Juan 8:33 - Dios Rimashca Shimicunami

³³ paicunaca: –Abrahampaj huahua huahuacunamari canchij. Pipaj huatashca mana canchijchu. ¿Ima nishpataj canca: “Cacharichishcami canguichij” ninguiyari?– nircacuna.

Mushuj Testamento Diospaj Shimi

³³ Chashna nijpimi: —Ñucanchijca, Abrahammanta miramushcacunamari canchij. Mana pipaj maquipi huatashcacuna canchijchu. ¿Ima nishpataj: “Cachariringuichijmi” ninguiari?— nishpami tapurcacuna.

Juan 8:33 Iomraidhean Croise

GÉNESIS 15:13

Chaipimi Mandaj Diosca Abramtaca: –Cambaj huahua huahuacunaca shujtaj llajtapimi causagringa. Chai llajtapi causajcunapajta rurajmi canga. Paicunaca 400 huatacunatami yallitaj llaquichishca causangacuna. Chaica chashnatajmi canga nirca.

ESDRAS 9:9

Ñucanchijca shujtajcunapajta rurajcunami canchij. Shujtajcunapajta rurajcuna cajpipish ñucanchij Taita Diosca manataj saquishcachu. Ashtahuanpish ñucanchij Diospaj huasi urmashcata cutin shayachinaman rinapaj ñucanchij fuerzarichunca Persia llajtata jatun mandajcunapaj ñaupajpimi c'uyaita ricuchircangui. Judapi, Jerusalenpi cajpipish canmi huaquichircangui.

LEVÍTICO 25:42

Paicunaca ñucapajta rurajcunami. Paicunataca ñucami Egiptomanta llujshichimurcani. Chaimanta paicunaca huatashca shina shujtajcunapajta rurangapajca mana c'aturi tucuncunachu.

Mateo 3:9

Cancunapaj ucu yuyaillapi: “Ñucanchijca Abrahamtami yayata charinchij nishpa” ama nirichijchu. Cashnami nini: Taita Diosca, cai rumicunatapish, Abrahampaj huahua huahuacuna cachun rurai tucunmi.

Lucas 3:8

Mana allita ruracushcata saquishpa cutirishcataj cashpaca alli causashpa ricuchichigari. “Ñucanchijca Abrahamtami yayata charinchij” nishpaca ama yuyaichijchu. Cashnami nini: Diosca, cai rumicunatapish Abrahampaj huahuacuna cachun rurai tucunmi.

Juan 19:25

Jesusta chacatashca cruz c'uchupica, paipaj mamapish, paipaj mamapaj ñañapish, Cleofaspaj huarmi Mariapish, Magdalamanta Mariapishmi carcacuna.

Juan 8:37

Abrahampaj huahua huahuacuna cajtaca yachanitajmari. Shina cashpapish, ñuca yachachishcacunaca mana cancuna munashca cajpi mana chasquishpami, ñucataca ima shinapish huañuchishun nicunguichij.

Juan 8:39

Chaimi paicunaca: –Ñucanchij yayaca Abrahammi– nircacuna. Chaimi Jesusca: –Abrahampaj huahua huahuacuna cashpaca, Abraham rurashca shinallatajmi ruranguichijman.

Juan 8:43

¿Ima nishpataj ñuca yachachishcataca mana entendinguichigari? Cancunallataj mana uyasha nishcamantami mana entendinguichij.

Romanos 9:7

Abrahampaj huahua huahuacuna cashpapish, manamari tucuicuna paipaj huahuacunatajchu. Ashtahuanpish: “Isaacmantami cambaj huahua huahuacunatajca canga” ninmi.

JUECES 2:18

Mandaj Diosca juezcunata churashpaca maijan jueztami pai churan chaihuanmi carca. Chaimantami chai juez pushacui punllacunapica, israelcunata p'iñajcunapaj maquimantaca quishpichij carca. Paicunata llaquichijcuna llaquichicujpi llaquihuan cashpa aij nishcacunata uyashpami, paicunata llaquina yuyai tucushpa juezta churashpa Mandaj Diosca quishpichirca.

JUECES 3:8

Chaimantami Mandaj Diosca israelcunahuanca nina sindirij shina yallitaj p'iñarishpa, Mesopotamia llajtata jatun mandaj Cusan-risataimpaj maquipi churarca. Israelcunaca pusaj huatatami chai mandajpajta rurashpa causarcacuna.

JUECES 4:3

Jabín shuti mandajca, 900 fierro carrocunatami charirca. Paica israelcunataca, ishqui chunga huatacunatami jatunta llaquichishpa causarca. Chaimi israelcunaca Mandaj Diostaca caparishpa mañarcacuna.