Juan 8:40 - Dios Rimashca Shimicunami

⁴⁰ Taita Diosmanta imata uyashcataca chaitataj huillashcamantami, cunanca ñucataca ima shinapish huañuchishun nicunguichij. Abrahamca mana chashna rurajchu carca.

Mushuj Testamento Diospaj Shimi

⁴⁰ Ashtahuanpish cancunaca, ¡Taita Dios ima nishcata uyashpa, chaita huillashcamantami Ñucataca, huañuchishun yuyanguichij! Abrahamca, mana chashna ruranmanchu carca.

Juan 8:40 Iomraidhean Croise

SALMOS 37:12

Millaicunaca cashcata rurajcunata llaquichinallatami yuyarinacuncuna. Manchanayajta cashturishpami p'iñancuna.

SALMOS 37:32

Diosta mana rijsijcunaca cashcata rurajcunataca, huashallami mashcan. Huañuchinatami yuyancuna.

Juan 7:1

Chai q'uipaca Galileapimi Jesusca yachachishpa puricurca. Judiocuna ima shinapish huañuchishun nicushcamantami Judeamanca mana rirca.

Juan 8:26

Cancunataca achcata ninatami charini. Cancuna ima shina cashcataca chaitataj ricuchishpami rimana cani. Ñucata cachaj Yayaca ima shina cashcatataj rimajmi. Ñucaca pai ima shina rimangui nishca shinallatajmi cancunataca rimani– nircami.

Juan 8:56

Cancunapaj ñaupa yaya Abrahamca, ñuca shamuna punllata ricuna cashcamanta cushicurcami. Ricushpacarin, ashtahuanmi cushicurca– nijpimi,

Romanos 4:12

Abrahamca circuncisionta rurashcacunapaj yayami. Paica mana chaicunapajllachu yaya. Ashtahuanpish mana circuncisionta rurashca cashpapish, Abraham crishca shina crishpa pai causashca shina causajcunapajpishmi yaya.

Gálatas 4:16

¿Mana llullashpa nishcamantachu, cancunata p'iñaj tucushcani?

Gálatas 4:29

Ashtahuanpish aicha munaimanta huacharishcaca, Espiritumanta huacharishcatami catirashpa llaquichirca. Cunan punllacunapish chai shinallatajmi.

Apocalipsis 12:17

Chashna rurajpimi, dragonca chai huarmihuan ashtahuan p'iñarishpa chai huarmipaj saquirishca huahua huahuacunahuan jatunta macanacugrirca. Paicunaca, Dios mandashcata alli cazujcunami. Jesucristomanta huillashcatapish alli catijcunami.

Apocalipsis 12:4

Chai dragonca, quimsapi chaupishca shuj parte luzerocunatami, cielomanta allpa pachaman paipaj chupahuan aisashpa shitarca. Chai dragonca huachanachicuj huarmipaj ñaupajpimi, huahua huacharinca huahuata millpungapaj shayarirca.