Juan 7:39 - Dios Rimashca Shimicunami

³⁹ Shina nishpaca, paita crijcuna Taita Diospaj Espirituta chasquina cashcatami huillarca. Jesusta manaraj sumajyachijpimi, jucha illaj Espirituca manaraj shamurca.

Mushuj Testamento Diospaj Shimi

³⁹ Jesusca, Paita crijcuna Diospaj Espirituta chasquinata huillashpami chashna nirca. Jesusta manaraj Dios sumajyachishca cajpimi, jucha illaj Espirituca manaraj shamushca carca.

Juan 7:39 Iomraidhean Croise

SALMOS 68:18

Taita Dios, jahuamanmi huichiyarcangui. Prezu cajcunataca quiquinhuanmi pusharcangui. Runacunamantami aichayuj tucurcangui. C'ariyajcunamantami aichayuj tucurcangui. Mandaj Dioslla paicunapurapi causangapajmi chashna rurarcangui.

PROVERBIOS 1:23

Ñuca jarcashcata uyashpa cutirichigari. Chaita rurajpica, ñuca Espiritutaca cancunapi churashami. Ñuca shimicunata yachachishami.

ISAÍAS 12:3

Cancunaca cushicushpami quishpichij pugyucunamanta yacuta huishichinguichij.

ISAÍAS 32:15

Jahua pachamanta paipaj Espirituta Dios cachashpa, ñucanchijpi churangacamami chashna canga. Espíritu ñucanchijpi cajpica shitashca pambacunapish, alli granota p'ucuj allpacunami tucunga. Alli granota p'ucuj allpacarin yallitaj alli granota p'ucujmi tucunga.

ISAÍAS 44:3

Chaquishca pambacunapica yacu callpacujtami rurasha. Chaquishca allpacunataca jatun yacumi callpacunga. Cambaj huahua huahuacunapica ñuca Espiritutami tallisha. Cambaj huahua huahuacunapica allicunatami tallisha.

JOEL 2:28

Cai tucuita rurashca q'uipaca, ñuca Espiritutaca tucuicunapimi churasha. Chashna churajpimi cancunapaj churicunapish, ushushicunapish ñucamanta huillangacuna. Cancunata cunaj yuyajcunapish muscungacunami. Q'uipa huiñaicunapish ñuca ricuchishcatami, muscuipi shina ricungacuna.

Mateo 16:14

Paicunaca: –Shujcunaca, Bautizaj Juanmi. Caishujcunaca, Eliasmi. Chaishujcunaca Jeremiasmi, mana cashpaca ñaupa profetacunamanta maijantajshimari yuyachin nincunami– nircacunami.

Mateo 21:11

tapunacucujpimi: –Caica, Galileapi caj Nazaretmanta profeta Jesusmi– nircacuna.

Lucas 24:49

Cunanca ñuca Yaya cusha nishca Espiritutami cancunapajman cachasha. Jahuamanta cachashca tucuita rurai tucujhuan churaringacama, Jerusalenllapitaj shuyacunguichijlla– nircami.

Lucas 3:16

Chaipimi Juanca, tucuicunaman cashna nishpa cutichirca: –Cancunataca ñucaca yacullapimi bautizani. Ashtahuanpish ñucapaj q'uipa shamujmi Espirituhuan ninahuanpish bautizanga. Paica ñucata yalli poderyujmi. Ñucaca paipaj pargatellatapish mana pascaipajmi cani.

Lucas 7:16

Chaita ricushpaca tucuicuna yallitaj mancharinacushpa Taita Diosta sumajmari cangui nishpaca: “Ñucanchijpurapica, shuj jatun profetami ricurishca. Taita Diosmari paipaj cajcunata ricuj shamushca” nircacuna.

Juan 1:21

Shina nijpi: –Shinashpaca ¿pitaj canguiyari? ¿Eliaschu cangui?– nijpi: –Chaipish mana canichu– nirca. Shina nijpi: –Shinashpaca ¿profetachu cangui?– nijpipish: –Mana– nircami.

Juan 1:25

Paicunaca: –Canca manapish Cristo cashpa, manapish Elías cashpa, Profetapish mana cashpaca ¿ima nishpataj bautizacungui?– nircacunami.

Juan 1:33

Ñucapish paitaca pi cashcata manaraj rijsircanichu. Ashtahuanpish yacupi bautizachun ñucata cachaj Taita Diosmi: “Maijanpaj jahuamanmi Espíritu uriyamushpa paipaj jahuapi saquirin. Chaimi jucha illaj Espirituhuan bautizajca canga” nirca.

Juan 12:16

Paipaj yachacujcunaca Jesús imamanta chashna ruracushcataca mana entendircacunachu. Jesusta Taita Dios jatunyachishca q'uipami, pai ima shinalla tucuna cashcacunaca Quillcachishcapi ña tiyacushcata yuyarircacuna.

Juan 12:23

Paicuna huillajpica Jesusca: –Runa Aichayujta jatunyachinaca ñami chayamushca.

