Juan 7:51 - Dios Rimashca Shimicunami

⁵¹ –Ñucanchij Mandashcapi nishca shinaca maijantapish pai rimashcata manaraj uyashpa, pai imata rurashcata manaraj alli yachashpaca mana juchachinallachu ninmi– nircami.

Mushuj Testamento Diospaj Shimi

⁵¹ —¿Ñucanchij Mandashcapica, shuj runata manaraj uyashpa, pai ima rurashcatapish manaraj yachashpaca juchachichunlla ninchu imatagari?— nircami.

Juan 7:51 Iomraidhean Croise

ÉXODO 23:1

Manapish cashcata llullashpa huillanapaj ama ari ningui. Millaita rurajhuan llulla testigo tucungapaj ama shuj yuyailla tucungui.

PROVERBIOS 18:13

Manaraj uyashpa imatapish cutichijca, upa cashca ricurishpa pingai tucunllami.

NÚMEROS 35:30

Maijanta huañuchishca cajpica, ima shinalla huañuchishcata huillajcuna tiyajllapi huañuchijtapish huañuchichun. Shujlla huillaj tiyajpica ama huañuchichun.

Hechos 23:3

Chaimi Pabloca: –¡Canca yurajyachishca pata shinallami cangui! Chaimanta Taita Diosmi cantapish huajtanga. Canca mandashcapi nishca shina rurangapajmari tiyacungui. ¿Ima nishpataj canca ñucata huajtai nishpa mandashcata p'aquingui?– nircami.

DEUTERONOMIO 1:17

Ima shina cashcata ricuchicushpaca, ama ñahuita ricushpalla llaquichinguichij. Jatun nishcacuna yangallacuna huillajpipish ishquindijtataj chai shinallataj alli uyanguichij. Cancunaca maijanta ama manchanguichijchu. Taita Dios mandashcata ruracushcamantaca chai rurashcaca Taita Diospajmi. Imapish cancuna mana allichi tucuipaj cajllata ñucapajmanca apamunguichij. Chaitaca ñucami uyasha nircanimi.

DEUTERONOMIO 17:6

Chaicunataca ishqui cashpa, mana cashpa quimsa cashpa huillajcuna tiyajllapi huañuchinguichij. Shuj huillajlla tiyajpica ama huañuchinguichijchu.