Juan 9:17 - Dios Rimashca Shimicunami

¹⁷ Chaimi mana ricuj cashca runataca: –Cambaj ñahuita alliyachij runataca ¿ima cashcatataj yuyangui?– nishpa cutin tapujpica: –Ñucaca paitaca Taita Dios huillachijpi huillaj cashcatami yuyani– nirca.

Mushuj Testamento Diospaj Shimi

¹⁷ Chaimantami, mana ricuj cashca runataca: —Canca, ñahuicunata pascajtaca, ¿ima ninguitaj?— nishpa, cutin tapujpica: —Paica, Dios ima nishcata huillajmari— nirca.

Juan 9:17 Iomraidhean Croise

Mateo 21:11

tapunacucujpimi: –Caica, Galileapi caj Nazaretmanta profeta Jesusmi– nircacuna.

Lucas 24:19

Jesusca: –¿Imataj tucushca?– nishpa tapujpi, paicunaca: –Nazaretmanta caj Jesusmantami parlanacucunchij. Paica Taita Diospaj ñaupajpipish, gentecunapaj ñaupajpipish allita ruraj, allita rimaj, tucuita rurai tucuj profetami carca.

Juan 4:19

Chaimi chai huarmica: –Amito, canca Taita Dios huillachishcata huillajmi yuyachingui.

Juan 6:14

Chai runacunaca, pi mana rurai tucuipajta Jesús rurajta ricushpami: –Caica cai pachaman shamuna cashca Profetatajmari– nircacuna.

Juan 9:15

Chaimantami fariseocunapish ima shina ñahui ricuj tucushcata tapurcacuna. Chaimi paica: –Allpata ch'ucahuan chapushpa ñuca ñahuipi llihuijpi maillarigrishpaca ñapish ricurcanillami– nijpimi,

Hechos 10:38

Paica Nazaretmanta Jesusmi. Paitami Taita Diosca jucha illaj Espirituta cushpa, tucuita rurai tucuj cachun churarca. Taita Dios paihuan cajpimi, diablo llaquichicushcacunataca tucuicunata alliyachishpa, achca allicunata rurashpa purirca.

Hechos 2:22

Tucui israelcuna, cai huillashcata uyaichij: Nazaretmanta Jesustami Taita Diosca pai cachashca cashcata ricuchingapaj, pi mana ricushcata rurachirca. Shinallataj pi mana ruraipajcunatapish, mancharinacunatapishmi rurachirca. Chaitaca tucui cancunallataj yachanguichijmi.

DEUTERONOMIO 18:15

Mandaj Dios cancunapaj Taita Diosca cancunapuramanta cancunapaj huauquicunatami ñuca shinallataj huillajta shujtajta jatarichinga. Paita uyanguichij.