Juan 9:24 - Dios Rimashca Shimicunami

²⁴ Shina nijpimi mana ricuj cashca runata cutin cayashpaca: –¡Taita Dios ricucunmi ama llullashpa ñucanchijman huillai! Ñucanchijca chai runataca juchayuj cashcatami yachanchij– nircacuna.

Mushuj Testamento Diospaj Shimi

²⁴ Shina nijpimi mana ricuj cashca runata cutin cayashpaca: —¡Taita Diosta jatunyachi! Ñucanchijca chai runataca, juchayuj cashcatami yachanchij— nircacuna.

Juan 9:24 Iomraidhean Croise

ESDRAS 10:11

Cunanca cai llajtapi causajcunamanta, mana Israel caj huarmicunamanta anchurishpa, cancunapaj ñaupa yayacunapaj Dios munashcata rurashpa Mandaj Diosta jatunyachichij– nircami.

ISAÍAS 66:5

Mandaj Dios rimashcata manchajcuna paipaj rimashcata uyaichigari. Paica cashnami nin: “Ñuca shutita mañajcunataca ñucata mana rijsinichu nij cancunapaj huauquicunaca: Mandaj Diosca pai jatun cashcata ricuchichun, chaipi cancuna cushicushcata ñucanchij ricungapaj ningacunami. Ashtahuanpish paicunaca chashna nicushpapish pingachishcami cangacuna.

Marcos 15:27

Jesushuanca ishqui shuhuacunatapishmi chacatarcacuna. Shujtaca alli ladoman, caishujtaca lluqui ladomanmi chacatarcacuna.

Lucas 15:2

Chaita ricushpami fariseocunapish, mandashcacunata quillcajcunapish huashalla parlanacushpaca: –Caica juchayujcunahuan tandanacushpa paicunahuan micunllamari– ninacucujpimi,

Lucas 19:7

Chaita ricushpaca, juchayuj runapaj huasipimari pozanaman yaicun nishpami, tucuicuna juchachicurcacuna.

Lucas 7:39

Chaita ricushpami micunaman cayaj fariseoca paipaj yuyaipica: “Caica profetataj cashpaca, chai huarmi pi cashcata, ima shina huarmi paipaj chaquipi tuparicujtaca yachanmanmi. Chai huarmica juchasapamari” niricurcami.

Juan 14:30

Cai pachata mandajca ñamari shamucun. Cancunahuanca ña mana ashtahuan rimashachu. Pai shamushpapish ñucataca mana mishangachu.

Juan 16:2

Cancunataca sinagogacunaman ama cutin yaicuchun llujshichishpa cachangacunami. Cancunata maijanpish huañuchishpaca, Taita Diospajtami ruracuni nishpa yuyana punllacunapish chayamucunmi.

Juan 18:30

paicunaca: –Ima millaita mana ruraj cajpica, cambajmanca mana pushamunchijmanchu carca– nircacuna.

Juan 19:6

Jesusta ricushpaca curacunata mandajcunapish, Taita Diospaj huasita cuidajcunapish: –¡Chacatai! ¡Chacatai!– nishpa caparinacujpimi Pilatoca: –Ñucaca paipica ima huañuipaj juchata rurashcata mana japinichu. Cancunallataj pushashpa chacatagrichijlla– nirca.

Juan 5:23

Tucuicuna Yayata jatunyachij shinallataj, paipaj Churita jatunyachichunmi paiman curca. Pipish paipaj Churita mana jatunyachijca, paita cachaj Yayatami mana jatunyachin.

Juan 8:46

¿Maijan cancunataj juchata ñuca rurashcata ricuchi tucunguichij? Shinashpaca ima shina cashcatataj huillacujpica ¿ima nishpataj ñucataca mana cringuichij?

Juan 8:49

Chaimi Jesusca: –Ñucaca mana supai japishcachu cani. Ñuca Yayatamari cazucuni. Cancunaca ñucatamari yanganchinguichij.

Juan 9:16

maijan fariseocunaca: –Samana punllata mana huaquichij runaca, maitataj Taita Dios cachashca cangari– nircacuna. Maijancunaca: –Chai runaca juchayuj cashpaca ¿ima shinataj pi mana rurai tucuipajtaca rurangari?– nircacunami. Chashnami paicunapurallataj caita chaita yuyashpa ch'ican ch'ican yuyai tucurcacuna.

Juan 9:25

Chashna nijpica: –Paica juchayujchu, manachu juchayuj mana yachanichu. Ñucaca mana ricuj cashca cashpapish cunanca ricuj cashcallatami yachani– nircami.

Romanos 8:3

Ñucanchijca juchayuj aichapi cajpi mandashca imata mana rurai tucujpimi, Diosca paipaj Churitaca, juchayujcuna shina aichayujta rurashpa cacharca. Ñucanchij juchata anchuchingapajmi, paipaj aichallapitaj juchataca chingachirca.

2 Corintios 5:21

Cristotaca mana juchayuj cajpipish, Diosca ñucanchijmantami juchayujta rurarca. Cristomanta ñucanchijca, Dios munashca shina cashcata rurajcuna cachunmi chashnaca rurarca.

JOSUÉ 7:19

Chaipimi Josueca Acán runataca: –Ñuca huahualla, israelcunata Mandaj Diostaca sumajmari cangui, allimari cangui nishpa, can imallata mana allita rurashcataca ama pacashpa huillai– nirca.

Apocalipsis 11:13

Chai horasllatajmi allpa chujchushpa, pamba t'imburijpi chungapi chaupishca shuj parte puebloca tucui taparirca. Chaipica 7.000 gentecunami huañurcacuna. Chaipi mana huañujcunaca, jatunta mancharishpami jahua pacha Diostaca jatunyachircacuna.