Juan 8:53 - Dios Rimashca Shimicunami

⁵³ ¿Canca, ñucanchij ñaupa yaya Abrahamta yallichari canguiyari? Paipish, profetacunapish huañurcacunami. Canca ¿pi cashcatataj yuyanguiyari?– nircacunami.

Mushuj Testamento Diospaj Shimi

⁵³ ¿Canca ñucanchij ñaupa yaya Abrahamta yallichari canguiari? Paipish, Dios ima nishcata huillajcunapish huañurcami. Canca, ¿pi cashcatapishchari yuyangui?— nircacunami.

Juan 8:53 Iomraidhean Croise

ISAÍAS 9:6

Ñucanchijmanca churitamari cushca, chai huahuamari huacharishca. Paipaj maquipimari mandanataca churashca. Paica cashna shuticunami canga: “Mancharinata cunaj, tucuita rurai tucuj Dios, huiñaita causaj Yaya, sumaj causaita Mandaj” nishcami canga.

Mateo 12:6

Cancunataca cashnami nini: Taita Diospaj huasitapish yalli jatun cajmari caipi.

Mateo 3:9

Cancunapaj ucu yuyaillapi: “Ñucanchijca Abrahamtami yayata charinchij nishpa” ama nirichijchu. Cashnami nini: Taita Diosca, cai rumicunatapish, Abrahampaj huahua huahuacuna cachun rurai tucunmi.

Juan 10:33

Chaimi judiocunaca: –Allita rurashcacunamantaca mana rumicunahuan shitashun ninchijchu. Ashtahuanpish runa cashca jahua, Taita Dios tucushpa, Taita Diosta p'iñachishcamantami rumicunahuan shitashun ninchij– nircacuna.

Juan 12:34

Chaimi chaipi caj gentecunaca: –Ñucanchijca Mandashcapica: “Quishpichij Cristoca huiñaitami causanga” nishcatami uyarcanchij. ¿Ima nishpataj canca: “Runa Aichayujtaca jahuaman huarcushcatajmi canga” ningui? ¿Chai Runa Aichayujca pitagari?– nircacunami.

Juan 19:7

Chaimi judiocunaca: –Ñucanchijca shuj mandashcatami charichij. Chai mandashcapi nishca shinaca Taita Diospaj Churimi cani nishcamantaca paica huañunatajmi can– nircacuna.

Juan 4:12

¿Canca, cai pugyuta cuj yaya Jacobtapish yalli jatunchari canguiyari? Paipish, paipaj churicunapish, animalcunapish cai pugyumantami ubyajcuna cashca– nircami.

Juan 5:18

Samana punllapi ungushcata alliyachishpa mana cazushcallamantaca mana carcachu. Taita Dios shina tucushpa Taita Diostapish ñuca quiquin Yayami nishcamantami judiocunaca ima shinapish huañuchinata yuyarcacuna.

Juan 8:58

Shina nijpi Jesusca: –Abraham manaraj tiyajpimi, ñucaca ña tiyarcani. Chaica chashnatajmi– nirca.

Romanos 9:5

Paicunaca callari yayacunapaj huahua huahuacunami. Aichamantaca paicunapurapimi Cristoca shamurca. Paica tucui ima tiyajcunapaj jahuapi caj Diosmi. Paitaca, huiñai huiñaita alli nishca cachun. Chaica chashnatajmi.