Juan 8:51 - Dios Rimashca Shimicunami

⁵¹ Pipish ñuca yachachishcacunata cazujca, manataj huañungachu. Chaica chashnatajmi canga– nijpimi,

Mushuj Testamento Diospaj Shimi

⁵¹ Pipish Ñuca imalla nishcata caźujca manataj huañungachu, chaica chashnatajmari— nircami.

Juan 8:51 Iomraidhean Croise

SALMOS 89:48

¡Maijan runataj causacungallari. Maijan runataj huañuitaca mana ricungari! ¿Seolman ricujtaca paipaj causaitaca quishpichi tucungachu? Selah

Mateo 16:28

Runa Aichayuj tucushca mandangapaj shamucujta ricungacama, maijan caipi cajcunaca manaraj huañungacunachu. Chashnatajmi canga– nircami.

Lucas 2:26

Paimanca Jucha illaj Espiritumi, Jatun Dios cachashca Quishpichij Cristota ricungacama, manaraj huañunguichu nishca carca.

Juan 14:23

Shina nijpi Jesusca, cashnami nirca: –Ñucata c'uyajca, ñuca huillashca Shimitaca cazungami. Ñuca Yayaca paita c'uyangami. Paipajman shamushpa paihuan causashunmi.

Juan 15:20

“Amopajta rurajca amotaca mana yallichu” nishpa ñuca huillashcataca yuyarichigari. Ima shinami ñucatapish llaquichina yuyailla llaquichirca chashnallatajmi cancunatapish llaquichingacuna. Ñuca huillashcata cazushpaca, cancuna huillashcatapish cazungacunami.

Juan 17:6

Cai pachapi causajcunamanta agllashpa ñucaman cushcacunamanca quiquin ima shina cashcatami huillarcani. Paicunaca quiquinpajmi carca. Quiquinpaj Shimitapish cazurcacunami.

Juan 5:24

Pipish ñuca shimita uyashpa, ñucata cachaj Yayata crijca huiñai causaitami charin. Huañushca cashpapish huiñai causaiman ch'imbashca cashcamanta jatun llaquimanca manataj ringachu. Chaica chashnatajmi.

Juan 6:50

Cai tandaca jahua pachamanta shamushcami. Maijanpish chai tandata micujca mana huañungachu.

Juan 8:12

Jesús cutin yachachi callarishpaca: –Ñucaca cai pachapi causajcunapaj luzmi cani. Maijanpish ñucata catijca, mana amsapi puringachu. Ashtahuanpish causaita cuj luztami charinga– nijpimi,

Juan 8:52

judiocunaca: –Abrahampish, profetacunapish huañurcami. Canca: “Pipish ñuca yachachishcacunata cazujca mana huañungachu” ninguimi. Cunantajca cantaca supai japishca cashcatami yachanchij.

Juan 8:55

Chashna nishpapish cancunaca paitaca mana rijsinguichijchu. Ñucaca paitaca rijsinimi. Rijsishca jahuallataj mana rijsinichu nishpaca, cancuna shinallataj llullami caiman. Ñucaca paita rijsishcamantami, paipaj Shimi nishcata pajtachini.

Hebreos 11:5

Crishcamantami Enoctaca huañuita ama ricuchun, causajta jahua pachaman aparca. Dios apashcamantami mashcashpapish mana japircacuna. Manaraj jahua pachaman apashca cashpaca, Dios munashcata rurajmi carca ninmi Quillcachishcapipish.

Hebreos 2:9

Ashtahuanpish Jesustaca ashacamallami angelcunata yalli yangallata rurashcata ricunchij. Diosca mana c'uyaipajta c'uyaj cashpami, tucuicunamanta huañuita rijsichun nirca. Llaquita apashpa huañushcamantaca, tucuicunata yalli sumaj alli nishcatami rurashcangui.