Juan 8:54 - Dios Rimashca Shimicunami

⁵⁴ Chaimi Jesusca: –Ñucallataj allimi cani nirijpica, ñuca allimi cani nirishcaca yangallami canman. Ñuca Yayami ñucataca alli nin. Paillatatajmi cancunapish ñucanchij Taita Diosmi nicunguichij.

Mushuj Testamento Diospaj Shimi

⁵⁴ Chashna nijpica, Jesusca cashnami nirca: —Ñuca quiquinllataj ‘Allimi cani’ nirijpica, chaica yangallamari canman. Ñuca Yayamari ñucataca sumajyachicun. Cancunapish Paillatatajmari, ‘Ñucanchij Diosmi’ nicunguichij.

Juan 8:54 Iomraidhean Croise

PROVERBIOS 25:27

Sacha chuspi huachashca mishquita yalli micunaca mana allichu. Quiquinlla yallitaj alli nishca canata mashcanapish mana jatunta ruranchu.

ISAÍAS 66:5

Mandaj Dios rimashcata manchajcuna paipaj rimashcata uyaichigari. Paica cashnami nin: “Ñuca shutita mañajcunataca ñucata mana rijsinichu nij cancunapaj huauquicunaca: Mandaj Diosca pai jatun cashcata ricuchichun, chaipi cancuna cushicushcata ñucanchij ricungapaj ningacunami. Ashtahuanpish paicunaca chashna nicushpapish pingachishcami cangacuna.

OSEAS 1:9

Taita Diosca: “Cancunaca ña mana ñuca agllashcacunachu canguichij. Ñucapish ña mana cancunapaj Taita Dioschu cani nishca shuti Lo-ammita shutichi” nircami.

Juan 17:1

Caicunata nishca q'uipami, Jesusca jahua pachata huichilla ricushpa cashna nirca: –“Yayitu, ñucata jatunyachina ñami chayamushca. Quiquinta jatunyachingapaj, ñucata jatunyachihuai.

Juan 17:5

Cunanca Yayitu, cai pacha manaraj tiyajpi, ima shinami ishquindij sumaj, tucuita rurai tucuj carcanchij, chashnallataj cunanpish quiquinpaj c'uchupi tucuita rurai tucuj cashcata ñucataca ricuchihuai.

Juan 2:11

Jesusca Galileapi caj Caná pueblopimi, milagrota ruranataca callarirca. Paica tucuita rurai tucuj cashcata chaipi ricuchijpimi, paipaj yachacujcunaca paita crircacuna.

Juan 5:41

Runacunalla alli nichunca mana munanichu.

Juan 7:18

Maijanpish paipaj quiquin yuyaillamanta huillajca, shujtajcuna paita alli nichunllami munan. Ashtahuanpish paita cachaj Yayata jatunyachichun huillacujca mana llullachu, mana ñahuita ricushpalla imatapish rurajchu.

Juan 7:39

Shina nishpaca, paita crijcuna Taita Diospaj Espirituta chasquina cashcatami huillarca. Jesusta manaraj sumajyachijpimi, jucha illaj Espirituca manaraj shamurca.

Juan 8:41

Cancunaca, cancunapaj yaya ruraj cashca shinallatajmi ruracunguichij– nijpimi, paicunaca: –¡Ñucanchijca mana huainapaj huahuacunachu canchij! ¡Ñucanchijca shujlla Yaya Diostami charinchij!– nircacuna.

Juan 8:50

Mana ñucachu ñucata alli nichunca munani. Taita Diosmi ñucata alli nichunca munan. Ñucata mana chashna nijpica paillatajmi imatapish ninga.

Hechos 3:13

Ñucanchij ñaupa yaya Abrahampaj, Isaacpaj, Jacobpaj Taita Diosmi paipaj Churi Jesucristota jatunyachirca. Paitami cancunaca Pilatopajman pusharcanguichij. Pilato cacharisha nijpipish, paipaj ñaupajpimi ama cacharichu nircanguichij.

2 Corintios 10:18

Paillataj allimi cani nirijca manapish alli nishcachu, ashtahuanpish Diosllamari alli nijca.

1 Pedro 1:12

Profetacuna chashna yuyacujpipish Diosllatajmi paicuna yachashun nicushcaca mana paicunapaj cashcata, ashtahuanpish ñucanchijpaj cashcata ricuchishca. Chai profetacuna huillacushcataca jahua pachamanta cachashca Jucha Illaj Espíritu huillachijpimi, alli huillaita cancunaman cunan huillacuncuna. Caicunataca jahua pacha angelcunapishmi yachaiman yuyacuncuna.

1 Pedro 1:21

Huañushcacunapaj chaupimanta causachishpa jatunyachij Diostaca Jesucristomantami crircanguichij. Cancuna Diosta crishpa pai yuyailla cachunmi chashna rurarca.

2 Pedro 1:17

Alli nishca canata, jatunyachishca canata, Dios Yayamanta pai chasquicuipica jahua pacha sumaj achij nicujmantaca cashna nishcami uyarirca: “Caica ñuca c'uyashca Churimi, paipimi cushicuita charini” nircami.