Juan 8:17 - Dios Rimashca Shimicunami

¹⁷ Cancunapaj mandashcapica: “Ishqui huillajtaj chai shinallataj huillajpica, mana yangachu” nishpami quillcashca tiyacun.

Mushuj Testamento Diospaj Shimi

¹⁷ Cancunata Mandashcallapitajmi cashna Quillcashca: “Ima ricushcata ishquipura huillajpica mana llullachu” nishcami.

Juan 8:17 Iomraidhean Croise

1 REYES 21:10

Taita Diostapish jatun mandajtapish c'amircanguimi nichun ishqui millai runacunata paipaj ñaupajpi churanguichij. Chashna nijpica, paitaca pueblomanta canllaman llujshichishpa, rumicunahuan shitanguichij huañuchun” nircami.

NÚMEROS 35:30

Maijanta huañuchishca cajpica, ima shinalla huañuchishcata huillajcuna tiyajllapi huañuchijtapish huañuchichun. Shujlla huillaj tiyajpica ama huañuchichun.

Mateo 18:16

Ashtahuanpish can rimashcata mana uyajpica, shujta cashpa, ishquita cashpa pushashpa cutin paipajman ringui. Paicunami imallata uyashcata alli huillajcuna canga.

Juan 10:34

Shina nijpi Jesusca: –Cancunata Mandashcapica: “Ñucaca cancunataca dioscunami canguichij” nishpami Taita Diosca quillcachishca.

Juan 15:25

Quillcachishpa paicunaman cushca mandashcapi: “Mana ima cajpipish ñucataca p'iñancunami” nishca pajtachunmi chashnaca rurancuna.

2 Corintios 13:1

Cunan cai cutinhuanca, ña quimsa cutinmi cancunataca ricuj shamugrini. Ishqui cashpa, quimsa cashpa ricujcunahuanmi imatapish allichina canga.

Gálatas 3:24

Crishcamanta justificashca cachunmi, Mandashcaca Cristopajman chayangacamalla ñucanchijman ricuchij cashca.

Gálatas 4:21

Mandashca ucupi casha nijcuna, ñucaman huillaichij: ¿Mandashcataca manachu uyashcanguichij?

DEUTERONOMIO 17:6

Chaicunataca ishqui cashpa, mana cashpa quimsa cashpa huillajcuna tiyajllapi huañuchinguichij. Shuj huillajlla tiyajpica ama huañuchinguichijchu.

DEUTERONOMIO 19:15

Yallitaj ima jatun llaquita, ima juchata rurajta ricushpa chaita huillajca shujlla tiyajpica ama imata ruranguichijchu. Ishqui cashpa, mana cashpaca quimsa cashpa ricushcata huillajcuna tiyajllapi imatapish ruranguichij.

Hebreos 10:28

Moisés Mandashcata maijan mana cazujtaca ishqui cashpa, quimsa cashpa ricushcata huillajpica, mana llaquishpami huañuchin.

1 Juan 5:9

Gentecuna huillashcata chasquishpaca, Dios paipaj Churimanta huillashcatacarin chaitapish yallimari chasquina canchij.

Apocalipsis 11:3

Chaipimi ñucamanta imallata ricushcata huillachun ishqui huillajcunata cachasha. Paicunaca llaquilla cashcata ricuchingapajmi, cañamazuta churarishca 1.260 punllacunacama ñucamanta huillangacuna.