Juan 8:27 - Dios Rimashca Shimicunami

²⁷ Chaita uyajcunaca Yaya Diosmanta Jesús chashna rimacushcataca mana entendircacunachu.

Mushuj Testamento Diospaj Shimi

²⁷ Shina nijpipish Yaya Diosmanta Jesús chashna nicushcataca, mana entendircacunachu.

Juan 8:27 Iomraidhean Croise

ISAÍAS 59:10

Ñahui mana ricujcuna shinami, patacunapi tantiacunchijlla. Ñahui illajcuna shinami tantiashpalla purinchij. Chaupi punllapish amsa tutapi shinami ñitcarinchij. Huañushcacuna amsa ucucunapi caj shinami amsa ucucunapi canchij.

ISAÍAS 6:9

Chaimi paica: “Ri, chai gentecunataca cashna nigri: Alli uyashpapish mana entendinguichijchu, alli ricushpapish ima cashcata mana yachanguichijchu nigri.

Juan 8:26

Cancunataca achcata ninatami charini. Cancuna ima shina cashcataca chaitataj ricuchishpami rimana cani. Ñucata cachaj Yayaca ima shina cashcatataj rimajmi. Ñucaca pai ima shina rimangui nishca shinallatajmi cancunataca rimani– nircami.

Juan 8:28

Chaimi Jesusca cashna nirca: –Runa Aichayuj ñucataca jahuaman huarcushpami, ñuca pi cashcataca rijsinguichij. Imatapish ñuca quiquinllamantatajca mana ruranichu. Ñuca Yaya yachachishcallatami rimani.

Juan 8:43

¿Ima nishpataj ñuca yachachishcataca mana entendinguichigari? Cancunallataj mana uyasha nishcamantami mana entendinguichij.

Juan 8:47

Maijanpish Taita Diospajtaj cajca, paipaj Shimitaca uyanllami. Ashtahuanpish cancunaca mana Taita Diospaj cashpami paipaj Shimitaca mana uyashun ninguichij– nircami.