Juan 8:9 - Dios Rimashca Shimicunami

⁹ Chashna nijta uyashpaca, paicunapaj yuyaillapitaj mana alli cashcata yuyarishpami yuyajcunamanta callarishpa q'uipa huiñaicunacama shuj shujlla rircacuna. Jesusca, chai huarmindijllami saquirirca.

Mushuj Testamento Diospaj Shimi

⁹ Chashna nijta uyashpaca, quiquin shungullataj juchayuj cashcata juchachijpimi, yuyajcunamanta callarishpa qʼuipa huiñaicunacama, shuj shujlla tucuicuna llujshircacuna. Jesusca, gentecunapaj chaupipi shayachishca huarmindijllami saquirirca.

Juan 8:9 Iomraidhean Croise

1 REYES 17:18

Chaimi chai huarmica Eliastaca: –Diospaj runa, ¿ñuca canta imata rurashca cajpitaj llaquichingui? Ñuca juchacunata ñucaman yuyachishpa, ñuca churita huañuchingapajllamari shamushcangui– nircami.

1 REYES 2:44

Jatun mandajca, Simeitaca cashnapishmi nirca: –Tucui mana allita rurashpa ñuca yaya Davidta llaquichishcataca canllataj yachanguimi. Cambaj shungullatajpish huillacunmi. Chaitaca Mandaj Diosmi cambaj jahuallamantaj tigrachishca.

JOB 20:27

Paipaj juchataca jahua pachami ricuchinga. Cai pachaca paita llaquichingapaj jataringami.

JOB 20:5

Millai runacunapaj cushicunaca utca tucurijllami, Diosta mana manchajcunapish ashacamallami cushicun.

SALMOS 40:14

Ñucata huañuchishpa chingachingapaj mashcajcunaca pingachishca cachun, muspachishca cachun. Ñucata llaqui tucushca cachun nicujcunataca huashaman tigrachishca cachun. Pingachishca cachun.

SALMOS 50:21

Tucui chaicunata rurajpipish ñucaca upalla carcanillami. Ñucataca can shinallataj cashcallatami yuyangui. Can millaita rurashcataca canman ricuchishpatajmi sinchita rimagrini.

SALMOS 71:13

Ñucata p'iñajcunaca pingaichishca cachun. Ñuca causaita chingachishun nicujcunaca chingarishca cachun. Ñucata llaquichingapaj mashcacujcunataca pingaihuan tapachishca cachun. Musparinahuan tapachishca cachun.

ECLESIASTÉS 7:22

Canpish tauca cutinmi shujtajcunata huashalla ima mana allita rimashcangui. Chaitaca canllataj yachanguimi.

Lucas 13:17

Jesús chashna nijpica tucui paita p'iñacujcunami achcata pingarircacuna. Ashtahuanpish chai tucui achcacunaca Jesús chai alli sumajcunata rurajta ricushpaca achcatami cushicurcacuna.

Juan 8:10

Jesús shayarishpa pita mana ricushpaca, chai huarmitaca: –¿Maipitaj canta juchachicujcunaca? ¿Manachu maijan cantaca huañunami cangui nirca?– nijpimi,

Juan 8:12

Jesús cutin yachachi callarishpaca: –Ñucaca cai pachapi causajcunapaj luzmi cani. Maijanpish ñucata catijca, mana amsapi puringachu. Ashtahuanpish causaita cuj luztami charinga– nijpimi,

Juan 8:2

Cayandij tutamantaca Jesusca Taita Diospaj huasimanmi tigramurca. Chaipica tucuicuna paipajman shamujpimi tiyarishpa paicunata yachachirca.

Juan 8:3

Chaimanmi mandashcacunata quillcajcuna, fariseocunapish huainayacujta japishca huarmita pushamushpaca tucui chaipi cajcunapaj chaupipi churashpa,

Juan 8:8

Shina nishpaca pambaman cutin cumurishpami, dedohuan pambapi ashtahuan quillcacurcalla.

Romanos 2:15

Chaimi Mandashca rurangui nishcaca, paicunapaj shungupi quillcashca cashcata ricuchincuna. Paicunapaj yuyaillatajmi yuyachishpa ima shina cashcata ricuchishpa juchachin, mana cashpaca allimi nin.

Romanos 2:22

Canca mana huainayanachu nishca jahuachu ¿huainayangui? Canca rurashcalla dioscunata p'iñashca jahuachu ¿chai huasicunamanta chai dioscunata shuhuangui?

1 Juan 3:20

Ñucanchij shungullataj mana alli cashcata ricuchicujpica, Dioscarin ñucanchij shungutapish yalli tucuita yachajmari.