Juan 14:13

Tucui imatapish ñucamanta Yayata mañajpica paica ñucamanta jatunyachishca cachun tucui cancuna mañashcata cushami.

Juan 14:26

Ñuca Yayaca cancunata Cushichij cachun, paipaj jucha illaj Espirituta ñucapaj randi cachangami. Paimi cancunataca tucuita yachachinga, ñuca cancunaman tucui imalla yachachishcatapish cutin yuyachingami.

Juan 16:14

Jucha illaj Espíritu shamushpaca ñuca yachachicushcamanta japishpami tucui ima shinalla cashcata yachachishpa ñucataca jatunyachinga.

Juan 16:7

Chashna cajpipish, caitaca cancunapaj allipaj huillanatajmi cani: Cancunapaj allipajca ñucaca rinatajmi cani. Ñuca mana rijpica, cushichijca cancunapajmanca mana shamungachu. Ñuca rishpamari paitaca cachasha.

Juan 17:1

Caicunata nishca q'uipami, Jesusca jahua pachata huichilla ricushpa cashna nirca: –“Yayitu, ñucata jatunyachina ñami chayamushca. Quiquinta jatunyachingapaj, ñucata jatunyachihuai.

Juan 17:5

Cunanca Yayitu, cai pacha manaraj tiyajpi, ima shinami ishquindij sumaj, tucuita rurai tucuj carcanchij, chashnallataj cunanpish quiquinpaj c'uchupi tucuita rurai tucuj cashcata ñucataca ricuchihuai.

Juan 20:22

Chashna nishpa paicunata p'ucushpaca cashnami nirca: –Jucha illaj Espirituta chasquichij.

Juan 6:14

Chai runacunaca, pi mana rurai tucuipajta Jesús rurajta ricushpami: –Caica cai pachaman shamuna cashca Profetatajmari– nircacuna.

Juan 7:12

Chaipi caj achcacunaca Jesusmanta paicunapura achcata parlanacushpaca, shujcunaca: “Chai runaca allimari” nircacunami. Cutin maijancunaca: “Gentecunataca umacunllamari” nircacunami.

Juan 8:54

Chaimi Jesusca: –Ñucallataj allimi cani nirijpica, ñuca allimi cani nirishcaca yangallami canman. Ñuca Yayami ñucataca alli nin. Paillatatajmi cancunapish ñucanchij Taita Diosmi nicunguichij.

Hechos 19:2

cashna nirca: –Cancuna crishpaca ¿jucha illaj Espirituta chasquircanguichijchu?– nijpi paicunaca: –Jucha illaj Espíritu tiyashcataca mana uyashcanchijllapishchu– nircacuna.

Hechos 2:17

“Taita Diosca cashnami nishca: Q'uipa punllacunapica, ñuca Espiritutami tucuicunapaj jahuapi tallisha. Chaipica cancunapaj churicuna, ushushicunapishmi Taita Dios huillachishcata huillangacuna. Cancunapaj q'uipa huiñaicunaca, muscuipi shinami ricungacuna. Cancunapaj yuyajcunapish muscungacunami.

Hechos 2:33

Paitami Taita Diosca jatun canapi churashpa, paipaj alli ladoman tiyachirca. Chaimantami Taita Diosca pai cusha nishca jucha illaj Espirituta Jesusman cujpi, paica ñucanchijman cun. Chaitami cunan cancunaca ricucunguichij, uyacunguichij.

Hechos 2:38

Pedroca: –Taita Diosman cutirichij, cancunapaj juchacunata perdonachun Taita Dios cusha nishca jucha illaj Espirituta chasquingapaj Jesucristopaj shutipi bautizarichij.

Hechos 2:4

Chaimantaca tucuicunami jucha illaj Espirituhuan junda tucurcacuna. Espíritu rimachishca shinallatajmi, shujtaj rimaicunapi rimai callarircacuna.

Hechos 3:13

Ñucanchij ñaupa yaya Abrahampaj, Isaacpaj, Jacobpaj Taita Diosmi paipaj Churi Jesucristota jatunyachirca. Paitami cancunaca Pilatopajman pusharcanguichij. Pilato cacharisha nijpipish, paipaj ñaupajpimi ama cacharichu nircanguichij.

Hechos 4:31

Chai q'uipaca, paicuna tandanacushpa tiyacun huasimi chujchurca. Paicunaca tucuicunami jucha illaj Espirituhuan junda carcacuna. Chashna cashpami Taita Diospaj Shimitaca mana manchashpa huillarcacuna.

Romanos 8:9

Ashtahuanpish cancunaca, aicha munashca shinaca ña mana causacunguichijchu. Ashtahuanpish Diospaj Espíritu cancunapi causacujpitajca, Espíritu munashca shinamari causacunguichij. Maijanpish Cristopaj Espirituta mana charijca, mana paipajchu.

2 Corintios 3:8

Espíritu rurachicunca ¿manachu chaitapish yalli achij nicuj sumaj canga?

Efesios 4:30

Diospaj jucha illaj Espirituta ama llaquichichijchu. Tucui imamantapish quishpichishpa pushana punllacama paihuan sellashcacunami canguichij.