Juan 8:32 - Dios Rimashca Shimicunami

³² Chashna cashpami, mana llullataca rijsinguichij. Chai mana llullami huatashca shinamanta cacharichinga– nijpimi,

Mushuj Testamento Diospaj Shimi

³² Cashcatataj huillaj shimicuna cashcatami rijsinguichij. Chai Shimicunami cancunataca, huatashca shinamanta cacharichinga— nircami.

Juan 8:32 Iomraidhean Croise

SALMOS 119:45

Quiquin mandashcacunatami mashcani. Pi mana imata nishcami purisha.

SALMOS 25:5

Quiquinpaj mana llullapi pushahuayari. Chaillata yachachihuayari. Quiquinca ñucata quishpichij Diosmi cangui. Punllanta quiquinllatami shuyani.

PROVERBIOS 1:23

Ñuca jarcashcata uyashpa cutirichigari. Chaita rurajpica, ñuca Espiritutaca cancunapi churashami. Ñuca shimicunata yachachishami.

PROVERBIOS 1:29

Alli yachaitami p'iñarcacuna. Mandaj Diosta cazunatami manataj munarcacuna.

PROVERBIOS 4:18

Ashtahuanpish cashcata rurajcunapaj causaica, pacarijpi achijlla inti llujshishpa, chaupi punllayajpi ashtahuan achijlla tucuj shinami.

ISAÍAS 2:3

Achca llajtacuna shamushpami cashna ningacuna: “Shamuichij, Mandaj Diospaj urcuman huichiyashunchij. Jacobpaj Diospaj huasiman jacuchij. Paimi paipaj ñancunapi purinata yachachinga. Paipaj ñancunallapimi purishun. Mandaj Diospaj Mandashcaca Sionmantami llujshinga. Mandaj Diospaj shimica Jerusalenmantami llujshinga”.

ISAÍAS 30:21

Cancunapaj rinrincunaca cancunapaj huashamantaca: “Caimari ñan, paillapi purichij. Alli ladomanpish, lluqui ladomanpish ama llujshinguichijchu” nishca shimicunatami uyanguichij.

ISAÍAS 35:8

Chaipica rumicunahuan allichishca ñanmi tiyanga. Chai ñanca: “Jucha illaj Ñan” nishcami canga. Mapacunaca chai ñantaca mana puringacunachu. Ashtahuanpish Taita Diostajmi paicunahuan canga. Maijanpish chai ñanpi puricujca imata mana jahualla yachai tucuipaj cashpapish mana pandaringachu.

ISAÍAS 54:13

Cambaj huahuacunaca tucuicuna Mandaj Dios yachachishcami canga. Cambaj huahuacunapaj sumaj causaica ashtahuanmi miraringa.

ISAÍAS 61:1

Mandaj Jatun Diospaj Espiritumari ñuca jahuapi. Mandaj Diosmari ñucataca aceitehuan churarca. Ñucatamari alli huillaita huajchacunaman huillachun cacharca. Shungu p'aquicunata alliyachichun, prezu apashcacunaman ña llujshina tiyashcata huillachunmi cacharca. Prezucunata cacharichichunmi cacharca.

JEREMÍAS 6:16

Mandaj Diosca cashnami nirca: “Ñancuna callaripi shayarishpa cancunallataj alli ricuichij. Ñaupa ñancunamanta tapushpa, maijan alli ñan cajpica, chaita catichij. Chai ñanta purishpaca, samarinatami charinguichij” nirca. Ashtahuanpish cancunaca: “Ñaupa ñantaca manataj purishunchu” nircanguichijmi.

OSEAS 6:3

Mandaj Diosta rijsishunchij. Paitaca rijsingacamataj fuerzarishpa mashcashunchij. Paica pacaripi mana uniyashpa inti llujshij shinami shamunga. Punta tamya, q'uipa tamya allpaman shamuj shinami ñucanchijpajmanca shamunga.

LEVÍTICO 25:41

Imamantapish cacharirina huatapi, paica paipaj huahuacunandij cambaj huasimanta llujshishpa paipaj familiacunapajman rishpaca paipaj yaya cushca allpallamantajmi tigranga.

MALAQUÍAS 4:2

Ashtahuanpish ñucata manchashpa causajcunapajca, cashcata ruraj Intimi llujshinga. Paipaj alascunapimi quishpirinataca apamunga. Canlla malta c'ari bizicuna saltacuj shinami saltarishpa llujshinguichij.

Mateo 11:29

Ñucataca manso, mana jatun tucushca shungu cashcata ñuca yugota aparishpa yachaichij. Chashnami cancunapaj alma samarinata japinguichij.

