Juan 7:7 - Dios Rimashca Shimicunami

⁷ Cancunataca cai pachapaj cajcunaca mana p'iñanchu. Ashtahuanpish ñucataca, paicuna rurashcacuna mana allichu nishpa huillajpimi p'iñancuna.

Mushuj Testamento Diospaj Shimi

⁷ Cancunataca cai pachapaj cajcunaca, ¿imamantataj pʼiñangapish? Ashtahuanpish Ñucataca, paicuna mana allita ruracujpi jarcashpa rimashcamantami, pʼiñancuna.

Juan 7:7 Iomraidhean Croise

1 REYES 21:20

Acabca Eliastaca: –Ñucata p'iñaj runamari ñucata caipi japinaman shamushcangui– nijpimi Eliasca: –C'aturij shina Mandaj Diospaj ñaupajpi millaita ruracujpimari canhuan tupaj shamuni.

1 REYES 22:8

Josafat chashna nijpimi, israelcunata jatun mandajca: –Imlapaj churi Micaías profeta tiyanrajmi, paitapish Mandaj Dios imata nishcata tapuchinchijmanchari. Paica shuj cutinllapish ima allita manamari huillanchu, ashtahuanpish llaquillatamari huillan. Chaimantami paitaca p'iñani– nijpi Josafatca: –Jatun mandaj ama chashna rimaichu– nirca.

SALMOS 109:5

Paicunapaj allita rurashcamantaca, millaita rurashcahuanmi ñucamanca cutichincuna. Paicunata c'uyashcamantaca, p'iñashcahuanmi cutichincuna.

PROVERBIOS 15:12

Mana cazushpa asijca, imata jarcajtaca p'iñanmi. Yachaisapacunahuanca mana tandanacunallapishchu.

PROVERBIOS 8:36

Ashtahuanpish ñucata p'iñajca, quiquin causaitami llaquipi churan. Ñucata p'iñajcunaca huañuitami munancuna.

ISAÍAS 29:21

Rimana yuyaita cushpa juchallichijcunapish chingachishcami canga. Pungu llujshinpi tiyaj juezcunata llaquichinata yuyarinacujcunapish chingachishcami canga. Cashcata ruraj cashcallamanta juchachishpa llaquichijcunapish chingachishcami canga.

ISAÍAS 49:7

Gentecuna yanganchishca, llajtacuna millashca millai mandajcunapajta rurajtaca, Mandaj Dios Israelta quishpichij cambaj jucha illaj Diosca: “Jatun mandajcuna ricushpa, q'uipa mandajcuna jatarishpaca cantaca cambaj ñaupajpimi cungurishpa adorangacuna” ninmi. Paica canta agllaj, israelcunapaj jucha illaj tucuita pajtachij Diosmi.

JEREMÍAS 20:8

Punllantamari can Mandaj Dios huillachun nishca shina, jatun llaquipish, huañuipish shamunallata huillani. Chaimantamari ñucataca c'amishpa, asishpa pingachincuna.

LEVÍTICO 13:10

Chai ungushcata cura alli ricushpaca aicha carapi yuraj chupu tucushcata, chai millmapish yurajyashcata, ucu llullu aichapish ricurishca cajpica,

ZACARÍAS 11:8

Chaimantaca quillallapimi quimsa michijcunata chingachircani. Paicunallatajmi ñucataca p'iñachircacuna. Chaimantami paicunahuanpish yallitaj p'iñarircani.

MALAQUÍAS 3:5

Tucuita Mandaj Diostajmi cashna nini: Ñucami cancuna imalla rurashcacunata ricuj shamusha. Chai punllapimi yumbucunatapish, huainayajcunatapish, llullashpa huillajcunatapish, trabajajcunaman cullquita mana tucui pagajcunatapish, viudacunata, yaya mama illajcunata p'iñajcunatapish, caru llajta runacunata llaquichijcunatapish, ñucata mana manchajcunatapish llaquichisha.

Lucas 6:26

Tucui runacuna cunan alli nishcacunalla ¡aij, imachari tucunguichij! Paicunapaj ñaupa yayacunapish, llulla profetacunatarajmi alli nijcuna carca.

Juan 17:14

Ñucaca paicunamanca quiquin huillai nishcatami huillarcani. Ima shinami ñucaca mana cai pachapaj cani, shinallatajmi paicunapish mana cai pachapaj. Chaimantami cai pachapaj cajcunaca paicunataca p'iñancuna.

Juan 3:19

Luzca cai pachamanmi shamurca. Cai pachapi causajcunaca paicunapaj rurashcacuna millai cashcamantami luztaca p'iñashpa amsata munarcacuna. Chashnami jatun llaquiman rina cashcata ricuchircacuna.

Romanos 8:7

Aicha munashcata ruranaca, Diosta p'iñachinami. Chashnacunaca Dios Mandashcataca mana cazuncunachu, manataj cazui tucuncunapishchu.

Gálatas 4:16

¿Mana llullashpa nishcamantachu, cancunata p'iñaj tucushcani?

Santiago 4:4

¡Cai pachahuan huainayajcuna! ¿Manachu cai pachahuan apanacunaca, Diosta p'iñachij cashcataca yachanguichij? Maijanpish cai pachapaj amigo tucushpaca, Diosta p'iñajmi tucun.

1 Juan 4:5

Paicunaca cai pachapajmi. Chaimantami cai pachapajllata rimancuna. Cai pachapaj cajcunami paicunataca uyancuna.