Juan 8:36 - Dios Rimashca Shimicunami

³⁶ Chashna cajpica cancunata huatashcamanta Taita Diospaj Churi cacharichijpica ña cacharichishcatajmi canguichij.

Mushuj Testamento Diospaj Shimi

³⁶ Chashna cajpimi cancunaca, Diospaj Churi cacharichijllapi, cacharishcataj saquiringuichij.

Juan 8:36 Iomraidhean Croise

SALMOS 119:133

Ñuca chaqui purinatapish quiquinpaj shimihuan mandahuai. Ima millai mandashca ama cangapaj ñucata pushahuai.

SALMOS 119:32

Quiquin mandashcacunapimi callpashpa purisha. Ñuca shunguta quiquin cushichijpimi chashna purisha.

SALMOS 19:13

Cambajta rurajtaca jatun tucunamanta huaquichihuailla. Jatun tucuna yuyai ñucata cazuchichunca ama saquihuanguichu. Chashna rurajpica ima mapa illajmi casha. Yallitaj millaipish manataj tucushachu.

ISAÍAS 61:1

Mandaj Jatun Diospaj Espiritumari ñuca jahuapi. Mandaj Diosmari ñucataca aceitehuan churarca. Ñucatamari alli huillaita huajchacunaman huillachun cacharca. Shungu p'aquicunata alliyachichun, prezu apashcacunaman ña llujshina tiyashcata huillachunmi cacharca. Prezucunata cacharichichunmi cacharca.

Lucas 4:18

“Jatun Diospaj Espirituca, ñuca jahuapimi. Ñucataca huajchacunaman alli huillaita huillachun, shungupi llaquirishpa huañucujcunata alliyachichun, prezupi cajcunata cacharichichun, mana ricujcunata ricujta rurachun, llaquichishca causacujcunata cacharichichunmi cacharca.

Romanos 8:2

Cristo Jesuspi causaita cuj Espíritu mandashcami, ñucataca juchapajta rurachijmanta, huañuimantapish cacharichirca.

1 Corintios 7:22

Maijanpajta ruraj cajpi Mandaj Jesús cayashca cajpica, Mandaj Jesús cacharichishcami tucun. Chashnallataj maijanpajta mana ruraj cajpi cayashca cashpaca, Cristopajta rurajmi tucun.

2 Corintios 3:17

Mandaj Jesusca Espiritumi. Mandaj Jesuspaj Espíritu maipi canpica, ña cacharichishcami.

Gálatas 5:1

Cristo cacharichishcamanta, quishpichishcapi sinchi caichij. Esclavota rurajpaj yugopica ama cutin huatashca caichijchu.