Juan 8:28 - Dios Rimashca Shimicunami

²⁸ Chaimi Jesusca cashna nirca: –Runa Aichayuj ñucataca jahuaman huarcushpami, ñuca pi cashcataca rijsinguichij. Imatapish ñuca quiquinllamantatajca mana ruranichu. Ñuca Yaya yachachishcallatami rimani.

Mushuj Testamento Diospaj Shimi

²⁸ Chaimantami, Jesusca cashna nirca: —Runa Aichayuj Ñucata jahuaman huarcushpami, Ñuca pi cashcataca rijsinguichij. Chaipimi imatapish Ñuca quiquin yuyaillamantaca, mana ruraj cashcata yachanguichij. Ñucaca, Yaya yachachishcallatami rimani.

Juan 8:28 Iomraidhean Croise

ÉXODO 3:14

Taita Diospish Moisestaca: –ÑUCACA ÑUCAMI CANI– nircami. Israelcunamanca: ÑUCAMI CANI nijmi cancunapajman cachan ningui– nircami.

Mateo 24:5

Achcacunami ñuca shutipi shamushpaca: “Ñucami Cristo cani” nishpa, achcacunata umangacuna.

Marcos 13:6

Achcacunami ñuca shutipi shamushpaca: “Ñucami Cristo cani” nishpa, achcacunata umangacuna.

Lucas 21:8

Chaimi Jesusca: –Riquichij, cancunaca ama umashca canguichijchu. Achcacunami ñuca shutipi shamushpaca: “Ñucami Cristo cani. Mandana punllaca ñami chayamugrin” ningacuna. Paicunataca ama catinguichijchu.

Juan 11:42

Ñuca mañashcata uyaracuj cashcataca yachanimi. Ashtahuanpish cai ñuca muyundijpi caj achcacuna can cachashca cashcata crichunmi chashnaca nini– nircami.

Juan 13:19

Chashna tucujpica ñuca pi cani nishcata crichunmi ñaupaman cancunamanca huillani.

Juan 16:10

Cashcata ruraj nishcaca, ñuca Yayapajman rijpi cancuna ñucata ña mana ricunami.

Juan 18:32

Paicuna chashna nishpaca, Jesús ima shina pai huañuna cashcata ñaupaman huillashca pajtachunmi chashna nircacuna.

Juan 19:18

Chaipimi shujtaj ishqui runacunandij, Jesustaca chaupipi churashpa chacatarcacuna.

Juan 3:11

Ñucanchijca imata yachashcataca chaitatajmi huillanchij. Imata ricushcatapish chaitatajmi parlanchij. Chashna cajpipish ñucanchij huillashcataca, mana chasquinguichijchu. Chashnatajmi canguichij.

Juan 3:14

Ima shinami shitashca pambapi Moisesca culebratajllata rurashpa caspipi jahuaman huarcurca. Chai shinallatajmi Runa Aichayujpish caspipi huarcushcataj cana can.

Juan 4:26

Chaimi Jesusca: –Canhuan rimacuj ñucamari chaica cani– nirca.

Juan 5:19

Shina nishcamanta cutichishpami Jesusca paicunataca: –Churi cashpapish pai quiquin yuyaillamantaca imata mana rurai tucunchu. Ashtahuanpish Yaya imallata rurajta ricushpami, Yaya rurashca shinallataj Churipish ruran. Chaica chashnatajmi.

Juan 5:30

Ñucaca ñuca yuyaillamantaca imata mana rurai tucunichu. Alli cashcata, mana alli cashcata ima shina ricuchinataca ñuca Yaya ricuchichun mandashca shinami ricuchini. Chaimanta alli cashcata mana alli cashcata ñuca ricuchishcaca mana pandachu. Ñuca munaita ruranataca mana mashcanichu. Ashtahuanpish ñucata cachaj Yayapaj munaitami rurani.

Juan 6:38

Ñucaca jahua pachamantaca, mana ñuca munaita rurangapaj shamurcanichu. Ashtahuanpish ñucata cachaj Yayapaj munaita rurangapajmi shamurcani.

Juan 8:24

Chaimi cancunataca cancunapaj juchallapitajmi huañunguichij nircani. Chashna nishca shinallatajmi ñuca pi cashcata mana crishpaca cancunapaj juchallapitaj huañunguichij– nirca.

Juan 8:27

Chaita uyajcunaca Yaya Diosmanta Jesús chashna rimacushcataca mana entendircacunachu.

Juan 8:58

Shina nijpi Jesusca: –Abraham manaraj tiyajpimi, ñucaca ña tiyarcani. Chaica chashnatajmi– nirca.

Hechos 2:41

Chai huillashcata cazujcunaca bautizarircacunami. Chai punllaca, quimsa huaranga shinami mirarishpa caishuj crijcunahuan tandanacurcacuna.

Hechos 4:4

Chashna rurajpipish paicuna huillashcata uyajcunaca achcacunami crircacuna. C'aricunallami pichca huaranga shina carca.

Romanos 1:4

Huañushcacunapaj chaupimanta pai causarishcamantami, jucha illajta ruraj Espíritu huillashca shinaca, poderyuj Diospaj Churi cashcata ricuchishca.

DEUTERONOMIO 18:18

Paicunapaj huauquicunapuramanta ñuca ima nishcata huillajtami jatarichisha. Paica can shinallatajmi canga. Ñuca shimicunataca paipaj shimipimi churasha. Tucui ñuca imata mandashcatami paica huillanga.