Juan 8:11 - Dios Rimashca Shimicunami

¹¹ chai huarmica: –Amito, pi mana imata nincunachu– nijpi Jesusca: –Ñucapish imata mana ninichu. Rilla, pajta cutin juchallinguiman– nirca.

Mushuj Testamento Diospaj Shimi

¹¹ —Apu, mana pi llaquichihuanchu— nircami. Chashna nijpi Jesusca: —Ñucapish mana imata ninichu. Rilla, cutinca amataj juchallinguichu— nircami.

Juan 8:11 Iomraidhean Croise

JOB 34:31

Cunantajca Taita Diostaca, cashnami nina cangui: Ñami cai tucui llaquitaca apashcani. Cunanca cantaca ña mana ashtahuan p'iñachisha ninichu.

PROVERBIOS 28:13

Juchacunata pacaj runaca, mana alli causai tucungachu. Ashtahuanpish tucuita huillashpa, chai juchacunata saquijca, Taita Dios llaquishcami canga.

ISAÍAS 55:6

¡Mandaj Diostaca, japi tucuna cajpiraj mashcaichigari. Cancunapaj c'uchullapi cajpiraj cayaichigari!

Lucas 13:3

Cancunataca cashnami nini: Millaita ruracushcata mana yuyashpa mana cutirishpaca paicuna shinallatajmi tucuicuna chingaringuichij.

Lucas 13:5

Cancunatapish cashnami nini: Millaita ruracushcata mana yuyashpa mana cutirishpaca paicuna shinallatajmi tucuicuna chingaringuichij” nircami.

Lucas 15:10

Cancunaman huillanimi: Chashnallatajmi shuj juchayuj runa Taita Diosman cutirijpica, Taita Diospaj angelcunapish cushicun” nircami.

Lucas 15:32

Ashtahuanpish cambaj cai huauquica, huañushcami carca, cunanca causarishcami. Chingarishcami carca, cunanca tigramushcami. Chaimantaca jatun fiestata rurashpa cushicunatajmi canchij” nircami” nishpami parlarca.

Lucas 15:7

Cancunaman huillanimi. Iscun chunga iscuncunaca ñucanchijca cashcata rurajcunami canchij nishpa imamantataj cutirishunri nicujpipish shuj runaca juchayuj cashcata yuyashpa cutirijpica jahua pachapica ashtahuan cushicuimi tiyan.

Lucas 5:32

Ñucaca cashcata rurajcunataca mana cayaj shamurcanichu. Ashtahuanpish juchayujcuna Diosman cutirichunmi cayaj shamurcani– nirca.

Lucas 9:56

Runa Aichayujca, runacunapaj almata chingachingapajca mana shamurcachu, ashtahuanpish quishpichingapajmi shamurca– nishpaca, shujtaj uchilla llajtamanmi rircacuna.

Juan 18:36

Chaimi Jesusca: –Ñuca mandaj canaca mana cai pachamantachu. Ñuca mandana cai pachamanta cajpica, judiocunapaj maquipi ama entregachun, ñucapajta rurajcunaca macanacunmanmi. Ñuca mandanaca, mana cai pachamantachu– nirca.

Juan 3:17

Taita Diosca paipaj Churitaca, cai pachapi causajcunata jatun llaquiman cachachunca mana cacharcachu. Ashtahuanpish cai pachapi causajcunaca, paillamanta quishpirichunmi cacharca.

Juan 5:14

Chai q'uipami Jesusca, chai runataca Taita Diospaj huasipi tupashpa: –Riqui, cunanca ñamari alli cangui. Cutinca millaita ama rurangui. Ñataj caita yalli ashtahuan jatun llaqui tucunguiman– nirca.

Juan 8:15

Cancunaca cai pachapi causajcuna ruraj cashca shinallatajmi ñahuita ricushpalla juchachinguichij. Ñucaca pita mana chashnaca juchachinichu.

Romanos 2:4

¿Paica alli canata, mana utca p'iñarij canata, millaita rurajpipish mana utca llaquichij canata achcata charij cashcatachu yanganchingui? Mana cashpaca, paica paipaj alli cashcahuan cutirinaman pushacushcatachu mana yachashca shina tucungui.

1 Corintios 5:12

Canllaman cajcunata imata ningapajca ¿ñucaca imataj caniyari? Ucuman cajcunataca, cancunami ima shina cashcata alli ricushpa caicunapi nishca shina rurana canguichij.

DEUTERONOMIO 16:18

Mandaj Dios cancunapaj Taita Dios, pueblocunata cada ailluman ña cujpica, chai pueblocunapica juezcunata shujtaj mandajcunata churanguichij. Paicuna cashcatataj ricuchishpa mandachuncuna.

DEUTERONOMIO 17:9

Chaiman rishpaca, chai punllacuna Diospajta ruracuj levita curacunata, chaipi caj juezcunata tapunguichij. Paicunami chai juchachishca cajta imata ruranataca yachachingacuna.

2 Pedro 3:15

Ñucanchijta Mandaj Jesusca maijanpish quishpirichun nishpa mana utca shamushcata yuyaringuichij. Chashnallatajmi ñucanchij c'uyashca huauqui Pablopish Dios yuyaita cujpi quillcashca.