Juan 7:37 - Dios Rimashca Shimicunami

³⁷ Fiesta tucuri jatun punllapimi, Jesusca shayarishpa sinchita cashna nirca: –Maijanpish yacunaihuan cashpaca ñucapajman shamushpa ubyaichij.

Mushuj Testamento Diospaj Shimi

³⁷ Fiesta tucurina ashtahuan jatun punllapimi, Jesusca shayarishpa sinchita cashna nirca: —Pipish yacunachishpaca, Ñucapajman shamushpa ubyaichij.

Juan 7:37 Iomraidhean Croise

NEHEMÍAS 8:18

Ramadacunapi causashpa fiestataca canchis punllatami rurarcacuna. Mandashca libropi nishca shinallatajmi pusaj punllapica yallitaj jatun fiestata rurarcacuna. Chaipica Esdrasca, fiesta callari punllamanta tucuri punllacamami, cada punlla Taita Dios mandashca librotaca rezarca.

SALMOS 143:6

Quiquinpajmanmi ñuca maquicunataca chutarcani. Ñuca almaca chaquishca allpa yacunaihuan caj shinami quiquinta shuyacun. Selah

SALMOS 42:2

Ñuca almaca Taita Diostami yacunachin. Causaj Diostami yacunachin. ¿Ima horataj Taita Diospaj ñaupajpica, ñahui ñahui ricurigrishari?

SALMOS 63:1

Taita Dios quiquinca ñuca Diosmari cangui. Tutamanta utcatami quiquintaca mashcasha. Ñuca almaca quiquintami yacunachin. Ñuca aichaca quiquintami munanachin. Chaquishca, tullu allpapimari puricuni. Yacu illanpimari puricuni.

PROVERBIOS 1:20

Alli yachaica ñancunapi purijcunata caparicunmi. Plaza pambacunapi tandanacujcunatapish cayacunmi.

PROVERBIOS 8:1

Alli yachai cayacujtaca, alli yuyai caparicujtaca ¿manachu uyanguichij imatagari?

PROVERBIOS 8:17

Ñucata c'uyajcunataca, ñucapish c'uyanimi. Tutamantaman mashcajcunallami ñucataca japincuna.

PROVERBIOS 8:3

Puebloman yaicuna pungucunapipish, pungucuna ñaupaj pambacunapipishmi sinchita caparishpa cashna huillacun:

PROVERBIOS 9:3

Chaimantaca paipaj huiñachishcacunatami, pueblo muyundij ashtahuan jatun pircacuna jahuamanta cashna caparichun cacharca: “Yachai illajcunapish, alli yuyaita mana charijcunapish caiman shamuichij.

CANTARES 5:1

Ñuca panilla, ñuca c'uyashca huarmiculla, ñuca huertamanmi shamurcani. Ñuca mirratapish, mishquiman ashnaj jambicunatapish ñamari japini. Sacha chuspi huachashca mishquitapish ñamari micuni. Vinotapish, lechetapish ñamari ubyani. Ñucahuan alli apanacujcunapish, ñuca c'uyashca huauquicunapish cushicushpa huijsa pajtata micupaichijlla, ubyapaichijlla.

ISAÍAS 12:3

Cancunaca cushicushpami quishpichij pugyucunamanta yacuta huishichinguichij.

ISAÍAS 40:2

Jerusalenpi causajcunaman caparishpa paicunapaj shunguman chayajta cashna nishpa huillaichij. Cancuna llaquita apana punllaca ñamari tucurishca. Cancunapaj juchacunataca ñami perdonashca. Cancunapaj juchamantaca Mandaj Diospaj maquihuan llaquichicujpica ishquihuan yallitami llaquicunata chasquishcanguichij ninmi.

ISAÍAS 40:6

“Caparijca capariyari” nijpimi ñucaca: “¿Imatataj caparishpa huillana caniyari?” nijpica: “Tucui gentecunami q'uihua shinalla. Pai sumaj cashcaca chagrapi tiyaj sisa shinallami.

ISAÍAS 44:3

Chaquishca pambacunapica yacu callpacujtami rurasha. Chaquishca allpacunataca jatun yacumi callpacunga. Cambaj huahua huahuacunapica ñuca Espiritutami tallisha. Cambaj huahua huahuacunapica allicunatami tallisha.

