Juan 9:22 - Dios Rimashca Shimicunami

²² “Judiocunaca ñaupamanmi Jesusca Mesiasmi nishpa maijanpish huillajpica, sinagogamanta llujshichishpa shitashcami canga” nishpa yuyarinacushca carca. Chaita manchashcamantami chai yaya mamaca chashna nircacuna.

Mushuj Testamento Diospaj Shimi

²² Judiocunata manchashcamantami, yaya mamaca chashna nirca. Judiocunaca pipish Jesusta ‘Mesiasmi’ nishpa purijtaca, tandanacuna huasimanta llujshichishpa cachanatami yuyarinacushca carca.

Juan 9:22 Iomraidhean Croise

PROVERBIOS 29:25

Runata manchanaca tsagnarishpa urmana linchimi. Ashtahuanpish Mandaj Diosca, paipi shunguta churajtaca huaquichingami.

ISAÍAS 51:12

Cancunata cushichijca ñucamari cani. ¿Huañujlla runacunata manchangapajca yangallachari canguiyari? ¿Llullu q'uihua shina chaquirijlla runacunapaj churicunata manchangapajca yangallachari canguiyari?

ISAÍAS 51:7

Cashcata ruranaca ima cashcata rijsijcuna uyaichij. Ñuca mandashcaca cancunapaj shungupimari. Runacuna yanganchishcataca ama manchaichu. Paicuna c'amijpipish ama mana catisha nichu.

ISAÍAS 57:11

¿Pita manchashpataj ñucapi shunguta churanataca saquircanguiyari? ¿Pi manchachijpitaj ñucataca mana cringuiyari? ¿Ima nishpataj ñucataca mana yuyaringuiyari? Cambaj yuyaimanca ¿manachu ñucata yuyarinallapish shamurca? Ñucata manataj manchajpipish ñaupamantapachami imata mana nishpa, upalla saquircani.

Lucas 6:22

Runa Aichayujta caticushcamanta runacuna p'iñajpi, mana ricunachishpa paicunapuramanta anchuchijpi, cancunapaj shutitaca millaita rurajta shina yangata rurashpa c'amijpipish cushichishcami canguichij.

Juan 1:19

Jerusalenpi causaj judiocunami curacunatapish, levitacunatapish: –¿Canca pitaj cangui?– nishpa Juanta tapuchun cachajpi, Juanca cashna nirca:

Juan 16:2

Cancunataca sinagogacunaman ama cutin yaicuchun llujshichishpa cachangacunami. Cancunata maijanpish huañuchishpaca, Taita Diospajtami ruracuni nishpa yuyana punllacunapish chayamucunmi.

Juan 19:38

Tucui chaicuna chashna tucushca q'uipami Arimateamanta Joseca, Jesuspaj cuerpota apangapaj Pilatota mañagrirca. Pilatoca apailla nijpimi, Jesuspaj cuerpotaca apashpa rirca. Joseca judiocunata manchashcamanta, pacalla Jesuspaj yachacujmi carca.

Juan 20:19

Chai punllallataj semana callari ña tutayacujpimi, yachacujcunaca judiocunata manchashcamanta pungucunata huichcashpa tandanacushpa tiyacurcacuna. Chaipimi Jesusca paicunapaj chaupipi shayarishpaca: –¡Sumaj causai cancunahuan cachun!– nirca.

Juan 7:13

Judiocunata manchashcamantami, tucuicunapaj ñaupajpica Jesusmantaca pi mana parlanacui tucurcacuna.

Juan 9:18

Ashtahuanpish judiocunaca, chai runa mana ricuj cashcata alliyachishca cashcataca mana crircacunachu. Chaimantami chai runapaj yaya mamata cayashpa,

Juan 9:21

Ima shina ricuj tucushcataca mana yachanchijchu. Pi paipaj ñahuita alliyachishcatapish mana yachanchijchu. Paica juilluyujmi, paillatataj tapuichij huillangallami– nircacuna.

Juan 9:34

Chashna nijpica: –Canca juchapimi huacharishcangui. ¿Ñucanchijtachu yachachisha ningui?– nishpaca, caipica ña mana ashtahuan tandanacui tucunguichu nishpami llujshichishpa cacharcacuna.

Juan 9:35

Chai runataca sinagogamanta llujshichishpa cachashca cashcata Jesús yachashpami paihuan cutin tupashpaca: –Canca ¿Taita Diospaj Churitaca cringuichu?– nijpi,

Hechos 4:18

Paicunata cayashpaca: –Chai Jesús ima shina tucushcataca ñataj piman rimanguichijman, yachachinguichijman– nishpami mandarcacuna.

Hechos 5:13

Shujtajcunaca paicunahuan tandanacunataca mancharcami. Shina cajpipish chai llajtapi causajcunaca tucuicunami paicunataca allicunami nijcuna carca.

Hechos 5:40

Gamaliel chashna nishcaca paicunapaj yuyaipica alli yuyachijpimi tucuicuna alli nircacuna. Chaimi apostolcunata cutin cayashpa macashpaca: –Chai Jesusmantaca cutinca ña amataj huillanguichijchu– nishpa mandashpaca cacharishpa cacharcallacunami.

Apocalipsis 21:8

Shina cajpipish manchajcunaca, mana crijcunaca, millashcacunaca, huañuchijcunaca, apanacushpalla causajcunaca, brujocunaca, rurashcalla dioscunata adorajcunaca, tucui llullajcunapish paicuna japina cashcataca azufrehuan rupacuj nina cuchatami japingacuna. Chaica q'uipa huañuimi” nircami.