosca juchayujcunataca mana uyaj cashcataca yachanchijmi. Pipish Taita Diosta manchaj, Taita Diospaj munaita rurajllatami uyan.

Mushuj Testamento Diospaj Shimi

³¹ Taita Diosca juchayujcunata mana uyaj cashcataca yachanchijmi. Ashtahuanpish Paita manchaj, Paipaj munaita rurajllatami uyan.

Juan 9:31 Iomraidhean Croise

GÉNESIS 19:29

Chai pueblota chashna chingachigrishpaca, Taita Diosca Abraham mañashcata yuyarishpami Lottaca chai pambapi tiyaj pueblocunata chingachigrishca chaupimanta llujshichirca.

GÉNESIS 20:7

Cunanca chai huarmitaca paipaj cusallamantaj tigrachi. Abrahamca ñuca ima nishcata huillaj cashcamanta can causashpa catichun ñucata mañangami. Chai huarmita mana tigrachishpaca, canpish can mandacun llajtapi causajcunapish huañunataj cashcatami yachana cangui” nirca.

JOB 35:12

Paicunallataj jatun tucushpa millaita rurashcamantami, paicuna caparicujpipish Diosca manataj uyanga.

JOB 35:13

Yanga shimicunallataca, Diosca manataj uyangachu. Tucuita Rurai Tucuj Diosca mana ricungallapishchu.

JOB 42:8

Chashna mana allita rurashcamanta, cunanca canchis c'ari bizicunata, canchis carnerocunata apashpa, cancunamanta ñucaman cushpa tucui rupachichun ñucata servij Jobman cugrichij. Ñucata servij Jobmi cancunamantaca ñucata mañanga. Pai mañashcatami ñucaca uyasha. Pai mañajllapimi cancunataca mana ñucamanta ima allicunata huillashca cajpipish, mana jatunta llaquichisha. Cancunaca manamari ñucata servij Job shina carcanguichijchu” nircami.

SALMOS 106:23

Diosca paicunataca tucuchisha nircami. Pai agllashca Moisés chaupipi shayarishpa mana rogarishca cajpica, tucuchinmanmi carca. Ama tucuitaj chingachichun pai llaquichina cashcata anchuchichunmi chashna rurarca.

SALMOS 143:10

Quiquinca ñuca Taita Diosmi cangui. Quiquinpaj munaita ruranata yachachihuayari. Quiquinpaj alli Espiritullataj ñucataca ima pandata mana rurajcunapaj llajtaman pushachun.

SALMOS 145:19

Paita manchajcuna imata yuyarishcataca pajtachingami. Paicuna mañashcata uyangami. Paicunataca quishpichingami.

SALMOS 18:41

Paicuna caparicujpipish pi quishpichij mana tiyarcachu. Mandaj Diosta caparijpipish mana uyarcachu.

SALMOS 40:8

Ñuca Dioslla, ñuca cushicunaca quiquinpaj munaita ruranami. Quiquin mandashcaca ñuca shungu ucupimari” nircanimi.

SALMOS 99:6

Moiseshuan Aaronhuanca Taita Diospaj curacunapurami carca. Samuelca paipaj shutipi mañajcunapurami carca. Mandaj Diosta paicuna mañajpica, paica cutichijmi carca.

PROVERBIOS 15:29

Mandaj Diosca, paita mana manchajcunamantaca carupimi. Ashtahuanpish cashcata rurajcunataca, mañashcata cutichingapaj uyaracunmi.

PROVERBIOS 21:13

Huajcha runa caparishpa mañajpi mana uyajtaca, q'uipata pai caparijpipish, pi mana uyangachu.

PROVERBIOS 28:9

Mandashcata mana uyasha nijtaca, pai mañashcatapish Diosca manataj uyanachinchu.

