Juan 8:23 - Dios Rimashca Shimicunami

²³ Chaimi Jesusca: –Cancunaca cai jucha pachamantami canguichij, ñucaca jahua pachamantami cani. Cancunaca cai pachamantami canguichij, ñucaca mana cai pachamantachu cani.

Mushuj Testamento Diospaj Shimi

²³ Chashna nijpimi, Jesusca cashna nirca: —Cancunaca cai ucumantami canguichij, Ñucaca jahuamantami cani. Cancunaca cai pachamantami canguichij, Ñucaca mana cai pachamantachu cani.

Juan 8:23 Iomraidhean Croise

SALMOS 17:4

Gentecuna rurashca shinaca cambaj shimita yachashcamantami mana rurani. Millaicunata catina ñanmantaca huaquichirishcanimi.

Juan 1:14

Taita Diospaj Rimaica, aichayujmi tucurca. Paica ñucanchij chaupipimi causarca. Paitaca Yaya shinallataj sumaj cajtami ricurcanchij. Mana c'uyaipajta c'uyaj canahuan, mana llullahuan jundami carca.

Juan 17:14

Ñucaca paicunamanca quiquin huillai nishcatami huillarcani. Ima shinami ñucaca mana cai pachapaj cani, shinallatajmi paicunapish mana cai pachapaj. Chaimantami cai pachapaj cajcunaca paicunataca p'iñancuna.

Juan 17:16

Ima shinami ñucaca mana cai pachapaj cani, chashnallatajmi paicunapish mana cai pachapaj.

Juan 3:13

Jahua pachamanca pi mana huichiyarcachu. Ashtahuanpish Runa Aichayujmi jahua pachapi cashpa uriyamurca.

Juan 3:31

Jahua pachamanta shamujmi, tucuita rurai tucuj. Cai pachamanta cajca, cai pachapajllami. Chaimantami cai pachapi tiyajcunallata riman. Jahua pachamanta shamujmi, tucuita rurai tucuj.

Santiago 4:4

¡Cai pachahuan huainayajcuna! ¿Manachu cai pachahuan apanacunaca, Diosta p'iñachij cashcataca yachanguichij? Maijanpish cai pachapaj amigo tucushpaca, Diosta p'iñajmi tucun.