Juan 8:29 - Dios Rimashca Shimicunami

²⁹ Ñucata cachaj Yayaca ñucahuanmi. Ñucaca pai munashcallatami rurani. Chaimantami ñucallataca mana saquin– nircami.

Mushuj Testamento Diospaj Shimi

²⁹ Ñucata cachaj Yayaca Ñucahuanmari. Pai cushicunallata ruraj cajpimi, mana Ñucallata saquishca— nircami.

Juan 8:29 Iomraidhean Croise

ISAÍAS 42:1

Caimi ñucapajta ruraj. Paitaca ñucami charirasha. Paica ñuca agllashcami. Paipimi ñuca almaca cushicun. Ñuca Espiritutaca paipaj jahuapimi churarcani. Paimi llajtacunamanca cashcata ruranata apamunga.

ISAÍAS 42:21

Mandaj Diosca cashcata ruraj canata c'uyashcamantami pai mandashcataca sumajyachichun jatunyachichun curca.

ISAÍAS 42:6

“Mandaj Dios ñucami cantaca cashcata ruraj cachun cayarcani. Ñucallatajmi cantaca cuidasha, cambaj maquimantami pushasha. Cantami ñuca agllashcacunahuan ñuca ari ninacushcata rurachun churasha. Llajtacunapaj luz cachunmi churasha.

Mateo 17:5

Pedro chashna rimacujpirajmi, paicunapaj jahuaman achijnicuj p'uyu shamushpa taparca. Chai p'uyumantaca: “Caimi, ñuca c'uyashca Churi. Paipimi cushicuni. Paita uyaichij” nishpa rimashcami uyarirca.

Mateo 3:15

Jesusca: –Shina cajpipish cunanca chaitaca saquishpa bautizaillari. Chashna rurashpami, Taita Dios mandashcataca tucuita pajtachishun– nijpimi Juanca bautizarca.

Mateo 3:17

Jahua pachamantaca: “Caimi ñuca c'uyashca Churi. Paipimi cushicuni” nishpa rimashcami uyarirca.

Juan 14:31

Chashna cajpipish cai pachapi cajcunaca ñuca Yayata ñuca c'uyashcatapish, pai mandashca shina ruracushcatapish yachachunmi chashna tucugrini. ¡Jatarichij, caimanta jacuchij!

Juan 15:10

Ima shinami ñuca Yaya mandashcacunata cazushpa paipaj c'uyaihuan shujlla cani, shinallataj cancunapish ñuca mandashcacunata cazushpa ñuca c'uyaihuan shujlla catichij.

Juan 16:32

Ñucallata saquishpa, cancuna maita ri tucushcata, caita chaita rinami chayamucun. Chaica ñami chayamun. Chashna rurajpipish mana ñucallachu cani, Yayaca ñucahuanmari.

Juan 17:4

Ñucaca cai pachapica tucui quiquin ima nishcata rurashpami quiquintaca jatunyachini.

Juan 4:34

Chaipimi paicunataca Jesusca: –Ñuca micunaca ñucata cachaj Yayapaj munaita rurana, pai rurai nishcata pajtachinami.

Juan 5:30

Ñucaca ñuca yuyaillamantaca imata mana rurai tucunichu. Alli cashcata, mana alli cashcata ima shina ricuchinataca ñuca Yaya ricuchichun mandashca shinami ricuchini. Chaimanta alli cashcata mana alli cashcata ñuca ricuchishcaca mana pandachu. Ñuca munaita ruranataca mana mashcanichu. Ashtahuanpish ñucata cachaj Yayapaj munaitami rurani.

Juan 6:38

Ñucaca jahua pachamantaca, mana ñuca munaita rurangapaj shamurcanichu. Ashtahuanpish ñucata cachaj Yayapaj munaita rurangapajmi shamurcani.

Juan 8:16

Pitapish imalla rurashcata ñuca ricuchishpaca ima shina cashcatatajmi ricuchini. Chashna rurangapajca mana ñucallachu cani, ñucata cachaj Yayahuanmi cani.

2 Timoteo 4:17

Paicuna chashnajpipish, Mandaj Jesusca ñucahuanmi carca. Pai ñucaman fuerzata cujpimi, tucui mana judiocuna uyachun huillana cashca alli huillaitaca huillarcani. Paimi ñucataca leonpaj shimimanta quishpichirca.

2 Timoteo 4:22

Mandaj Jesucristoca cambaj espirituhuan cachun. Mana c'uyaipajta c'uyaj canapish cancunahuan cachun. Chashna cachun.

Hebreos 4:15

Ñucanchijca imata mana rurai tucuj irqui cashpapish, curacunata jatun pushaj llaquij curatami charinchij. Paitapish ñucanchijta shinallatajmi mana alli yuyaicuna pandachisha nirca. Chashna cajpipish paica manataj juchallircachu.

Hebreos 7:26

Chashna curacunata jatun pushaj curami ñucanchijpajca minishtirirca. Paica: Jucha illaj, millaita ruranata mana yachaj, mapa illaj, juchayujcunamanta ch'icanyashca, jahua pachacunamanta jahuaman jatunyachishpa churashcami.

1 Juan 2:1

Ñuca huahuacunalla, cancuna ama juchallichunmi caicunata quillcani. Shina cashpapish maijan juchallishpaca, ñucanchijmanta Yayahuan rimajtami charinchij. Paica cashcata ruraj Jesucristomi.

1 Juan 3:22

Dios mandashcacunata cazushpa, pai munashcacunata paipaj ñaupajpi ruracushcamantaca, ñucanchijca imata mañashpapish paimantaca chasquishunllami.