Juan 9:29 - Dios Rimashca Shimicunami

²⁹ Ñucanchijca Moiseshuan Taita Dios rimashcatami yachanchij. Ashtahuanpish chai runataca, maimanta cashcatapish mana yachanchijchu– nircacunami.

Mushuj Testamento Diospaj Shimi

²⁹ Moises-huan Taita Dios rimashcataca, allimari yachanchij. Ashtahuanpish chai runataca, maimanta shamushcata mana yachanchijchu— nircacunami.

Juan 9:29 Iomraidhean Croise

1 REYES 22:27

cashna ninguichij: Cai runataca carcelpi churashpa macanacuita mishashpa ñuca tigramungacama, ashitajllata carashpa, yacutapish p'ichijllata cushpa huanachicuichij ninmi jatun mandajca nigrichij– nircami.

2 REYES 9:11

Jehú chaimanta llujshishpa paipaj amopajta rurajcunapajman tigrajpica paicunaca: –¿Sumaj causaichu tiyanga nin? Chai lococa ¿cambajmanca imapajtaj shamushcari?– nijpimi Jehuca: –Chai runataca cancunallataj rijsinguichijmi, pai imata huillashpa purij cashcatapish yachanguichijmi– nirca.

SALMOS 103:7

Paipaj ñancunataca Moisesmanmi ricuchirca. Israelcunamanca pai rurana cashcatami rurashpa ricuchirca.

SALMOS 105:26

Chaimanca paipajta ruraj Moisestami cacharca. Pai agllashca Aarontapishmi cacharca.

SALMOS 106:16

Paicunapaj carpa huasicunapica Moisesta envidiashpami rimarcacuna. Mandaj Diospaj caj jucha illaj Aarontapish rimarcacunami.

SALMOS 22:6

Ashtahuanpish ñucaca mana runa shinachu cani. C'uru shinallami cani. Runacuna chanzata rurashcami cani. Llajtapi causajcuna p'iñashcami cani.

MALAQUÍAS 4:4

Ñucata servij Moisesman Horeb urcupi mingashca mandashcapi imallata nishcata alli yuyarichigari. Chai mandashcacunataca tucui israelcunamanmi curcani.

NÚMEROS 16:28

Moisesca cashnami nirca: –Tucui caicunata Mandaj Dios cachajta ricushpami, tucui cai ruranacunataca mana ñuca munaimanta ruracushcata yachanguichij.

Mateo 12:24

Ashtahuanpish fariseocuna chaita uyashpaca: “Caica, supaicunata mandaj Beelzebú diablohuan cashpamari, supaicunataca llujshichin” nircacunami.

Mateo 26:61

–Caica: “Diospaj huasita urmachishpa, quimsa punllapica cutin shayachishallami” nircami– nishpami huillarcacuna.

Lucas 23:2

Chaipimi Jesustaca: –Cai runaca ñucanchij llajta runacunata mana allita yachachishpa, bullata rurachishpa puricujtami japircanchij. Cesarman impuestota cunatapish mana cunachu ninmi. Paica jatun mandaj Cristomi cani ninmi– nircacunami.

Juan 1:17

Mandashcataca Moisesmanmi huillachirca. Ashtahuanpish mana c'uyaipajta c'uyaica, mana llullaca, Jesucristomantami shamurca.

Juan 7:27

Ñucanchijca pai maimanta cashcataca yachanchijmi. Ashtahuanpish Cristo shamujpica, pai maimanta cashcataca pi mana yachangacunachu ninmi– nircacunami.

Juan 7:28

Chashna nishcamantami Jesusca Taita Diospaj huasipi yachachicushpaca sinchita rimashpa cashna nirca: –Shinashpaca, ñucataca rijsishcanguichijmi. Maimanta cashcatapish yachashcanguichijmi. Ñucaca Taita Dios cachajpi shamujmi cani. Mana ñucallatajchu shamurcani. Paitaca cancunaca mana rijsinguichijchu. Paica mana llullachu.

Juan 8:14

Chaimi Jesusca: –Ñucallamantataj huillashpapish, ñucaca ima shina cashcatatajmi huillani. Ñucaca maimanta shamushcata, maiman rina cashcatapish yachanimi. Cancunaca ñuca maimanta shamushcata, maiman rigrishcatapish mana yachanguichijchu.

Juan 9:16

maijan fariseocunaca: –Samana punllata mana huaquichij runaca, maitataj Taita Dios cachashca cangari– nircacuna. Maijancunaca: –Chai runaca juchayuj cashpaca ¿ima shinataj pi mana rurai tucuipajtaca rurangari?– nircacunami. Chashnami paicunapurallataj caita chaita yuyashpa ch'ican ch'ican yuyai tucurcacuna.

Juan 9:24

Shina nijpimi mana ricuj cashca runata cutin cayashpaca: –¡Taita Dios ricucunmi ama llullashpa ñucanchijman huillai! Ñucanchijca chai runataca juchayuj cashcatami yachanchij– nircacuna.

Juan 9:30

Chaimi chai runaca: –Ñuca ñahuita alliyachijtaca cancunaca maimanta cashcata mana yachajpica chaica mancharinami.

Hechos 22:22

Chai tucuita Pablo parlangacamaca allimi uyarcacuna. Mana judiocunapajman cachashcami cani nijta uyashpaca: –¡Cai runaca cai pachamantaca anchunami can, pai cai pachapi causanaca mana allichu!– nishpami sinchita caparircacuna.

Hechos 26:22

Chashna cajpipish Taita Dios ñucata huaquichijpimi, profetacunapish, Moisespish imalla tucuna cashcata huillashca pajtashcataca uchillacunamanpish, jatuncunamanpish cunancama chaitataj huillacunilla.

Hechos 7:35

Chai Moisestami: “¿Pitaj cantaca mandaj cachun, juez cachunpish churarca?” nishpa israelcunaca mana cazurcacuna. Paillatatajmi Taita Diosca mandaj cachun, cacharichij cachunpish, zarza yurapi ricurij angelhuan cacharca.

DEUTERONOMIO 34:10

Chaimanta pachami Mandaj Dioshuan Moisés shina ñahui ñahui rimaj profetaca israelpurapica nunca mana tiyan.

Hebreos 1:1

Ñaupa punllacunapica ñucanchij yayacunamanca, achca cutin tucui layami profetacunata huillachishpa Diosca rimarca.

Hebreos 1:2

Chai tucuipaj q'uipa cunan punllacunapica, paipaj Churitami ñucanchijmanca Diosca huillachirca. Paitami tucui imalla tiyajcunatapish japij cachun churarca. Paillahuantajmi cai pachata, jahua pachata tucui imalla tiyajcunatapish rurarca.