Juan 8:43 - Dios Rimashca Shimicunami

⁴³ ¿Ima nishpataj ñuca yachachishcataca mana entendinguichigari? Cancunallataj mana uyasha nishcamantami mana entendinguichij.

Mushuj Testamento Diospaj Shimi

⁴³ Cancunallataj Ñuca huillashcata mana uyashun nishcamantami, Ñuca rimashcataca mana entendinguichij.

Juan 8:43 Iomraidhean Croise

PROVERBIOS 28:5

Millai shungu runacunaca cashcata ruranataca mana yachancunachu. Ashtahuanpish Mandaj Dios yuyailla causajcunaca, chaita ruranataca tucuitami yachan.

ISAÍAS 44:18

Chaicunaca imata ruracushcata mana yachanchu. Mana entendincunachu. Ama ricungapaj ñahuicuna huichcashca cashpa, ama entendingapaj shungu huichcashca cashpami, chaicunata ruran.

ISAÍAS 6:9

Chaimi paica: “Ri, chai gentecunataca cashna nigri: Alli uyashpapish mana entendinguichijchu, alli ricushpapish ima cashcata mana yachanguichijchu nigri.

JEREMÍAS 6:10

“Cai runacunaca rinrin huichcashcamari, mana uyashun nincunaca. ¿Pitataj rimashpa cunashari? Can Mandaj Diospaj shimitaca, ima pinganayaj shimicunata shina mana munancunachu” nircani.

OSEAS 14:9

Caita entendingapajca ¿pitaj yachaisapari? Caicunata yachangapajca ¿pitaj alli yuyaiyugri? Mandaj Diospaj ñancunaca mana huishtuchu. Chai ñancunataca cashcata rurajcunallami puringa. Ashtahuanpish paita c'ariyajcunaca chai ñanllapitajmi ñitcarishpa urmangacuna.

MIQUEAS 4:12

Chashna nijcunaca Mandaj Dios imata yuyacushcatapish, imallata cunashcatapish manamari yacharcacunachu. Chashna millaicuna cashcamantami, gavillacunata erapi tandachij shina tandachirca.

Mateo 13:15

Cai llajtapi causajcunapaj shunguca rumiyashcami. Paicunapaj rinrinca tapashca shinami. Paicunapaj ñahuicunapish huichcashca shinami tucushca. Chaimanta uyashpapish mana uyashca shina tucuchun. Paicunapaj shungutapish ama cutirichun mana entendijta ruragri. Paicuna chashna tucujpimi, ñucaca mana alliyachisha” nircami. Chaimi pajtashca.

Juan 5:25

Taita Diospaj Churi rimashcata huañushcacuna uyana chayamunmi. Chaica cunanmari. Paita uyajcunaca causangacunami. Chaica chashnatajmi.

Juan 5:43

Ñucaca ñuca Yaya cachajpimi shamurcani, mana chasquishun ninguichijchu. Maijanpish manapish cachajpi shamujtarajmi chasquinguichijlla.

Juan 6:60

Jesús chashna nijta achca paita catijcuna uyashpaca: –Cai yachachishcaca sinchimari. ¿Pitaj uyasha ningari?– nircacunami.

Juan 7:17

Maijanpish Taita Diospaj munaita rurasha nijmi, cai ñuca yachachicunca Taita Diospaj cashcata, mana cashpaca ñuca yuyaillamanta rimacushcata yachanga.

Juan 8:27

Chaita uyajcunaca Yaya Diosmanta Jesús chashna rimacushcataca mana entendircacunachu.

Juan 8:33

paicunaca: –Abrahampaj huahua huahuacunamari canchij. Pipaj huatashca mana canchijchu. ¿Ima nishpataj canca: “Cacharichishcami canguichij” ninguiyari?– nircacuna.

Juan 8:39

Chaimi paicunaca: –Ñucanchij yayaca Abrahammi– nircacuna. Chaimi Jesusca: –Abrahampaj huahua huahuacuna cashpaca, Abraham rurashca shinallatajmi ruranguichijman.

Hechos 7:51

¡Cancunaca mana circuncisionta rurashcacunapaj shungucuna, rinrincuna shina rumiyashcacunami canguichij! Chaimantami cancunaca Jucha illaj Espiritutapish manataj cazujcuna canguichij. Cancunapaj ñaupa yayacunapish chashnallatajmi mana cazujcuna carca. Cancunapish chashnallatajmi canguichij.

Romanos 3:11

Entendijpish mana tiyanchu, Diosta mashcajpish mana tiyanchu.