ISAÍAS 55:1

¡Yacunaihuan cajcuna tucuicuna shamuichij. Yacuman shamuichij! Cullquita mana charishpapish shamuichijlla. Cullqui illajlla randishpa micuichijlla. Shamuichijlla, cullqui illajlla imata mana cushpa vinota, lecheta randichijlla.

ISAÍAS 55:3

Ñucapajman shamuichij. Cancunapaj rinrinta ñuca ladoman churashpa uyaichij. Uyaichij, cancunapaj almaca causangami. Pi mana cuyuchipaj c'uyaihuan Davidman ari nishcallapitajmi, cancunahuanpish huiñaipaj ari ninacusha.

ISAÍAS 58:1

¡Jacobpaj huahua huahuacuna juchallishcamanta, ñuca agllashcacuna ñucata c'ariyashcamantaca ama pararishpa cunga pajtashcata capariyari! ¡Trompetapi tocaj shina sinchita caparishpa huillayari!

JEREMÍAS 16:19

Mandaj Dioslla, canmari ñucata pacajpish, ñucaman fuerzata cujpish cangui. Llaquihuan cajpipish, canmari huaquichihuangui. Tucui cai pacha llajtacunapi causajcuna cambajman shamushpamari, cashna ningacuna: “Ñucanchij yayacunaca imata mana rurai tucuj, yanga dioscunallatamari charishcacuna. Chaicunaca imata mana cui tucuncunachu.

JEREMÍAS 2:2

“Ri, Jerusalenpi causajcuna uyajta cashna caparigri: Mandaj Diosca cashnami nin: Can huambraraj cashpaca, ñucata allimi cazuj carcangui. Ñucahuan cunanlla cazarashca cashpaca, ñucata c'uyarcanguimi. Chaimantami ima tarpushca mana tiyaj, shitashca pambata pushamujpipish, ñucata catishpa shamurcanguilla. Chaitaca allimi yuyarini.

EZEQUIEL 47:9

Cai ishqui yacucuna yaicucunpi tucui causaita charijcuna huambushpaca, causangatajmi. Cai yacucuna jatun cuchaman yaicushcamantami, chalhuacunapish yallitaj miraringa. Chai mishqui yacutami ubyangacuna. Cai jatun yacucunaman yaicujcunaca tucuicunami causanga.

LEVÍTICO 23:36

Chai canchis punllacunapipish Mandaj Diosman rupachishpa cunguichij. Pusaj punllapica tucuita cayashpa Diospajlla tandanacuita charinguichij. Chai punllapipish Mandaj Diosman cushpa rupachinguichij. Fiesta punlla cashcamanta chai punllapica sinchi trabajocunataca imata ama ruranguichijchu.

LEVÍTICO 23:39

Shinallataj canchis quillapaj chunga pichca punllapica, cancunapaj chagramanta p'ucushca granocunata ña tucui tandai punllapica Mandaj Diosta pagui nishpa canchis punllacunata fiestata ruranguichij. Chai fiesta callari punllapipish, tucuri pusaj punllapipish tucuicunapaj samarinami canga.

MIQUEAS 6:9

Mandaj Diosca pueblopi causajcunataca cayacunmari. Canta manchanaca alli yachaj canami. Maijantapish pai llaquichijpica cazuichigari.

ZACARÍAS 9:15

Paicunataca, tucuita Mandaj Diosmi huaquichinga. Paicunata p'iñajcunataca huañuchingacunami. Huaracahuan shitana rumicunatapish sarungacunami. Yahuartapish vinota shinami ubyangacuna. Chaimantaca machashcacuna shinami caparirishpa puringacuna. Jatun tazapi, altarpi tiyaj gachucunapi shinami jundachingacuna.

NÚMEROS 29:35

Pusaj punllapica Mandaj Diospajlla jatun tandanacuita ruranguichij. Chai punllapica sinchi trabajocunataca imata ama ruranguichij.

Mateo 11:28

Tucui imalla ruranacunahuan shaicushcacuna, aparishcacuna tucuicuna ñucapajman shamuichij. Ñucami cancunataca samachisha.

Mateo 3:3

Profeta Isaías huillashpaca, Juanmantami cashna nishca: “Shitashca pambapi caparijca: “¡Jatun Diospaj ñanta allichichij. Cancunapaj ñancunatapish allichichij!” ningami” nishcami.

Mateo 5:6

Cashcata ruraj canata yaricaihuan, yacunaihuan shina mashcajcunaca cushichishcami. Paicunaca mana nijtami micungacuna.