ISAÍAS 1:15

Cancunapaj maquicunaca yahuarhuan jundamari. Chashna cashca cashpa ñucaman maquicunata chutajpipish ñuca ñahuitaca shujmanmi churani. Cancuna achcata mañacujpipish, manataj uyanichu.

ISAÍAS 58:9

Chaipica Mandaj Diosta mañanguimi, paica can mañashcata uyangami. Can caparishpa mañajpica paica: Caipimi cani ningami. Yugoshca shina llaquichicushcata saquijpi, dedohuan manchachinata saquijpi, yangata rimanata saquishpa,

JEREMÍAS 11:11

Chaimantami pai Mandaj Diostaj cashnapish nin: “Cunanca paicunapajca mana llujshi tucuipaj jatun llaquitami apamugrini. Chai llaquita apacushpa ñucata mañajpipish, manataj uyashachu.

JEREMÍAS 14:12

Paicuna mana micushpa ñucata mañajpipish, manataj uyashachu. Animalcunata huañuchishpa tucui rupachijpipish, imata cujpipish manataj chasquishachu. Ashtahuanpish espadahuan, yaricaihuan, jatun ungüihuanmi tucuchisha” nircami.

JEREMÍAS 15:1

Mandaj Diosca ñucataca cashnami nirca: “Moiseshuan, Samuelhuan cunantaj ñuca ñaupajpi paicunamanta shayarijpipish, cai runacunahuanca manataj alli tucushachu. Ñuca ñaupajmanta anchuchun, llujshishpa richij nigri.

EZEQUIEL 8:18

Ñucapish jatunta p'iñarishpatajmi paicunataca llaquichisha, manataj perdonashachu, manataj llaquishachu. Paicunaca ñuca uyachun nishpaca caparingacunami. Chashna cajpipish, manataj uyashachu” nircami.

MIQUEAS 3:4

Chashna yallitaj millaita rurashpa causashcamantaca, cancuna llaquipi cashpa Mandaj Diosta caparicujpipish, paica manataj cutichingachu. Ashtahuanpish chai llaqui punllapica, paipaj ñahuitaca shujtajmanmi churanga.

ZACARÍAS 7:13

Tucuita Mandajca cashnami nin: “Ima shinami paicunapish ñuca rimashcacunata mana uyarcacuna, chashnallatajmi paicuna mañashcatapish mana uyarcani.

Juan 11:22

Cunanpish Taita Diosta can mañajpica, imatapish Taita Diosca cuna cashcata yachanimi– nijpimi,

Juan 15:16

Mana cancunachu ñucataca agllarcanguichij, ñucami cancunata agllarcani. Cancuna rishpa granota p'ucuchun, chai granoca cancunapi p'ucushpa caticuchunllami agllarcani. Chashna cashpa ñucamanta imatapish Yayata mañajpica, paica cungallami.

Juan 4:34

Chaipimi paicunataca Jesusca: –Ñuca micunaca ñucata cachaj Yayapaj munaita rurana, pai rurai nishcata pajtachinami.

Juan 7:17

Maijanpish Taita Diospaj munaita rurasha nijmi, cai ñuca yachachicunca Taita Diospaj cashcata, mana cashpaca ñuca yuyaillamanta rimacushcata yachanga.

Juan 9:30

Chaimi chai runaca: –Ñuca ñahuita alliyachijtaca cancunaca maimanta cashcata mana yachajpica chaica mancharinami.

Juan 9:32

Mana ricuj huacharishcata pi alliyachin nijtaca, manataj uyashcanchijchu.

DEUTERONOMIO 1:45

Cancuna tigrashpaca, Mandaj Diospaj ñaupajpimi huacarcanguichij. Ashtahuanpish Mandaj Diosca cancuna mañashcataca mana uyasha nishpa manataj uyarcachu.

Hebreos 10:7

Chaimantami: Ñuca Dioslla, can quillcachishca libropi ñucamanta nishca shinallataj can munashcata rurangapajmi shamuni nirca” nishcami.