Juan 8:16 - Dios Rimashca Shimicunami

¹⁶ Pitapish imalla rurashcata ñuca ricuchishpaca ima shina cashcatatajmi ricuchini. Chashna rurangapajca mana ñucallachu cani, ñucata cachaj Yayahuanmi cani.

Mushuj Testamento Diospaj Shimi

¹⁶ Ñuca juchachishpaca, ima juchachina tiyajpitajmi juchachisha. Imalla rurashcata ricuchingapajca mana ñucallachu cani, ñucata cachaj Yayahuanmi cani.

Juan 8:16 Iomraidhean Croise

SALMOS 98:9

Mandaj Diosca cai pachata mandangapaj ñami shamucun. Paica cai pachataca cashcata rurashpami mandanga. Tucuicunata cashcata rurashpami mandanga. Mandaj Diospaj ñaupajpi cushicuichigari.

SALMOS 99:4

Jatun mandajpaj mandacuipica cashcata ruranahuan jundami. Quiquinca cashcata ruranatami chashnataj cachun churangui. Jacobpaj huahua huahuacunapurapimi, cashcata rurashpa mandanata, mandana shinataj mandanata churashcangui.

ISAÍAS 9:7

Pai mandanaca ashtahuanmi mirashpa catinga. Pai mandacujpica sumaj causaimi tiyanga. Chai mandanaca mana tucuringachu. David mandashpa tiyanapimi tiyaringa. Pai mandanatami mandanga. Ima pandata mana rurashpa, cashcata rurashpami mandanga. Imatapish alli cachun churashpami mandanga. Pi mana cuyuchipajmi canga. Pai mandai callari punllamanta huiñaitami chashna canga. Tucuita Mandaj Diosca chaita rurana munailla cashcamanta pajtachingatajmi.

ZACARÍAS 9:9

Siónpi causajcunalla, achcata cushicuichigari. Jerusalenpi causajcunalla, cushicushpa caparichigari. Cancunapajmanmi jatun mandajca shamunga. Paica cashcata rurajpish, quishpichijpishmi canga. Jatun mandajca, alli shungumi. Burropi tiyarishcami shamunga, aparij burropaj huahua, malta burropimi paica tiyarishpa shamunga.

Juan 16:32

Ñucallata saquishpa, cancuna maita ri tucushcata, caita chaita rinami chayamucun. Chaica ñami chayamun. Chashna rurajpipish mana ñucallachu cani, Yayaca ñucahuanmari.

Juan 8:29

Ñucata cachaj Yayaca ñucahuanmi. Ñucaca pai munashcallatami rurani. Chaimantami ñucallataca mana saquin– nircami.

Hechos 17:31

Taita Diosca tucui cai pachapi causajcunata paicuna ima shina cashcatataj ricuchingapajca ñami shuj punllata agllashcata charin. Tucui chaicunata rurashpa ricuchij cachunca pai agllashca runatami huañushcacunapaj chaupimanta causachishpa ricuchirca” nircami.

Apocalipsis 19:11

Chai q'uipaca cielo pascashcatami ricurcani. Chaipica shuj yurajlla caballotami ricurcani. Chai caballopi tiyarishcaca imatapish cashcata ruraj, chaitataj pajtachij shutimi carca. Paica imatapish cashcatataj ricuchishpa macanacujmi.

1 SAMUEL 16:7

Chaimi Mandaj Diosca Samueltaca: “Pai sumaj cashcallata, jatun runa cashcallataca ama ricuichu. Chashnacunataca ñucaca yanganchinimi. Mandaj Diosca runacuna ricuj shinallaca mana ricunchu. Runaca paipaj ñahuipi ricurishcallatami ricun. Ashtahuanpish Mandaj Diosca shungutamari ricun” nirca.