Juan 1:14

Taita Diospaj Rimaica, aichayujmi tucurca. Paica ñucanchij chaupipimi causarca. Paitaca Yaya shinallataj sumaj cajtami ricurcanchij. Mana c'uyaipajta c'uyaj canahuan, mana llullahuan jundami carca.

Juan 1:17

Mandashcataca Moisesmanmi huillachirca. Ashtahuanpish mana c'uyaipajta c'uyaica, mana llullaca, Jesucristomantami shamurca.

Juan 14:6

Chaimi Jesusca: –Ñucamari ñan cani, mana llullapish, causaiyujpish cani. Yayapajmanca pi mana paillatajca chayai tucunchu. Ñucami Yayapajman chayachij ñan cani.

Juan 16:13

Imatapish chaitataj huillaj Taita Diospaj Espíritu shamushpami, cancunataca ima shina cashcatataj yachachinga. Paipaj quiquin yuyaimantaca mana rimangachu. Ashtahuanpish tucui imalla uyashcatami rimanga. Shamuj punllacunapi imalla tucuna cashcatapishmi yachachinga.

Juan 17:17

Cambaj Shimica manataj llullajchu: Chaita uyajcunataca cambaj mana llullahuan cambajllata rurapai.

Juan 6:45

Profetacunata Quillcachishcapica: “Taita Diosmi tucuicunata yachachinga” ninmi. Chashna nishca shinallatajmi ñuca Yayata uyashpa, pai yachachishcata yachajcunaca tucuicuna ñucata cringacuna.

Juan 7:17

Maijanpish Taita Diospaj munaita rurasha nijmi, cai ñuca yachachicunca Taita Diospaj cashcata, mana cashpaca ñuca yuyaillamanta rimacushcata yachanga.

Juan 8:36

Chashna cajpica cancunata huatashcamanta Taita Diospaj Churi cacharichijpica ña cacharichishcatajmi canguichij.

Romanos 6:22

Ashtahuanpish cunanca juchamanta cacharichishca, Diospajta rurajcunami canguichij. Chaimanta japinataca, jucha illaj canata, tucuripica huiñai causaitami charinguichij.

Romanos 8:15

Chaimanta manchaihuan cachunllataj huatashcata charij espiritutaca mana chasquircanguichijchu. Ashtahuanpish quiquin huahuata shina ruraj Espiritutamari chasquircanguichij. Paimantami: “¡Ñuca Yayitu!” nishpa caparicunchij.

Romanos 8:2

Cristo Jesuspi causaita cuj Espíritu mandashcami, ñucataca juchapajta rurachijmanta, huañuimantapish cacharichirca.

1 Corintios 7:22

Maijanpajta ruraj cajpi Mandaj Jesús cayashca cajpica, Mandaj Jesús cacharichishcami tucun. Chashnallataj maijanpajta mana ruraj cajpi cayashca cashpaca, Cristopajta rurajmi tucun.

Gálatas 5:1

Cristo cacharichishcamanta, quishpichishcapi sinchi caichij. Esclavota rurajpaj yugopica ama cutin huatashca caichijchu.

Gálatas 5:13

Cancunaca huauquicuna, ama huatashca cachun Dios agllashcacunami canguichij. Cacharichishcami canchij nishpaca, ñataj aicha munaita ruranguichijman. Ashtahuanpish c'uyaimantaca, caishujpaj chaishujpaj allita ruraichij.

2 Timoteo 3:7

Chai huarmicunaca yachanataca mana saquishpa yachacunllacunami. Ashtahuanpish mana llulla ima shina cashcatatajca manataj entendingacunachu.

Santiago 1:25

Ashtahuanpish cashcata ruraj mandashcaca, huatashcamanta cacharijmi. Chaita ricurashpa, uyarashpa, mana cungarishpa chaitataj rurashpa catirajca, pai imata ruracunpi cushichishcami canga.

Santiago 2:12

Diosca cancunata cacharichij mandashcallahuantajmi cancuna imalla rurashcataca ricuchinga. Chaita yachashcamanta chashna rimaichij, chashna causaichij.

1 Pedro 2:16

Huatashca shinamantaca cacharichishcami canguichij. Cacharichishcami canchij nij tucushpa, ñataj millaita ruranguichijman. Ashtahuanpish Diospajta rurajcuna shinataj causaichij.

2 Juan 1:1

Cunaj yuyaj ñucami Dios agllashca huarmiman, paipaj huahuacunamanpish quillcani. Ñucaca cancunataca tucui shunguhuantajmi c'uyani. Mana ñucallachu c'uyani, ashtahuanpish mana llullata tucui rijsijcunapishmi c'uyancuna.