Juan 8:19 - Dios Rimashca Shimicunami

¹⁹ Chaimi paicunaca: –¿Maipitaj cambaj Yayaca?– nircacuna. Shina nijpi Jesusca: –Ñucatapish, ñuca Yayatapish mana rijsinguichijchu. Ñucata rijsishpaca, ñuca Yayatapish rijsinguichijmanmi– nirca.

Mushuj Testamento Diospaj Shimi

¹⁹ Chashna nijpimi, paicunaca: —¿Maipitaj Cambaj Yayaca?— nijpi, Jesusca: —Cancunaca Ñucatapish, Ñuca Yayatapish mana rijsinguichijchu. Ñucata rijsishpaca, Ñuca Yayatapish rijsinguichijmanmi— nirca.

Juan 8:19 Iomraidhean Croise

JEREMÍAS 22:16

Paica llaquita apacujcunamantapish, huajchacunamantapish shayarishpa allita rurarcami. Chaimantami alli causarca. Ñucata rijsishpaca chashna rurana cashcataca ¿manachu yachangui imatagari? Ashtahuanpish canca canlla jahuanpi, jahuanpi charinatami munangui. Manapish ima millaita rurajcunata huañuchinata, pitapish imata quichushpa llaquichinallatami chaparangui ninmi” Mandaj Diosca.

JEREMÍAS 24:7

Paicunaca, tucui shunguhuanmi ñucapajman cutiringacuna. Ñucataca Mandaj Diostaj cashcata rijsichun paicunamanca alli shungutami cusha. Chashnami paicunaca ñuca runacuna canga. Ñucapish paicunapaj Diosmi casha” nircami.

Mateo 11:25

Chaipimi Jesusca cashna nirca: “Jahua pachata, cai pachata Mandaj ñuca Yaya, ñucaca cantami alabani. Alli yuyaiyuj, yachaisapacunamanca caicunataca pacarcanguimari. Ashtahuanpish uchilla huahuacunamanmari ricuchircangui.

Juan 1:10

Cai pachataca Taita Diosca Rimai Shutihuan tucushpami rurarca. Cai pachapi causajcunaca pai rurashca cashpapish paitaca mana rijsircacunachu.

Juan 1:18

Taita Diostaca pi manataj ricushcachu. Paipaj shujlla Churi paipaj c'uchupi cajllami ricushca. Paimi Taita Dios ima shina cashcataca ricuchishca.

Juan 15:21

Ñucata cachajta mana rijsishcamanta, ñuca shutita p'iñashpami tucui caicunataca chashna rurangacuna.

Juan 16:3

Ñuca Yayatapish, ñucatapish mana rijsishcamantami chashna rurangacuna.

Juan 17:3

Huiñai causaita charinapajca: Quiquinlla shujlla Taita Diostaj cashcata crina. Jesucristotapish quiquin cachajpi shamushca cashcata crinami.

Juan 7:28

Chashna nishcamantami Jesusca Taita Diospaj huasipi yachachicushpaca sinchita rimashpa cashna nirca: –Shinashpaca, ñucataca rijsishcanguichijmi. Maimanta cashcatapish yachashcanguichijmi. Ñucaca Taita Dios cachajpi shamujmi cani. Mana ñucallatajchu shamurcani. Paitaca cancunaca mana rijsinguichijchu. Paica mana llullachu.

1 Corintios 15:34

Alli yuyaihuan chapaichij, ama juchallichijchu. Cancunamanta maijancunaca Diosta mana rijsinguichijchu. Cancuna pingarichunmi chashnaca nini.

Gálatas 4:9

Ashtahuanpish cunanca ña Diosta rijsijcuna, Dios rijsishcacuna cashca jahuaca ¿ima shinataj irquicunapaj, imatapish mana rurai tucuj huajchacunapaj esclavo tucungapaj cutin tigrashun ninguichij?

Efesios 1:17

ñucanchijta Mandaj Jesucristopaj sumaj Yaya Diosca, yachaisapa cana yuyaiyujta rurashpa, paimanta ashtahuan alli yachajta rurachun mañacuni.

Colosenses 1:10

Mandaj Jesuspaj cashca shinataj causashpa pai munashcata tucuipi rurashpa, tucui alli ruranapi, alli granota p'ucuj shina, Taita Diosta rijsinapipish ashtahuan huiñashpa catichunmi mañacunchijlla.

Colosenses 1:15

Cristoca mana ricuipaj Dios ima shina cashcata ricuchijmi. Paica cai pachata manaraj rurajpi ña tiyajmi.

Hebreos 1:3

Diosca achij nicuj sumaj cashcata, pai ima shina cashcatapish paipaj Churimi ricuchicun. Paipaj poderyuj rimaihuanmi, tucui ima tiyajtapish charicun. Paillapitaj ñucanchij juchacunata chuyayachishpami, jahua pachapi Jatun Mandajpaj alli ladopi tiyarirca.

1 Juan 2:23

Jesusca mana Cristochu nijca, Yayatapish mana charinchu. Jesusca Diospaj Churimi nishpa huillajmi Yayatapish charin.

1 Juan 5:20

Ashtahuanpish Diospaj Churi shamushcatami yachanchij. Paimari mana llullaj Diosta rijsi tucunata curca. Chaimantami paipaj mana llullaj Churi Jesucristohuan shujlla canchij. Paimi mana llullaj Dios, huiñai causaitapish cuj.

2 Juan 1:9

Cristomanta yachachishcapi mana catirashpa maijanpish chingachijca, Diostaca mana charinchu. Cristomanta yachachishcapi maijanpish catirajmi Yayatapish, Churitapish charin.