Juan 1:23

Chaimi Juanca: –Profeta Isaiasca shitashca pambapica: “Jatun Diospaj shamuna ñanta allichichij nishpami shuj runa caparicun” nishcami. Ñucaca chaimari cani– nircami.

Juan 14:6

Chaimi Jesusca: –Ñucamari ñan cani, mana llullapish, causaiyujpish cani. Yayapajmanca pi mana paillatajca chayai tucunchu. Ñucami Yayapajman chayachij ñan cani.

Juan 4:10

Chaimi Jesusca: –Taita Dios canman cusha nishcata yachashpaca: “Yacuta ñucaman cuhuai” nicujca pi cashcata yachashpaca, canmari paitaca yacuta cuhuai ninguiman. Paica causaita cuj yacutami canmanca cunman– nijpimi,

Juan 4:11

chai huarmica: –Amito, imahuan huishinatapish mana charinguica, pugyupish ucujtamari. ¿Maimantataj causaita cuj yacutaca cunguiyari?

Juan 4:14

Maijanpish ñuca cushca yacuta ubyajca, manataj yacunachingachu. Ñuca cushca yacuca huiñai causaita cushpa huiñaita llujshicungallami– nijpimi,

Juan 5:40

Chashna cajpipish huiñai causaita charingapajca, manamari ñucapajman shamushun ninguichijchu.

Juan 6:35

Chaimi Jesusca: –Causaita cuj tandaca ñucami cani. Pipish ñucapajman shamushpa crijca manataj yaricachingachu, manataj yacunachingachu.

Juan 6:37

Ñuca Yaya agllashcacunallami ñucapajmanca shamunga. Ñucapajman shamujtaca mana tigrachishpa cachashachu.

Juan 6:55

Ñuca aichami micunatajca, ñuca yahuarmi ubyanatajca.

Juan 7:28

Chashna nishcamantami Jesusca Taita Diospaj huasipi yachachicushpaca sinchita rimashpa cashna nirca: –Shinashpaca, ñucataca rijsishcanguichijmi. Maimanta cashcatapish yachashcanguichijmi. Ñucaca Taita Dios cachajpi shamujmi cani. Mana ñucallatajchu shamurcani. Paitaca cancunaca mana rijsinguichijchu. Paica mana llullachu.

1 Corintios 10:21

Mandaj Jesuspaj copamantapish, supaicunapaj copamantapish mana ubyai tucunguichijchu. Mandaj Jesuspaj mezamantapish, supaicunapaj mezamantapish mana micui tucunguichijchu.

1 Corintios 10:4

Tucuicunami Dios cachashca ubyanallatataj ubyarcacuna. Dios cachashca paicunahuan puricuj rumimantami ubyarcacuna. Chai rumica Cristomi carca.

1 Corintios 11:25

Chashnallatajmi micushca q'uipa, copata japishpaca: “Cai copaca, mushuj ruranata ñuca yahuarpi callarishcata ricuchijmi. Caita mashna cutin rurashpaca, ñucata yuyarishpa ubyanguichij” nircami.

1 Corintios 12:13

Shuj cuerpolla canapajmi tucuicuna shuj Espiritullapi bautizashca carcanchij. Judiocuna cajpi, griegocuna cajpi, amopajta ruraj cajpi, amopajta mana ruraj cajpipish, tucuicunamanmi chai Espiritullamantataj ubyachirca.

Efesios 5:18

Ama machaichijchu. Chaihuanca llaquimi tucun. Chaipaj randica Espirituhuan junda caichij.

Apocalipsis 21:6

Chai q'uipaca cashnapishmi nirca: “Ñami tucuita rurani. Ñucaca callari A, tucuri Z shina callarichijpish, tucurichijpishmi cani. Maijanpish yacunachijmanca, causaita cuj yacu llujshicujtami ubyachun convidashpalla cusha.

Apocalipsis 22:1

Chai q'uipaca causaita cuj, chuyajlla jatun yacutami angelca ricuchirca. Chai yacuca Diospajpish, Ovejapajpish jatun tiyarinamantami cristal shina achijnicuj llujshicurca.

Apocalipsis 22:17

Espiritupish, Ovejapaj huarmipish: “¡Shamui!” ninmi. Maijanpish caita uyajpish: “¡Shamui!” nichun. Maijanpish yacunachicujca ubyasha nishpaca imata mana cushpa causaita cuj yacuta ubyachunlla.