Juan 8:26 - Dios Rimashca Shimicunami

²⁶ Cancunataca achcata ninatami charini. Cancuna ima shina cashcataca chaitataj ricuchishpami rimana cani. Ñucata cachaj Yayaca ima shina cashcatataj rimajmi. Ñucaca pai ima shina rimangui nishca shinallatajmi cancunataca rimani– nircami.

Mushuj Testamento Diospaj Shimi

²⁶ Cancunataca achcatami rimanatapish, juchachinatapish charini. Shina cajpipish Ñucata Cachaj imallata nichun nishcallatami, cai pachapi causajcunamanca rimani— nircami.

Juan 8:26 Iomraidhean Croise

Juan 15:15

Cancunataca ña mana ñucapajta rurajcunami canguichij nishachu. Amopajta rurajca, paipaj amo imallata ruracujtaca mana yachanchu. Cancunamanca ñuca Yaya imallata ruracujtaca tucuitami yachachircani. Chaimanta cancunaca ñucahuan alli apanacujcunami canguichij.

Juan 16:12

Cancunata yachachinataca achcata charinirajmi. Ashtahuanpish cunanca mana tucuita entendi tucunguichijchu.

Juan 17:8

Quiquin ñucata huillai nishcacunatami paicunamanca huillarcani. Paicunaca chasquircacunami. Ñucataca quiquinpajmantataj shamushcatami yacharcacuna. Quiquin cachajpi shamushcatapish crircacunami.

Juan 18:20

Chaimi Jesusca: –Ñucaca cai pachapi causajcunamanca tucuicunapaj ñaupajpimi yachachircani. Sinagogapi, Taita Diospaj huasipi, maipi tucui judiocuna tandanacunpimi punllanta yachachircani. Pacallaca imata mana yachachircanichu.

Juan 3:11

Ñucanchijca imata yachashcataca chaitatajmi huillanchij. Imata ricushcatapish chaitatajmi parlanchij. Chashna cajpipish ñucanchij huillashcataca, mana chasquinguichijchu. Chashnatajmi canguichij.

Juan 7:16

Chashna ninacucujpimi, Jesusca: –Ñucaca mana ñuca yuyaimantachu yachachini. Ashtahuanpish ñucata cachaj Yaya yachachi nishcallatami yachachini.

Juan 7:28

Chashna nishcamantami Jesusca Taita Diospaj huasipi yachachicushpaca sinchita rimashpa cashna nirca: –Shinashpaca, ñucataca rijsishcanguichijmi. Maimanta cashcatapish yachashcanguichijmi. Ñucaca Taita Dios cachajpi shamujmi cani. Mana ñucallatajchu shamurcani. Paitaca cancunaca mana rijsinguichijchu. Paica mana llullachu.

Juan 8:25

Chashna nijpimi: –Canca ¿pitaj cangui?– nijpi Jesusca: –Ñuca pi cashcataca callarimantami cancunamanca ña huillarcani.

Juan 8:27

Chaita uyajcunaca Yaya Diosmanta Jesús chashna rimacushcataca mana entendircacunachu.

Juan 8:40

Taita Diosmanta imata uyashcataca chaitataj huillashcamantami, cunanca ñucataca ima shinapish huañuchishun nicunguichij. Abrahamca mana chashna rurajchu carca.

2 Corintios 1:18

Ashtahuanpish Diosca pajtachijmi, chaimanta ñucanchijpish “chashnachu canga, manachu chashna canga” nishpaca mana huillashcanchijchu.