Juan 7:4 - Dios Rimashca Shimicunami

⁴ Tucuicuna rijsishca casha nishpaca pi imata mana pacalla ruranchu. Chaimanta can ruracushcacunataca tucuicunapaj ñaupajpi rurashpa ricuchigri– nircacunami.

Mushuj Testamento Diospaj Shimi

⁴ Tucuicuna rijsishca tucusha nishpaca, pipish imata mana pacalla ruranchu. Can ruracushca milagrocunataca tucuicunapaj ricuipi ruraiari— nircacunami.

Juan 7:4 Iomraidhean Croise

1 REYES 22:13

Micaiasta pushagrij huillaj runaca paitaca: –Caishuj profetacunaca tucuicunami jatun mandajtaca, mishanguimi nishpa cushichicuncuna. Canpish jatun mandajtaca, paicuna nishca shinallataj mishanguitajmi nishpa ashtahuan cushichingui– nircami.

Mateo 23:5

Paicunaca tucui imata rurashpapish, gentecuna ricuchunllami rurancuna. Paicunaca Dios mandashca maijan shimicunata quillcashcata frentepipish, maquipipish tucuicuna ricuchun huatarishpa purinatami munancuna. Churanatapish shujtajcunata yalli suni flecosyuj churanata churashpa purinatami munancuna.

Mateo 4:6

cashna nirca: –Taita Diospaj Churitaj cashpaca, caimanta huashicui. Quillcachishcapica: “Canta japichun Taita Diosca paipaj angelcunata cachangami. Cambaj chaqui rumipi ama ñitcarichun, paicunapaj maquipi cantaca charirangami” ninmi– nircami.

Mateo 6:16

Ayunashpaca shujtajcunapaj ñaupajpi alli ricurisha nij mishqui shimi jayaj shungucuna shinaca ama llaquilla ñahui tucunguichijchu. Paicunaca ayunacun nichunllami chashna llaquilla ñahui tucuncuna. Cashnatajmi nini: Paicuna chashna rurashcamantaca, gentecuna alli nishcallatami chasquin.

Mateo 6:5

Taita Diosta mañacushpaca, mishqui shimi jayaj shungucuna rurashca shinaca ama ruranguichij. Paicunaca runacunapi alli ricuringa raiculla mañacushcamanta sinagogacunapi, ñan muyurincunapi shayarishpa mañanatami munancuna. Chashna rurashcamantaca runacuna alli nishcallatami paicuna japina cashcataca ña japincuna. Chaica chashnatajmi.

Lucas 6:45

Alli runaca, sumaj yuyaicunata shungupi huaquichishca cashpami allita riman. Millai runaca, millai yuyaicunata shungupi huaquichishca cashpami millaita riman. Shungupi imami junda tiyan chaillatajmi shimimanca llujshin.

Juan 18:20

Chaimi Jesusca: –Ñucaca cai pachapi causajcunamanca tucuicunapaj ñaupajpimi yachachircani. Sinagogapi, Taita Diospaj huasipi, maipi tucui judiocuna tandanacunpimi punllanta yachachircani. Pacallaca imata mana yachachircanichu.

Juan 7:3

Chaimi Jesuspaj huauquicunaca: –Caimanta llujshishpa Judeaman ri. Canta catijcunapish can imalla rurashcacunata ricuchun.

Juan 7:5

Paipaj huauquicunapish Jesustaca Quishpichij cashcataca mana crircacunachu.