Juan 8:12 - Dios Rimashca Shimicunami

¹² Jesús cutin yachachi callarishpaca: –Ñucaca cai pachapi causajcunapaj luzmi cani. Maijanpish ñucata catijca, mana amsapi puringachu. Ashtahuanpish causaita cuj luztami charinga– nijpimi,

Mushuj Testamento Diospaj Shimi

¹² Jesusca, cutin yachachishpa catishpaca cashnami nirca: —Ñucaca, cai pachapaj Luzmi cani. Maijanpish ñucata catijca, mana amsapi puringachu. Ashtahuanpish causaita cuj Luztami charinga— nircami.

Juan 8:12 Iomraidhean Croise

JOB 33:28

Taita Diosmi paitaca pambana jutcuman rinamanta quishpichinga. Chaimantami paica achijtapish ricushpa causanga.

SALMOS 18:28

Mandaj Dioslla, canmi ñuca lamparataca japichingui. Ñuca Dioslla, amsapi cajpipish canmi achijyachingui.

SALMOS 49:19

Chashna cashpapish paipaj yayacunapaj huahua huahuacuna causacunllamantajmi yaicunga. Luztaca nunca mana ricungachu.

SALMOS 97:11

Cashcata rurajcunapajca, achij luzmi tarpushca tiyacun. Shungupi ima millai yuyaita mana charijcunapajca cushicunami tarpushca tiyacun.

ISAÍAS 49:6

Paimi cashna nin: “Jacobpaj huahua huahuacunata jatarichij, mana huañushca israelcunata tigrachimuj, ñucapajta ruraj cachunllaca mana churanichu. Ashtahuanpish tucui mama llajtacunapaj luz cachun, tucui cai pachapi causajcunata quishpichij cachunmi churani” ninmi.

ISAÍAS 50:10

¿Maijan cancunataj Mandaj Diosta manchashpa paipajta ruraj huillashcata uyanguichij? Amsapi maijanpish purij, luz illajlla cajca Mandaj Diospi shunguta churashpa, Taita Diospi taunarichun.

ISAÍAS 9:2

Amsapi purijcunaca jatun luztami ricurcacuna. Huañunalla amsapi cajcunataca luzmi lamyachirca.

OSEAS 6:3

Mandaj Diosta rijsishunchij. Paitaca rijsingacamataj fuerzarishpa mashcashunchij. Paica pacaripi mana uniyashpa inti llujshij shinami shamunga. Punta tamya, q'uipa tamya allpaman shamuj shinami ñucanchijpajmanca shamunga.

MALAQUÍAS 4:2

Ashtahuanpish ñucata manchashpa causajcunapajca, cashcata ruraj Intimi llujshinga. Paipaj alascunapimi quishpirinataca apamunga. Canlla malta c'ari bizicuna saltacuj shinami saltarishpa llujshinguichij.

Mateo 5:14

Cancunaca cai pachapaj luzmi canguichij. Urcu jahuapi tiyaj puebloca, mana pacalla cai tucunchu.

Lucas 2:32

Paica mana israelcunata luz shina achijyachinapajmi. Quiquinpaj pueblo Israeltapish paimanta shujtajcuna alli ninapajmi” nircami.

Juan 12:35

Chaimi Jesusca: –Luzca ashacamallami cancunahuanca canga. Cancuna mana yuyashcapi amsa ama japichun, luz caipi cajpiraj luzhuan shujlla tucushpa purichij. Amsapi purijca, maiman ricushcata mana yachanchu.

Juan 12:36

Luzpaj huahuacuna cangapajca, luz caipi cajpiraj, paita crichij– nircami. Jesusca tucui chaicunata nishpaca, paicunapajmanta pacatucushpa rircallami.

Juan 12:46

Ñucaca achijyachij luz cashpami, achijyachingapaj cai pachamanca shamurcani. Pipish ñucata crijca, ña mana amsapi cangachu.

Juan 14:6

Chaimi Jesusca: –Ñucamari ñan cani, mana llullapish, causaiyujpish cani. Yayapajmanca pi mana paillatajca chayai tucunchu. Ñucami Yayapajman chayachij ñan cani.

Juan 3:19

Luzca cai pachamanmi shamurca. Cai pachapi causajcunaca paicunapaj rurashcacuna millai cashcamantami luztaca p'iñashpa amsata munarcacuna. Chashnami jatun llaquiman rina cashcata ricuchircacuna.

Juan 7:17

Maijanpish Taita Diospaj munaita rurasha nijmi, cai ñuca yachachicunca Taita Diospaj cashcata, mana cashpaca ñuca yuyaillamanta rimacushcata yachanga.

Juan 9:5

Ñuca cai pachapi cashparajca, cai pachapi causajcunata achijyachij luzmi cani– nircami.

Hechos 13:47

Jatun Diosca ñucanchijtaca cashnami mandarca: “Cantaca mana judiocunata luz shina achijyachichunmi churarcani. Tucui cai pachapi causajcunapish, can huillashcamanta quishpirichunmi churani” nishcami– nircami.

Hechos 26:23

Cristoca llaquita apashpa, huañushcacunapaj chaupimanta causarishpami judiocunaman, mana judiocunamanpish ima shina quishpirinataca achijyachishpa ricuchinga nishcatami huillacuni” nircami.

2 Pedro 2:17

Chai yachachijcunaca, manapish yacu llujshicuj pugyucuna shinami. P'uyuta acapana apashca shinami. Chaicunapajca tucuita yalli amsami huiñaipaj ch'icanchishca tiyacun.

2 Pedro 2:4

Diosca juchallij angelcunataca mana perdonarcachu. Ashtahuanpish pai llaquichina punllacamami, paicunataca ucu pacha amsapi prezu churarca.

1 Juan 1:6

Paihuan shujllami canchij nishpapish, amsapi puricushpaca llullanchijmi. Mana llulla Shimipi nishcataca mana ruranchijchu.

Judas 1:13

Paicunapaj rurashcacunaca mama cucha t'imburishpa puscuricuj shinami. Luzerocuna quiquin ñanta chingachishca shinami. Chashnacunapajca tucuita yalli huiñaipaj amsami ch'icanchishca shuyacun.

Judas 1:6

Angelcunapish mandaj cachun churashcallapi mana cashun nishpa, ashtahuanpish paicuna causacunmanta anchushpa rishcamantaca Diosca jatunta llaquichina punllacamami huiñaita mana llujshipaj amsapi prezu huaquichishca.

Apocalipsis 21:24

Tucui llajtamanta caj quishpichishcacunami chai achijlla pueblopi puringacuna. Allpa pachapi jatun mandajcunami tucui imapish allicunataca chaiman apangacuna.