Juan 7:38 - Dios Rimashca Shimicunami

³⁸ Quillcachishcapi nishca shinaca: “Ñucata crijpaj shungu ucumantaca, causaiyuj achca jatun yacumi pajchacungalla” ninmi– nircami.

Mushuj Testamento Diospaj Shimi

³⁸ Dios Quillcachishcapi nishca shinaca: “Ñucata crijpaj shungumantaca, causaita cuj yacucuna llujshingami”— nircami.

Juan 7:38 Iomraidhean Croise

PROVERBIOS 10:11

Cashcata ruraj runa yachachishca shimicunaca, causaita cuj yacu shinami. Ashtahuanpish mana manchajcunataca, paicuna rimashcallatajmi shimita tapanga.

PROVERBIOS 18:4

Runacunapaj shimimanta llujshij shimicunaca, mama cucha yacu ucucuna shinami. Alli yachaica, yacu llujshishpa larcata puricuj shinami.

ISAÍAS 12:3

Cancunaca cushicushpami quishpichij pugyucunamanta yacuta huishichinguichij.

ISAÍAS 35:6

Cojocunapish taruga shinami saltacungacuna. Mana rimajpaj c'allupish cantacungami. Shitashca pambacunapi allashpami yacuta llujshichinga. Shitashca pambapimari yacucuna callpacunga.

ISAÍAS 44:3

Chaquishca pambacunapica yacu callpacujtami rurasha. Chaquishca allpacunataca jatun yacumi callpacunga. Cambaj huahua huahuacunapica ñuca Espiritutami tallisha. Cambaj huahua huahuacunapica allicunatami tallisha.

ISAÍAS 55:1

¡Yacunaihuan cajcuna tucuicuna shamuichij. Yacuman shamuichij! Cullquita mana charishpapish shamuichijlla. Cullqui illajlla randishpa micuichijlla. Shamuichijlla, cullqui illajlla imata mana cushpa vinota, lecheta randichijlla.

ISAÍAS 58:11

Mandaj Diosmi cantaca huiñaita michinga. Chaquishca pambacunapipish cambaj alma cushicujtami caranga. Cambaj tullucunatapish sinchiyachingami. Canca larca yacucunayuj huerta shinami cangui. Mana tucurij yacucuna shina pajchacuj yacu shinami cangui.

ISAÍAS 59:21

“Paicunaman ñuca ari nishcata ricuchinaca caimi canga ninmi Mandaj Diosca. Ñuca Espirituta paicunapi churajpi, ñuca shimita paicunapaj shimipi churajpica, canmantaca chaicunaca manataj anchungachu. Cambaj huahua huahuacunamantapish manataj anchungachu. Cambaj huahuacunapaj huahua huahuacunamantapish manataj anchungachu. Chaicunaca cunanmanta huiñaicama manataj anchungachu” ninmi Mandaj Diosca.

ZACARÍAS 14:8

Chai punllapica, cashnapishmi tucunga: Jerusalenmantaca, causaita cuj yacucunami llujshinga. Chai yacucunaca tamya punllacunapipish, usya punllacunapipish chaupica inti llujshin lado mama cuchaman, chaupica inti huashicun lado mama cuchamanmi ringa.

Juan 4:10

Chaimi Jesusca: –Taita Dios canman cusha nishcata yachashpaca: “Yacuta ñucaman cuhuai” nicujca pi cashcata yachashpaca, canmari paitaca yacuta cuhuai ninguiman. Paica causaita cuj yacutami canmanca cunman– nijpimi,

Juan 4:14

Maijanpish ñuca cushca yacuta ubyajca, manataj yacunachingachu. Ñuca cushca yacuca huiñai causaita cushpa huiñaita llujshicungallami– nijpimi,

Efesios 5:9

(Espiritupaj granoca, tucuipi alli cajmi, cashcata rurajmi, mana llulla canapishmi).

DEUTERONOMIO 18:15

Mandaj Dios cancunapaj Taita Diosca cancunapuramanta cancunapaj huauquicunatami ñuca shinallataj huillajta shujtajta jatarichinga. Paita uyanguichij.