Juan 8:46 - Dios Rimashca Shimicunami

⁴⁶ ¿Maijan cancunataj juchata ñuca rurashcata ricuchi tucunguichij? Shinashpaca ima shina cashcatataj huillacujpica ¿ima nishpataj ñucataca mana cringuichij?

Mushuj Testamento Diospaj Shimi

⁴⁶ ¿Pi cancunataj Ñuca ima juchata rurashcata ricuchi tucunguichij? Cashcatataj Ñuca huillajpica, ¿ima nishpataj mana cringuichigari?

Juan 8:46 Iomraidhean Croise

Mateo 21:25

Bautizaj Juan bautizachunca ¿Dioschu, runacunachu pitaj cachashca canga?– nishpa tapujpimi paicunapura parlanacushpaca, cashna ninacurca: –Juantaca Dios cachashcami nijpica: “Shinashpaca ¿ima nishpataj pai huillashcataca mana crircanguichij?” ningami.

Marcos 11:31

Chaimi paicunapura parlanacushpaca cashna ninacurca: –Juantaca Taita Dios cachashcami nijpica: “Shinashpaca ¿ima nishpataj pai huillashcataca mana crircanguichij?” ningami.

Juan 14:30

Cai pachata mandajca ñamari shamucun. Cancunahuanca ña mana ashtahuan rimashachu. Pai shamushpapish ñucataca mana mishangachu.

Juan 15:10

Ima shinami ñuca Yaya mandashcacunata cazushpa paipaj c'uyaihuan shujlla cani, shinallataj cancunapish ñuca mandashcacunata cazushpa ñuca c'uyaihuan shujlla catichij.

Juan 16:8

Chai Espíritu shamushpaca cai pachapaj cajcunataca juchayuj cashcatami yuyachinga. Taita Diosca cashcata ruraj cashcata, paica imalla rurashcata ricuchishpa llaquichina cashcatapishmi yuyachinga.

Juan 18:37

Chaimi Pilatoca: –Shinashpaca canca ¿jatun Mandajchu cangui?– nijpi, Jesusca: –Canllatajmari ñucataca jatun Mandaj ningui. Ñucaca chaipajllatajmi cai pachaman shamushpa huacharircani. Mana llullata huillangapajmi shamurcani. Ñuca huillashcataca mana llullapaj cajcunallami uyancuna– nirca.

Juan 8:47

Maijanpish Taita Diospajtaj cajca, paipaj Shimitaca uyanllami. Ashtahuanpish cancunaca mana Taita Diospaj cashpami paipaj Shimitaca mana uyashun ninguichij– nircami.

Juan 8:7

Paicuna cutin cutin tapucujllapimi, Jesusca: –Cancunamanta maijan jucha illaj cashpaca, pairaj cai huarmita rumihuan shitachun– nirca.

2 Corintios 5:21

Cristotaca mana juchayuj cajpipish, Diosca ñucanchijmantami juchayujta rurarca. Cristomanta ñucanchijca, Dios munashca shina cashcata rurajcuna cachunmi chashnaca rurarca.

Hebreos 4:15

Ñucanchijca imata mana rurai tucuj irqui cashpapish, curacunata jatun pushaj llaquij curatami charinchij. Paitapish ñucanchijta shinallatajmi mana alli yuyaicuna pandachisha nirca. Chashna cajpipish paica manataj juchallircachu.

Hebreos 7:26

Chashna curacunata jatun pushaj curami ñucanchijpajca minishtirirca. Paica: Jucha illaj, millaita ruranata mana yachaj, mapa illaj, juchayujcunamanta ch'icanyashca, jahua pachacunamanta jahuaman jatunyachishpa churashcami.

1 Pedro 2:22

Cristoca ima juchata mana rurarcachu, paipica umaj canaca manataj tiyarcachu.