Juan 7:6 - Dios Rimashca Shimicunami

⁶ Chaimi Jesusca: –Ñuca rina punllaca manaraj chayamunchu. Ashtahuanpish cancunapajca ima horaspish rinallamari.

Mushuj Testamento Diospaj Shimi

⁶ Chashna nijpimi, Jesusca cashna nirca: —Ñuca chaiman rina horasca manaraj pajtamunchu. Ashtahuanpish cancunapajca, ima horaspish rinallamari.

Juan 7:6 Iomraidhean Croise

SALMOS 102:13

¡Quiquinca Sionta llaquishpa paimanta shayaringapajmi jataringui! ¡Sionta llaquina punllamari pajtamushca!

Mateo 26:18

Jesusca: –Puebloman richij. Chaipi shuj runataca: “Yachachijca: Ñuca huañuna punllaca ñami chayamugrin. Cambaj huasipimi ñuca yachacujcunandij, Pascua fiestata yuyarishpa micugrini ninmi” nigrichij– nircami.

Juan 13:1

Pascua fiesta callarinapajca ashallami illarca. Jesusca, cai pachamanta Yayapajman rina ña chayamugrishcata yachashpami, cai pachapi caj paipajcunataca, sarunmanpish c'uyaj cashpa, cunanpish ima shina achcata c'uyashcata ricuchisha nirca.

Juan 17:1

Caicunata nishca q'uipami, Jesusca jahua pachata huichilla ricushpa cashna nirca: –“Yayitu, ñucata jatunyachina ñami chayamushca. Quiquinta jatunyachingapaj, ñucata jatunyachihuai.

Juan 2:4

Jesusca: –Mama, ¿ima nishpataj chashnaca ningui? Ñuca ruranata callarina horasca manaraj chayamushcachu– nirca.

Juan 7:30

Shina nijpi paita japinata yuyacushpapish paita japina horas manaraj chayamushcamanta pi mana japi tucurcacunachu.

Juan 7:8

Cancunaca chai fiestamanca richijlla. Ñuca rinaca manaraj chayamujpimi, chai fiestamanca ñucaca manaraj rini– nircami.

Juan 8:20

Jesusca, Taita Diospaj huasipi yachachicushpami, ofrendata cushpa churana c'uchupi cashpa chashnaca nirca. Chaipica paita japina horas manaraj pajtajpimi, mana pi japircacuna.

Hechos 1:7

Chaimi Jesusca: –Chaitaca, ñuca Yayallami yachan. Cancunaca ima huata, ima punlla canata mana yachanachu canguichij.