Juan 8:59 - Dios Rimashca Shimicunami

⁵⁹ Chashna nijpica Jesusta shitangapajmi rumicunata japircacuna. Ashtahuanpish Jesusca pacatucushpami, Taita Diospaj huasimanta paicunapaj chaupillatataj llujshishpa rirca.

Mushuj Testamento Diospaj Shimi

⁵⁹ Chashna nijpica rumicunata japishpami, shitashun nircacuna. Ashtahuanpish Jesusca, Diospaj huasimantaca, paicunapaj chaupillatataj allijlla miticushpa llujshircallami.

Juan 8:59 Iomraidhean Croise

GÉNESIS 19:11

Ashtahuanpish canllaman caj c'aricunataca huambracunatapish, yuyajcunatapish ñahui mana ricujcunatami rurarca. Chaimantami paicunaca pungu maipi cashcata mashcacushpalla shaicurcacuna.

LEVÍTICO 24:16

Maijanpish Mandaj Diospaj shutita p'iñashpa c'amijca huañungatajmi. Tucui tandanacushca israelcunami rumicunahuan shitangacuna. Mana israelcuna cashpapish, israelcuna cashpapish Mandaj Diospaj shutita p'iñashpa c'amishpaca huañungatajmi.

Mateo 12:14

Fariseocuna chaimanta llujshishpaca Jesusta ima shina huañuchinatami yuyarinacurcacuna.

Lucas 24:31

Chaimi paicunapaj ñahuica pascarij shina tucujpi Jesús cashcata rijsircacuna. Chaipica Jesusca paicunapaj ñaupajmanta chingarircallami.

Juan 11:54

Chaita yachashpami Jesusca judiocunapaj paca pacalla puricushpaca, shitashca pamba c'uchulla llajtapi caj Efraín shuti puebloman rishpa, paipaj yachacujcunandij chaipi carca.

Juan 11:8

yachacujcunaca: –Yachachij, sarunllatajmi judiocunaca rumicunahuan shitashun nircacuna. ¿Cutinchu chaiman risha ningui?– nircacuna.

Juan 12:36

Luzpaj huahuacuna cangapajca, luz caipi cajpiraj, paita crichij– nircami. Jesusca tucui chaicunata nishpaca, paicunapajmanta pacatucushpa rircallami.

Juan 18:31

Chaimi Pilatoca: –Shinashpaca, cancunallataj paita pushashpa, cancunapaj Mandashcapi nishca shina tapushpa imatapish nichijlla– nirca. Chashna nijpi judiocunaca: –Ñucanchijca maijanta huañuchinapaj mandashcatamari mana charinchij– nircacuna.

Juan 5:13

Alliyachishca runaca achcacuna chaipi cashcamanta, Jesuspish chaimanta ña llujshishpa rishcamanta, paita alliyachijca pi cashcata mana yachashpa judiocunamanca imata mana ni tucurcachu.

Juan 9:1

Jesús chaimanta rishpaca, mana ricuj huacharishca shuj runatami ricurca.

Hechos 7:57

Chaita mana uyashun nishpami, paicunapaj rinrinta taparishpa achcata caparirinacushpa Estebantaca huaicashpa japircacuna.

1 SAMUEL 30:6

Davidhuan cajcunaca paicunapaj churicunamanta, ushushicunamantaca almacama yallitaj llaquirishca cashpami, Davidtaca rumicunahuan shitashun nircacuna. Davidca yallitaj llaquilla cashpapish paita Mandaj Diospi shunguta churashpa sinchiyarca.